Yelemiya 29:18 - Amazwi Yakwe Leza 2013

¹⁸ Ndayazinganya nu lupanga, ni cipowe nga ni mpungo. Ndayaletela intete ni ngofyo uku wene uli onsi wa pano nsi. Yalaya antu yamwi atipwe, akuwelwa nupya azewane mu mitundu yonsi muno nayasalanganyizizye.

Yelemiya 29:18 Referans Kwoze

Yelemiya 42:18

“Yawe Wamaka yonsi, Leza wa ina Izlaeli wavwanga wati, ‘Vino ukali wane ni cipyu cane vyaponile akaya aku Yelusalemu, ali vino cipyu cane cilamuponela ndi mwaya ku Eguputo. Mulaya antu yamwi atipwe na asulwe. Mutalatala musyukile incende ii nupya.’ ”

Yelemiya 15:4

Nupya ndalenga ukuti antu yonsi panonsi yaizakazila sile uku ntete apa kulola ivintu vivyo, pamulandu wa vintu viipe vino Manase umwana umonsi wakwe Hezekiya wacisile mu Yelusalemu lino wali umwene waku Yuda.”

2 Milandu 29:8

Caleka ukali wakwe Yawe iuponela pa antu amu Yuda nu mu Yelusalemu kwene. Nga antu yonsi yapeziwa amano nu kuvwa intete pali vino wene wacita kunoyali.

Yelemiya 34:17

Caleka lyene Yawe wavwanga wati, “Mwatimukana ukunguvwa, mwakana nu kupeela untungwa cila muntu uku anyonko nu ku auzo. Icisuma fwandi, nemo namamusunkilizya umu nkondo, uku mpungo nu ku cipowe. Namamuletela na kasokonda uku wene uli onsi uwa pano nsi.

Yelemiya 24:9

Ndayalenga ukuya na kasokonda uku wene uli onsi uwa panonsi. Yene yalaya izewanya lya antu nu musowe, inseko nu lutipu umu ncende zyonsi muno ndayazingila mwenemo.

Malango 28:25

“Yawe alapeela amaka ku anisi inu akuti yamucimvye. Mulaezya kuyazanza ukutunkila pa ntunga yonga, lelo muluutuka ukufuma kunoyali mulungame ku ntunga zyonsi, cakuti antu yonsi pano nsi yalazakaza ku ntete lino yalalola icacitika kunomuli.

Ezekelo 12:15

Lyene yalamanya ukuti nene indi Yawe, nene nayasalanganyizizya mu nko zyuze nu kuyasansanta mu mpanga izivule.

Yelemiya 25:9

indi nu kwama imitundu yaku kayeya, namaama umuomvi wane Nebukadineza umwene waku Babiloni, namaama antu yano yakaikala ku mpanga ilya apakuti yize yamuvwangatile, yavwangatile kumwi ni mitundu ino yamuzinguluka. Namamulovya mwensi pyu pakuti antu yauze ndi yalolekesya yatandika sile kuizakazila pamulandu ni ntete. Ivyalanda Yawe.

Ezaya 65:15

Antu yane asololwe yalatoola izina linu, nu kulilumbula wa lutipu lwa kutipwila yauze. Nene kwene ne Yawe, anene ndamukoma. Yano yakantumikila ndayama izina ilipya.

Luka 21:24

Yamwi yalakomwa ku mpaanga nu kusendwa mu uzya ku nko zyonsi, nga na Yelusalemu alalyatolwa na antu atataila Leza kufika lino kasita kao kalasila.

Zakaliya 7:14

Pali pakuvwanga ati, ‘Uli mulandu kwene ukalenga ukuti nasalanganyizizya antu yane mu mpanga zya inamasi. Mpanga itaizipila apali pakuisyalila amapooli, umwaula nanti umwi wakwikalamo.’ ”

Amosi 9:9

“Pano ndapeela ilamulo, alino ndapukanya aina Izlaeli ku na ku pakasi ka mitundu yonsi ya antu ndi vino yakapukanya imbezu mu lunyungo, nga kutalaya akaliwe konga akalaponela pansi.

Ezekelo 36:19

Nayapile umulandu pa mikalalile yao, na pamicitile yao, alino kuyasalanganya na yasalanganyizizye umu mpanga zya antu ya mitundu yuze.

Ezekelo 22:15

Antu yako ndayasalanganyizizya mu mitundu ya antu yauze aya mu mpanga zyuze, ni viipe vino ukacita navyo kwene ndavipezya.

Ezekelo 6:8

“Yamwi ndaleka yakapusukepo, nu kusansantikila mu mitundu yuze.

Yelemiya 29:22

Apamulandu wakwe alio kwene azya yonsi ukufuma ku Yuda, yano yali ku Babiloni yalaomvya intipu zi syamo lyao, zyakuti Yawe angala akucitile vino wacitile Zedekiya na Aabu, yano mwene waku Babiloni wasalwile apuma pa moto!

