Yelemiya 27:18 - Amazwi Yakwe Leza 2013

¹⁸ Iyaya ayakasema yampomvu ni zwi lyakwe Yawe likala kunoyali, ngano yakapapatila kuli Yawe Wamaka yonsi apakuti iviya vino vyasyala mu ng'anda yakwe Yawe, nu mu ng'anda ya mwene wa ina Yuda nu mu Yelusalemu, vitaca visendwe ku Babiloni.

Yelemiya 27:18 Referans Kwoze

1 Samueli 7:8

Alino iyanena Samueli iyati, “Ule utwalilile ukupepa kuli Yawe Leza witu kuti atutuule ku ina Filisti.”

Yelemiya 18:20

Uzye icumi, uyi ali cilambu ca pa usuma, apakuti yene avino yampangila? Iusya vino nemo nizile kunuli, ku kuyapapatilako, apakuti wemo utayafookela ukali ukali.

1 Yamwene 18:24

Alino muleke yakasema yaa yakwe Baali yapepe kuli kaleza kao. Nani namapepa kuli Leza wane, nga Leza wino amaasuka nu kutuma umoto, ale aliwe ali Leza wacumi.” Antu nayo pakwasuka iyapundila ca pamwi yati, “Endi, wavwanga ningo!”

1 Samueli 12:23

Nemo ne Samueli, cipelele ukutali ukwifya Yawe pa kuposiwa ukupepela mwemwe. Namamusambilizyanga imiyele isuma nupya iyampomvu.

1 Samueli 12:19

Alino antu yonsi pamwi iyanena Samueli iyati, “Sungala utupepele swe aomvi yako kuli Yawe Leza wako pakuti tutafwa, pasi pano twatitulunda pa maifyo itu yonsi iifyo lii ilya kuilengela umwene.”

Malaki 1:9

Lyene mwe yasimapepo ezyini kupapata kuli Leza kuti aye nu luse kunotuli. Lino mukupeela amawila yamusango uo, uzye anguvwa uli amapepo inu? Acino Yawe Wamaka yonsi wavwanga wati,

Ezekelo 22:30

Nemo nakasi ukuti wenga angakuula iciumba, aimilile na pa cipongo pano iciumba catuluka, pakuti awino apokolole kweneko impanga, lino nemo ndalonda ukuyonona uku ukali. Lelo ntalolapo nanti wenga.

Ezekelo 14:14

Nanti angala antu yatatu yaa, Nowa, Danieli na Yobo yatenzi mwenemo, yene yangaipususya sile aisikulu ku ololoke wao. Ivyalanda ne Yawe Simwandalali.”

Yelemiya 42:2

Yamunena yati, “Twapapata, uvwa vino tukulenga. Utupapatileko kuli Yawe Leza wako. Swe antu twali nyanya, lyene tusile sile incepelwa, ndivino nawe kwene ungailolela we mweneco.

Yelemiya 15:1

Lyene Yawe avwanga kunondi ati, “Nanti angala Mose na Samueli yangimilila apa manso yane nu kupapata, nemo ntange nezye ukuuvwila antu yaa uluse. Wemo uyazingile sile ukutali uleke yapita.

Yelemiya 7:16

Yawe avwanga kunondi ati, “We Yelemiya utezya ukupepela antu yaa nanti ukwezya ukuyalengela cimwi. Utezya kuyapapatila, pano ntaluvwa kunuli.

2 Milandu 32:20

Lyene umwene Hezekiya na kasema Ezaya umwana wakwe Amozi, iyapepa kuli Yawe nu kupunda kunoli kuti ayazwilizye.

1 Yamwene 18:26

Nayo ali pakutoola cipambasi wenga pali yano yalesile, nga iyateyanya na vyonsi ivyalondekwanga. Iyatandika nu kupepa Baali ukufika ni lanzi umutwe pakasi. Lyene yakuuta kuli Baali, yati, “Baali we, sitwasuke!” Yakasema yalya ale yakucina, yakuzinguluka kavuwa kano yakuuzile. Lelo Baali nawe ukwaula ukwasuka. Kutali uwakuti ayaasuke.

Utandiko 20:17

Lyene Abulaamu wapepile Abimeleki na Yawe amupozya, nga apozya nu muci na azya yakwe akazyana pakuti lyene yakwata ana.