Yelemiya 27:20 - Amazwi Yakwe Leza 2013

²⁰ Vivyo vyonsi vino Nebukadineza umwene waku Babiloni atasenzile, lino wavifumizye mu Yelusalemu nu kuvitwala ku Babiloni mu uzya, pamwi na asambazi yakwe yonsi ali mu Yuda nga nu mu Yelusalemu, umwali na Yeoyakini umwana wakwe Yeoyakimu umwene waku Yuda.

Yelemiya 27:20 Referans Kwoze

Yelemiya 24:1

Yawe wandanzile imise iili ya masamvu ino yatesilwe apa nkolelo ya Ng'anda ikulu yakwe Leza. Cali apacisila ca nsita ino Nebukadineza umwene waku Babiloni wasenzile Yeoyakini, umwana wakwe Yeoyakimu umwene waku Yuda, uku uzya, ukumufumya mu Yelusalemu nu kumutwala uku Babiloni pamwi na yacilolo yakwe na yafundi kwene.

2 Milandu 36:10

Walanga umwaka wasenuka, nawe kwene umwene Nebukadineza amusenda uku Babiloni wa munyepwe. Alunda penepo nu kusenda ivyuma navyuze ivyamu Ng'anda ikulu yakwe Leza, avitwala ukwakwe. Ali pakutoola Zedekiya umwina awino apyanikizya apa cilimba ca wene waku Yuda na Yelusalemu.

Yelemiya 22:28

Nemo natiile, “Uzye umwene Yeoakini watasanguka wa nkolo itamike ino yatiyasumba, cakuti kusi nanti wenga angaitemwa nupya? Uzye pacani cino yatiyasendelwa mu uzya, aliwe na antu yakwe, umu mpanga ino yatamanyile nanti panono?

2 Milandu 36:18

Nebukadineza umwene waku Babiloni wasenzile ivyuma vyonsi pyu vyamu Ng'anda ikulu yakwe Leza kumwi ni vyuma vya mwene kwene, avitwala uku Babiloni.

Mateo 1:11

Yosiya wali a isi wakwe Yekoniya na ina yakwe, mu manda ya kusendwa uzya ku Babiloni.

Mateo 1:12

Lino yasendwa mu uzya ku Babiloni Yekoniya wali a isi wakwe Salatieli, Salatieli wali a isi wakwe Zelubabeli,

Mateo 1:17

Caleka mikulo yonsi kufuma kuli Abulaamu kufika kuli Davidi yali ikumi na ini, nu kufuma kuli Davidi kufika ku kusendwa mu uzya ku Babiloni yali ikumi na ini, nga kufuma mu uzya mu Babiloni kufika ku kuvyalwa kwakwe Katuula uwalavilwe mikulo nayo yali ikumi na ini.

2 Yamwene 24:12

Alino lyene umwene Yeoyakini pamwi na nyina, na ana yakwe, ni nkombe zyakwe zya kwisano kwene, iyiza yacimba ku ina Babiloni. Mu mwaka wakwe cinani uwa kuteeka kwa mwene waku Babiloni, umwene Nebukadineza asenda Yeoyakini umu uzya.

Ezaya 34:12

Mutalaya umwene wakuteeka impanga ilya nanti ukupeela utunguluzi, pano intunguluzi zyao zilalowa pyu.

Yelemiya 27:21

Fwandi mulandu wa viya vyasyala mu ng'anda yakwe Yawe alino nu mu ng'anda ya mwene waku Yuda nu mu Yelusalemu, Yawe Wamaka yonsi, Leza wa ina Izlaeli wati,

Yelemiya 29:2

Cali apacisila ca nsita ino umwene Yeoyakini na nyina, namwene, ivilolo ni ntunguluzi zyaku Yuda nu mu Yelusalemu, yamfundi na yamusyanyi yafumile umu Yelusalemu nu kusendwa uzya.

Yelemiya 35:1

Umu manda yakwe Yeoyakimu, umwana umonsi wakwe Yosiya, umwene waku Yuda, izwi lyakwe Yawe lyafikile Yelemiya iliti,

Danieli 1:2

Nawe Yawe wapile Yeoyakimu umwene waku Yuda mu makasa yakwe Nebukadineza, kumwi ni viya vino yafumizye mu Ng'anda ikulu yakwe Leza. Nawe avisenda avitwala ku ng'anda ikulu yakwe kaleza kakwe ku Babilonia nga aviika mu ng'anda ya cipao cakwe leza wakwe.