Yelemiya 27:22 - Amazwi Yakwe Leza 2013

²² “Vilasendwa uku Babiloni, ali kuno vilasyala mpaka nu wanda uno ndavitola mviwezye kuno.” Ivyalanda Yawe.

Yelemiya 27:22 Referans Kwoze

Yelemiya 29:10

“Nupya Yawe wavwanga wati suka sile imyaka amakumi cinimbali ino yamupimila ku Babiloni ice isile, alino ndiza mupempule. Ndafikilizya nu ulayo uno nalavile apakumuwezezya umu ncende ii.

Yelemiya 32:5

Nupya alasenda Zedekiya ku Babiloni, ali kuno alasyala mpaka nkize nkamupempule, ivyalanda Yawe. Ndi cakuti mwalwisya aina Babiloni, pasi cino mulatumbula.

Ezila 7:19

Iviya vyonsi vino yakupeela ivya kuomvya umu Ng'anda ikulu yakwe Leza winu ule uviike apa mulola wakwe Leza ku Yelusalemu.

Ezila 1:11

Fwandi iviya vyonsi pamwi vyakwe zaabu na vyakwe siluva vyali amazimbi yasano ni myanda ini (5, 400). Avili vino Syesyibaza wawelulwike navyo ukufuma ku uzya mu Babiloni avileta uku Yelusalemu.

Mapinda 21:30

Amano, ukwiluka kwa vintu, nanti ukupandwa amano, vii vyonsi ivya ciwelewele sile ndi cakuti visikulola kuli vino Yawe akalonda.

Danieli 9:2

ne Danieli napitulwike mu Malembelo yamuzilo ukulingana na mazwi yano Mwene wanenyile kasema, nga niluka ukuti Yelusalemu alaya wa citalang'anda apa myaka amakumi cinimbali.

Danieli 5:23

Wemo wasangukile Umwene wa mwiyulu. Wapile ilamulo kuti yakuletele ingako ni ngeso ukufuma mu Ng'anda ikulu yakwe Leza. Alino wewe, na yacilolo yako, na aci yako, na aci yako apa mbali yamwelile waini mu viya vii nu kulumbanya tuleza utwapangilwa na siluva na zaabu, nu mukuwa, ni cela, ni mbao nga na mawe, vivyo ivitangalola nanti ukuvwa. Lelo utacindike Leza wino wafumbata umi wako umwi kasa lyakwe kumwi na vyonsi vino ukacita.

Yelemiya 34:5

Lelo ulafwa umu mutende nu longo. Vino yociile ivikolwe vyako ubani, yamwene yampiti yano yakukolelile, ali vino yalocela nawe kwene, nu kukulosya yati, ‘Iye mwe kalanda kasikolo Umwene witu mwe!’ Vivyo avino nemweneco nalaya, Ivyalanda ne Yawe.”

Ezila 7:9

Alino nu kufika mu Yelusalemu umu mwezi wakwe cisano umu mwaka uwalenga cinimbali uwa utesi wakwe Alitakisesi. Ulongo lwakwe Leza ulwa mukolelelanga nu kumusunga.

2 Milandu 36:21

Acino fwandi icintu cino Yawe wavwanga ukupitila muli yakasema ali wakwe Yelemiya, casusile cafikiliziwa icikati, “Impanga yi ilasunga Isabata apa nsita yonsi ino ilikala iyononeke mpaka ikasuke ikasyukile ukupuza kwi Sabata, myaka amakumi cinimbali isuke ipite.”

2 Yamwene 25:13

Ivita vya ina Babiloni vyatamozile incesi ya vyela zyamu Ng'anda ikulu yakwe Yawe. Ivitamola ni ngolofwani izyali mwenemo kumwi ni tanki likalamba. Lyene yasenda nu mukuwa onsi ku Babiloni.

Yelemiya 20:5

Namaleka na anisi yako yasampe ni vyuma vyonsi ivyaya mu musumba uno wa mpanga ya Yuda kumwi na vyonsi vyamutengo ivyaya mwenemo. Vyuma vyonsi vyakwe yamwene yalavisenda ku Babiloni.

Yelemiya 27:7

Imitundu yonsi lyene ili nu kumutumikila aliwe, umwana wakwe nu mwizikulu wakwe, mpaka insita ya mpanga yakwe nayo ice ifikile lino imitundu yuze ikulu ilamuluta amaka nu kumucita umuzya.

Yelemiya 27:21

Fwandi mulandu wa viya vyasyala mu ng'anda yakwe Yawe alino nu mu ng'anda ya mwene waku Yuda nu mu Yelusalemu, Yawe Wamaka yonsi, Leza wa ina Izlaeli wati,

Yelemiya 34:2

“Yawe Leza wa ina Izlaeli wavwanga wati! Pitanga ukanene Zedekiya umwene wa ina Yuda ukuti Yawe wavwanga ukuti wasya apeele umusumba uu umu makasa ya mwene waku Babiloni, wiyo wino alawooca mpaka uce ulokotele na pansi.

Yelemiya 34:3

Mutalapuka foo, Mulalemwa nu kupelwa umu makasa yakwe. Mulasimpana amanso ntontonto nu kulandana nawe alino muce musendwe nu ku Babiloni.