Yelemiya 28:15 - Amazwi Yakwe Leza 2013

¹⁵ Kasema Yelemiya ali pakuya kuli Hananiya nu kumunena ati, “We yame! Ala Yawe asi awino wakutuma foo, nupya waleka antu yataila vyaufi kunuli.

Yelemiya 28:15 Referans Kwoze

Yelemiya 27:15

Pano asi nene nayatuma foo, ivyalanda Yawe. Lelo yene yakasema ivyaufi umwi zina lyane. Icilalenga nu kuti imuzinge muce mulowelele kumwi na yakasema kwene yayo.”

Yelemiya 23:21

Yawe wavwanga wati, “Ntatumile yakasema yayo, lelo nanti cali vivyo yene yaile kweneko. Ntayanenyile nanti cimwi, lelo nalyo kwene yasemile mwi zina lyane.

Ezekelo 22:28

Yakasema yao nayo yasilandapo pa uyi uu, yakafisa kwati antu yano yakupawila cipau ku lung'umba. Ivilolwa vyao navyo ivyaufi sile, ni visowelo vyao navyo kwene ivyaufi sile. Yene yakailola ungati antu akalanda amazwi yane ne Yawe, fwandi ala ne Yawe ntayanenyile nanti kamwi.

Nyimbo zya ndosya 2:14

Yakasema yako kutaya nanti vimwi vino yakakusemela suka sile intumpu zitupu. Inkosolo zyao zyali izyakukusomba sile nupya kusi navyuze vino yakunenanga. Yene yakutumpikanga sile iyaleka uwelenganya nu kuti utalinzile kuzenzuka.

Yelemiya 29:23

Fwandi vivyo iviliizila yakacita ya muzewanya mu Izlaeli, yano yakacita ulenzyo na yamuka eneco, yano yakalandila mwi zina lyane nanti ntayatumile. Lelo namanya ukuti nene kambone kuli cico.” Ivyalanda Yawe.

Ezekelo 13:22

Pano uku ufi winu mukacuzya imyenzo ya mulungami, wino nemo nsyacuzya foo. Alino mukakomelezya nu mwipe apakuti atata ivicitwa vyakwe iviipe, lelo asyukile nupya uumi.

1 Yamwene 22:23

“Alino pakusyalikizya Mikaya avwanga ati, ‘Fwandi vino cili Yawe aliwe alenzile ukuti yakasema yako yonsi yakulyombeleke. Yawe umwisikulu aliwe akulonda kuti uce uponelwe nu uzanzo.’”

Yelemiya 20:6

Nawe, Pasyuli, wewe kumwi na ang'anda yako kwene mulasendwa umu uzya ku Babiloni. Kuku akuno mulafwila nu kuzikwa, wewe kumwi na yacuza yako kwene yano wasemile vyaufi.’ ”

Zakaliya 13:3

Alino umwi ndi waca watwalilila ukusema, isi na nyina, yayo amuvyalilila yalamunena yati, ‘Wemo ukulonda imfwa, pasi pano ukuitunga ukulanda amazwi yakwe Yawe, lino fwandi ivyaufi sile vino ukulanda.’ Alino ndi waswilizyapo ukusema, lyene isi na nyina amuvyalilila, ali yano yalamutota icanzo mpaka yamupulinkanye, pamulandu wakusema ivyaufi.”

Yelemiya 28:11

Alino lyene Hananiya avwanga ku antu ati, “Yawe watavwanga ndi vino vivyo vino mwalola ali vino pasikupita imyaka iili ale watavunola ikoli lino Nebukadineza umwene waku Babiloni wikila imitundu.”

Yelemiya 7:8

Lelo si lolini, vino mwemo mukutaila mu mazwi ausomvi nupya asi yampomvu.

Yelemiya 29:8

Pano Yawe Wamaka yonsi, Leza wa ina Izlaeli wavwanga wati, “Mutaleka yamusombe kuli yakasema na yakasapoola yano yikala kuno muli, mutakakutika ku viloto vyao.

Ezekelo 13:6

Yakalola ivya uwelewele nu kusowela ivya ntumpu zitupu, ala yakuti nu kuti, ‘Ivyalanda Yawe,’ nalino Yawe atayatumile foo. Nga yataila nu kuti amazwi yao yangafikiliziwa.

Ezekelo 13:9

Nkutumpula ikasa lyane nu kukatusya nu kulwisya yakasema ya vya uwelewele. Yatalazumiliziwa ukwiza umwitengo lya yantu yane, yatalalembwa nu mu lupapulo lwakwe ya mwana Izlaeli. Alino mulamanya ukuti nene indi Yawe Simwandalali.

Malango 13:6

“Umunyonko umwi nanti umwana wako umonsi nanti umwanaci, nanti umuci wako wino watemwa nanti acuza wako uwapa mwenzo angezya ku kutunkola mu umfisolo kuti wapepa tuleza tuze, tuto tuno ivikolwe vinu vitatazile vipepe.

Malango 18:20

Lelo ndi kasema ali wensi camukumba ukwezya kulanda mwi zina lyane lino nemo ntamupeela ilamulo kuti acite cico, wene alinzile akomwe, nga vivyo kwene avino mukacite na kuli kasema akalanda mwi zina lyakwe tuleza tuze.

Yelemiya 23:31

Endi, nemo nkukanya yakasema yano yakaomvya indimi zyao umu kuvwanga yati, ‘Yawe uwalanda amazwi yaa.’