Yelemiya 27:15 - Amazwi Yakwe Leza 2013

¹⁵ Pano asi nene nayatuma foo, ivyalanda Yawe. Lelo yene yakasema ivyaufi umwi zina lyane. Icilalenga nu kuti imuzinge muce mulowelele kumwi na yakasema kwene yayo.”

Yelemiya 27:15 Referans Kwoze

Yelemiya 27:10

Pano yene yakamusemela sile ivyaufi nu kuleka ukuti yamuzinge umu mpanga inu. Ala nemo ndamuzinga, mulalowa.

2 Milandu 25:16

Lelo lino acili akulanda, umwene amunena ati, “Uzye wewe twasonta kuti uye mpandamano wa mwene? Si tuzya sile! Ndi watwalilila namapeela ilamulo kuti ukomwe!” Acino kasema wilya ata ukulanda. Lelo avwanga sile amazwi yaa ati, “Manyile ukuti Leza wapanga ukukonona, pamulandu wakuti wacita icintu cii nu kukana ukutezya ku mazwi yane aku kupanzya amano.”

Umbwilo 19:20

Cilyanyi casenzilwe ku ng'anda yaminyololo pamwi na kasema waufi wino wacisile vinjelengwe pa manso yakwe. Wene waomvizye vinjelengwe vii pa kusomba yao akweti cimanyililo ca cilyanyi na yao apefile unkolanya wa cilyanyi. Cilyanyi pamwi na kasema waufi yasumbilwe apuma muli yemba wa moto, muno mwapyanga maluti.

Mateo 24:24

Pano antu aufi yalaloleka, yano alailanda ukuti yene ali Klistu kwene, nupya ali yakasema. Yalacita vilangililo vikulu ni vizungusyo kuti yaponzye na asololwe kwene ndi cingaya.

Mateo 15:14

Lekini yaye. Yene intunguluzi mpafu. Impafu ndi yatungulula impafu yuze, ale zyoili kwene zingaponela mu ciwina.”

Yelemiya 29:9

Pano yene yakamusemela ivyaufi mwi zina lyane. Asi nene nayatuma foo.” Ivyalanda Yawe.

Yelemiya 23:21

Yawe wavwanga wati, “Ntatumile yakasema yayo, lelo nanti cali vivyo yene yaile kweneko. Ntayanenyile nanti cimwi, lelo nalyo kwene yasemile mwi zina lyane.

Yelemiya 23:15

Caleka Yawe Wamaka yonsi wavwanga pamulandu wakwe yakasema amu Yelusalemu wati, “Ndayapeela umusalu ulule kuti yalye nga nu mwavi kuti yamwe, pamulandu wakuti ukufuma kuli yakasema yaya amu Yelusalemu ivicitwa viipe vyativisansantikila mu mpanga yonsi.”

Yelemiya 20:6

Nawe, Pasyuli, wewe kumwi na ang'anda yako kwene mulasendwa umu uzya ku Babiloni. Kuku akuno mulafwila nu kuzikwa, wewe kumwi na yacuza yako kwene yano wasemile vyaufi.’ ”

Yelemiya 23:25

Yawe akuti, “Nuvwa mpiti vino yakasema yalya yakalanda, yayo akasemela mwi zina lyane. Cila wenga akati, ‘Nindota iciloto! Nindota iciloto!’

Yelemiya 29:8

Pano Yawe Wamaka yonsi, Leza wa ina Izlaeli wavwanga wati, “Mutaleka yamusombe kuli yakasema na yakasapoola yano yikala kuno muli, mutakakutika ku viloto vyao.

Yelemiya 14:14

Lyene Yawe aasuka ati, “Ala yakasema yayo yakusema sile vyaufi umwi zina lyane. Asi nene nayatumile, awe. Ntayapiile ilamulo lyakulanda nanti izwi lyonga kunoyali. Ala vilolwa vino yene yamusemela ivyaufi nu kusowela kwao ukwa vintu vyauwelewele sile vino yakalola.

Yelemiya 38:22

anaci yonsi pyu yano yasile mu musumba wa mwene waku Yuda, yamayatwala ku yaomvi ya mwene waku Babiloni, ale yakwimba yakuti, ‘Yatiyakusomba, iyakucenjezya, yacuza yako yano wataila, yatiyakupuuka, pano ingazo zyako izitika mu matipa.’