Yelemiya 26:9 - Amazwi Yakwe Leza 2013

⁹ Uzye pacani cino wasemela mwi zina lyakwe Yawe ukuti Ng'anda ino ikulu yakwe Leza ilaya waku Syilo, nu musumba uu ulasanguka wa lwanga umutanga mwikale umuntu?” Lyene antu yonsi yaunganila Yelemiya.

Yelemiya 26:9 Referans Kwoze

Milimo 22:22

Antu yuvwa kuli Paulo kufika nalino wavwanzile mazwi yaa. Lelo yatandika kupundisya yasanzika mazwi yao yati, “Mukomini, mukomini!”

Milimo 21:30

Icimvulunganya cisalangana monsi mu musumba nga na antu yonsi yasimwilila pamwi, yalema Paulo, yamufumya mu Ng'anda ikulu yakwe Leza. Lilyo kwene milyango ya Ng'anda ikulu yakwe Leza iyalwa.

Milimo 13:50

Lelo intunguluzi zya Ayuda yatunkola anaci Akulukuwa akama apepanga Leza ni nkombe zyamu musumba izicindame.

Milimo 6:14

Tuvwile akuti Yesu uwaku Nazaleti alomoola Ng'anda ikulu yakwe Leza nu kusenula intambi zitu zyonsi izyafumile kuli Mose!”

Milimo 5:28

“Twamupile ilamulo nu kukonkomezya kuti kutaya umuntu umwi uwakusambilizya mwi zina lya muntu wii,” lelo “Lolini cino mwati mwacita! Mwati musalanganya usambilizyo winu mu Yelusalemu monsi, nga mukasi kuti sweswe tuye nu mulandu wa kukoma muntu kwene wii?”

Yoane 8:59

Lyene yasola mawe kuti yamutame, lelo Yesu afisama. Alino afuma mu Ng'anda ikulu yakwe Leza.

Yoane 8:20

Mazwi yaa wayavwangile mu Ng'anda ikulu yakwe Leza, ala akusambilizya mu muputule umwali cipao ca mawila. Patali umuntu wakumulema, pano kasita kakwe ala katali kafike.

Mako 15:11

Lelo yasimapepo akalamba yatunkola iumba kuti lilenge Pilato kuyasapwila Balaba.

Mateo 27:20

Alino yasimapepo akalamba na ikolo yatunkola iumba kuti lilenge Pilato kuti ayasapwile Balaba, lelo Yesu wene akomwe.

Mateo 21:23

Lino wingila mu Ng'anda ikulu yakwe Leza, yasimapepo akalamba na aikolo ali ntunguluzi zya antu iiza kunoli ala akusambilizya, yamuzya yati, “Uzye maka cii yano ukweti akucita vintu vii? Uzye aweni uwakupeela maka kwene yaa?”

Mika 2:6

Antu iyavwanga kunondi yati, “Utasema, Utasema pa vintu vii. Ala swemo tutamazewana awe.

Amosi 5:10

Mwemo mukapatana na apinguzi asi na kasoozi, mukasokela yayo akavwanga icumi umu matengo.

Yelemiya 9:11

Yawe nawe avwanga ati, “Umusumba wa Yelusalemu namausangula amatongwa. Umaya uwikalo wakwe yankusa. Imisumba yamu Yuda ilaya wa lwanga, incende umusiikala umuntu nanti wenga.”

Ezaya 29:21

Leza alalovya yayo yonsi yano yakasombezya auze imilandu, alalovya na yayo yonsi yano yakakana kuti yapezye yampulamasunde, na yano yakapeela umboni waufi, apakufyengelekezya antu akaele umu milandu yao ilungamane.

2 Milandu 25:16

Lelo lino acili akulanda, umwene amunena ati, “Uzye wewe twasonta kuti uye mpandamano wa mwene? Si tuzya sile! Ndi watwalilila namapeela ilamulo kuti ukomwe!” Acino kasema wilya ata ukulanda. Lelo avwanga sile amazwi yaa ati, “Manyile ukuti Leza wapanga ukukonona, pamulandu wakuti wacita icintu cii nu kukana ukutezya ku mazwi yane aku kupanzya amano.”

Milimo 3:11

Lino umuntu wii acilemelile Petulo na Yoane, antu yonsi yazunguka cuze, nga yasimwila kunoyali, ku lukungu luno lwamwangwa ukuti Lukungu lwakwe Solomoni.

Milimo 5:12

Atumwa yacita vinjelengwe nga ni vizungusyo ivingi pakasi ka antu. Alondezi yonsi yakongana pamwi ni lango lyonga mu Lukungu lwakwe Solomoni.

Yoswa 18:1

Pacisila lino iuvi lyonsi lya ina Izlaeli lyapokolola impanga yonsi pyu, lyakongine ku Syilo kuko kuno lyasimfile ni Taalu lya Ukongano.

Yelemiya 32:3

Lyene ali muno Zedekiya umwene waku Yuda wamuyalile nu kumunena ukuti cani cino ukusema ukupelwa kwa musumba uu mu makasa ya mwene waku Babiloni?

Yelemiya 33:10

Nupya Yawe wavwanga wati, “Antu yakuti impanga ili wa mpanga muno musiikala umuntu suka sile inyama zya mpanga. Ee kwene umu cumi, umu mizi ya muno mpanga ya Yuda nu mu miseo yamu Yelusalemu, musikuloleka umuntu nanti nyama foo. Lelo ukuya kwene muluvwika nupya,

Yelemiya 36:29

Nupya pamulandu wakwe Yeoyakimu umwene wa ina Yuda, uvwange uti, “Yawe akuti watuoca kalata wii uti, ‘Icani cino walembela amazwi akuti umwene waku Babiloni aliza mu cumi, alonona impanga ii nu kuisya umwaula umuntu nanti inyama?’

Nyimbo zya ndosya 4:13

Lelo cacitike pamulandu wakuti yakasema yakwe yifizye na yasimapepo yakwe yali nu mulandu. Wakukoma antu akaele.