Yelemiya 26:6

Ndi cakuti mwatwalilila ukukanayuvwila, lyene ndacitila Ng'anda ikulu ndi vino nacisile ku Syilo. Alino imitundu yonsi ya muno nsi yalaomvya izina lya musumba uu uwa ntipu.”

Yelemiya 19:8

Nupya namaonona umusumba uo cakuti yonsi yano yamapitanga mwenemo yaoopa nu kuzunguka kuli vyonsi vino vimacitika mwenemo.

Masamu 44:11

Watuleka lyene yatukomola wa mfwele, lyene twatitusalanganila nu mu mpanga zyuze.

Malango 28:64

“Yawe alamusalanganyizizya mu mitundu yuze, ukufuma ku mpela yonga ya nsi ukufika nu ku yuze. Ali kuno mulaya mukaatumikila tuleza utwakuwaza nu twapangwa ku mawe, tuto tuno mwemwe nanti ivikolwe vinu mutatala mwapepa.

Aina Levi 26:33

Ndalenga inkondo ukuya panomuli kuti musalangane mu mpanga zya inamasi. Mpanga inu ilasyala iyaulamo antu, nupya imisumba inu ilasyala matongwa.

Mpendwa 5:27

Ndi cakuti umwanaci wiyo wala wacita uzelele, ale amanzi yayo yamamuletela kuwaya kwipisye, ni ndilwa yakwe ivimbe, ni vyanzwalo vyakwe vinyale, nga ni ila lya uvyazi wakwe lifupame. Na antu yakwe yalamutipa.

Malango 28:37

Umu nko muno Yawe alamusalanganyizizya, antu yalazunguka pa vintu vino vyati vimuponela. Yalamuwela nu kumutumfya.

Yelemiya 27:8

Umutundu nanti uwene uno utalatumikila Nebukadineza umwene waku Babiloni, uno utalacimbila umwene waku Babiloni, ndaukomola ku lupanga, ku cipowe nu ku mpungo. Avino Yawe walanda. Suka sile ace aulovye ku minwe yakwe.

Yelemiya 29:17

Yawe Wamaka yonsi, wavwanga wati, “Ndayakatusizya inkondo, icipowe ni mpungo, nupya ndayacita wa masamvu aole aipisye cakuti kusi umwi wino angayalya.

Yelemiya 32:24

“Mwalola lyene, vino yatiyatuntumalika umusili ukufika nu ku musumba, apakuti yaupoke. Inkondo, icipowe ni mpungo vimapela umusumba mu makasa ya ina Babiloni yano yakuuzanza. Cino wasowile cafikila nu kuilolela watuilolela wenga.

Yelemiya 44:12

Alino lyene ndasenda antu alasyalapo amu Yuda yano yapanzile ukuya ikala ku Eguputo. Ndalola inzila yakuyalovezyamo, muno kwene mu Eguputo. Yalafwa ku nkondo, uku cipowe nu ku mpungo. Antu yalazunguka sile pa kuyalola. Yalayawela nu kuomvya izina lyao apakuyatipwila.

Yelemiya 44:22

Asi papo, ukufika napilelo impanga inu yononeka mutacili nanti umwi uwakwikala mwenemo. Antu yauze yakazunguka sile, apakulola vino cili, ni zina linu, ali lino yakaomvya apakutipwila. Pasi pano Yawe wasusile waposiwa ukuzizimizya apa miyele inu ni misango inu iipisye.

Ezekelo 23:46

Yawe Simwandalali wavwanga wati, “Lekini yayakolonganike mwi umba lya antu uleke amuno yize yayofye yayasampe ni vyuma vyao.

Mika 6:16

Mwemo mwalondela ivicitwa viipe vyakwe Omuli ni vicitwa vyonsi vya ang'anda yakwe Aabu. Mukasunga ni ntambi zyao zyonsi. Caleka ndamulovya, na antu yonsi yalamusuula, nga na antu amu nko zyuze yalamusoweka.”

Yelemiya 18:16

Yasenula impanga icitumba, icintu cakusausya amanda pe, na wensi wino alapita apipi cilamupezya amano, nupya alapukunya sile umutwe.

Yelemiya 24:10

Nupya ndayatumila ulupanga ni cipowe nga ni mpungo, mpaka yace yalowe umu mpanga ino nayapile aeneco ni vikolwe vyao.”

Ezekelo 5:15

“Lino nemo ndasoka nu kukufokela ukali ukali apakukufulula, antu amitundu yakuzinguluka yalalemwa ni ntete. Lino yalakulola, yalakusaalula nu kukuwela. Ivyalanda ne Yawe.

Zakaliya 8:13

Mwe antu amu Yuda mwe, na mwe ina Izlaeli mwe! Mpiti ainamasi yatolanga izina linu, alino iyalumbula pakutipwila antu yauze, ala yakuti, ‘Mwe anisi mwe, cakumulya caula, wakwe cici calile Ayuda na ina Izlaeli!’ Lelo nemo ndamutuula, na inamasi lyene yamamoopanga. Si mungala mwalukupolelewa ndi vikwene ivyapolelelwa Ayuda na ina Izlaeli! Caleka mwemo posyini sile, mutaoopa foo.”