Yelemiya 29:21 - Amazwi Yakwe Leza 2013

²¹ Yawe Wamaka yonsi, Leza wa ina Izlaeli walanda pamulandu wakwe Aabu umwana wakwe Kolaiya na Zedekiya umwana wakwe Maaseya, yano yakasema vyaufi mwi zina lyakwe, wavwanga wati, “Ndayapeela mu makasa yakwe Nebukadineza umwene waku Babiloni. Nawe alayakoma, nu kuilolela mulailolela mwe eneco.

Yelemiya 29:21 Referans Kwoze

Nyimbo zya ndosya 2:14

Yakasema yako kutaya nanti vimwi vino yakakusemela suka sile intumpu zitupu. Inkosolo zyao zyali izyakukusomba sile nupya kusi navyuze vino yakunenanga. Yene yakutumpikanga sile iyaleka uwelenganya nu kuti utalinzile kuzenzuka.

2 Petulo 2:1

Ku mpiti kwalolike yakasema yaufi pakasi ka ina Izlaeli. Mu musango uli onga kwene yakasambilizya yaufi yalaloleka munomuli. Mu nkama yene yalaleta usambilizyo uwakonona nupya usi wa cumi. Yene yalakana musambazi wino wayakulwile. Acino yalailetelela kononwa mukupumikizya.

Yelemiya 20:4

Yawe umwisikulu watavwanga ati, ‘Wemo Pasyuli namakucita ingofyo kuli wemwisikulu na kuli yacuza yako kwene. Nu kuilolela ulailolela wemwisikulu kuno anisi yako yalakomola yacuza yako ku lupanga. Namaleka umwene waku Babiloni awino ateke antu yako amu mpanga ya Yuda. Yamwi alayasenda mu uzya uku Babiloni, nga yamwi nayo alayakoma.

Yelemiya 20:6

Nawe, Pasyuli, wewe kumwi na ang'anda yako kwene mulasendwa umu uzya ku Babiloni. Kuku akuno mulafwila nu kuzikwa, wewe kumwi na yacuza yako kwene yano wasemile vyaufi.’ ”

Yelemiya 29:15

Mwemo mukati, “Yawe watupeela yakasema umu Babiloni.

Yelemiya 23:14

Lelo muli yakasema aku Yelusalemu mwene nindola mwenemo ulenzyo, intumpu, ukukomelezya antu ukucita iviipe, kuti kutaya uwakuzenzuka ku uyi wakwe. Yonsi pyu kunondi aipe wa ina Sodoma. Antu amu Yelusalemu yakoline wa ina Gomola.