Yelemiya 29:11 - Amazwi Yakwe Leza 2013

¹¹ Pano nimanya vino mpanzile ukucita pamulandu namwe, ivyalanda Yawe. Napanga ukumuletela ulongo asi syamo foo. Ukumuletela utailo ni syuko likalamba.

Yelemiya 29:11 Referans Kwoze

Masamu 33:11

Uteyanyo wakwe Yawe wene ulasyalilila pee. Amelenganyo yamu mwenzo wakwe, yene yalasyalilila amanda yonsi.

Mika 4:12

Lelo antu yayo yatamanya ukwelenganya kwakwe Yawe, nupya yatiluka ukuti yayakonganika kuti yavunukwe, wakwe vino imyanzi ya ngano ikakolonganikwa apa lwano.

Masamu 40:5

We Yawe, Leza wane, ala vino watucitila ivyakuzunguka ivivule, Vino wemo watuteyanyizizya pasi pa wingi. Icacumi pasi nanta wenga uwaya wakwe wewe! Nga cakuti nati nkandande vyonsi pano vyapela, awe cumi ntange nkume mwenemo, pano vyavula wakwe cimwi.

Yobo 23:13

“Umweneco ataya na kwaaluka, ndi watemwa ukucita icili consi aweni angamulesya? Wene akacita consi cino akasi.

Nyimbo zya ndosya 3:26

Fwandi cazipa wakwe cimwi ukuteeka imyenzo lino tukulolela, lilyo lino tukulolela kuti Yawe aliwe atutuule.

Oseya 3:5

Lelo pacisila cakwe vivyo aina Izlaeli yalawelela nupya kuli Yawe Leza wao na kuli wenga uwamu mupanda wakwe Davidi umwene wao. Lyene Yaliza kuli Yawe ala yakuzakaza nga yalapokelela ivisuma ukufuma kunoli.

Zakaliya 1:6

Uzye ivikolwe vinu vituvwile amazwi yane na masunde yane yano nanenyile aomvi yane yakasema? Lyene yene yazenzwike nu kuvwanga yati, Yawe Wamaka yonsi watatupezya ukulingana ni miyele nga ni vicitwa vitu iviipe.’ ”

Yelemiya 23:5

Yawe walanda wati, “Amanda yaliza lino ndasonta Umwene kacita wa vyaololoke, uwa mupanda wakwe Davidi. Aliwe alateeka wa Mwene wampomvu, uwamano nu kucita ivisuma ni vilungame mu mpanga.

Yelemiya 23:6

Umu manda yakwe akuteeka, antu amu Yuda yalacingililwa, nga na antu amu Yelusalemu yalikala mu mutende. Wene alaamwa ukuti, ‘Yawe ali ololoke witu’.

Yelemiya 30:9

Yalatumikila sile Yawe Leza wao nu mwene wao Davidi wino ndayapeela.

Yelemiya 30:10

“Utaaopa fwandi we muomvi wane Yakobo. Utazakaza we Izlaeli. Ivyalanda ne Yawe. Pano nemo ndakukulula mu mpanga ntali na ana yako mu mpanga ya uzya wao. Yakobo alasyukila nupya ulongo nu mutende, kutalaya nu wakumucuzya.

Ezekelo 11:16

“Caleka unene auzo ali mu uzya ukuti ivintu vino ne Yawe Simwandalali nkumunena aivi: ‘Nene nayatumile kuya ikala mu nko zyuze zyakutali nu kuyasalanganyizizya mu mpanga zyuze. Lelo, pa kasita kanono namayanga nayo mu mpanga muno yaya.’

Zakaliya 13:9

Cipande ca antu calenga vitatu cino casyala penepo cili cino nemo ndezya, nu kuyazifya ndi vino yakaengulula siluva, nupya ndayezya ndi vino yakaezya zaabu. Yalaalaizya izina lyane, nani ndayuvwa nu kuyanena inti, ‘Mwemwe antu yane.’ Nga nayo yalavwanga yati, ‘Wewe uli Leza witu.’ ”

Masamu 85:9

Cumi kwene, wene akalonda ukupususya yayo akamoopa, alino lyene nu lulumbi lwakwe luloleke umu mpanga itu.

Ezaya 27:4

“Nata ukuilizyanya apa calo. Ndi cali cakuti yankololwe ni myunga avino vyakwatilamo umuzano, nemo ningavilwisya suka sile imvyoce pyu.

Yelemiya 24:5

“Yawe Leza wa ina Izlaeli wavwanga wati, ‘Ndasakamala antu yakwe Yuda ndi vino nasakamala amasamvu, antu yano yasendwa mu uzya, yano nafumizye mu ncende ino apakuyatuma umu mpanga ya Babiloni.

Yelemiya 33:6

Lelo ukuya kwene, intalalengela uku ututulula nu kuupozya. Ndayalwazya nu kuyapeela ulongo nu mutende ukalamba.