Yelemiya 28:11 - Amazwi Yakwe Leza 2013

¹¹ Alino lyene Hananiya avwanga ku antu ati, “Yawe watavwanga ndi vino vivyo vino mwalola ali vino pasikupita imyaka iili ale watavunola ikoli lino Nebukadineza umwene waku Babiloni wikila imitundu.”

Yelemiya 28:11 Referans Kwoze

Yelemiya 14:14

Lyene Yawe aasuka ati, “Ala yakasema yayo yakusema sile vyaufi umwi zina lyane. Asi nene nayatumile, awe. Ntayapiile ilamulo lyakulanda nanti izwi lyonga kunoyali. Ala vilolwa vino yene yamusemela ivyaufi nu kusowela kwao ukwa vintu vyauwelewele sile vino yakalola.

Mapinda 14:7

Utaezya ukupalama uku ciwelewele, pano utanga zanako amano yampomvu.

Yelemiya 29:9

Pano yene yakamusemela ivyaufi mwi zina lyane. Asi nene nayatuma foo.” Ivyalanda Yawe.

Yelemiya 23:17

Yene yalayuumilila sile mu kunena yano yasuula Leza ukuti yalaya nu longo. Na wiyo wensi wino akalondelela ulunkumbwa lwa mwenzo wakwe uumalale ala yakumunena ndi vino uzanzo utalamuponela foo.”

2 Milandu 18:10

Wenga pali yakasema, Zedekiya umwana umonsi wakwe Kenaana wapanzile impembe zya vyela. Lyene anena Aabu ati, “Yawe wavwanga wati, ulacimvizizya aina Asilya ku vintu vii.”

1 Yamwene 22:6

Acino Aabu akonganika yakasema yakwe ali manye imyanda ini, nga ayuzya ati, “Uzye nje nkalwisye umusumba wa Lamoti Gileadi, nanti foo?” Nayo yamwasuka yati, “Yanga, pano Yawe amaupeela mu makasa yako we mwene.”

1 Yamwene 13:18

Alino kasema wilya umukote amunena ati, “Nani kwene nene kasema wakwe Yawe. Nga api lamulo lyakwe Yawe umungeli waliwanena wati, ‘Uwele nawe nanti iila lyonga ukwako, kuti akalye cakulya nu kumwa amanzi.’ ” Lelo kasema wilya umukote ala akutumpoka sile.

Ezekelo 13:7

Uzye asi vilolwa vya uwelewele ni visowelo vinu vyaufi lino mukavwanga mukuti, ‘Ivyalanda Yawe.’ Nalino asi anene mvwanzile?

Yelemiya 28:15

Kasema Yelemiya ali pakuya kuli Hananiya nu kumunena ati, “We yame! Ala Yawe asi awino wakutuma foo, nupya waleka antu yataila vyaufi kunuli.