Yelemiya 25:9 - Amazwi Yakwe Leza 2013

⁹ indi nu kwama imitundu yaku kayeya, namaama umuomvi wane Nebukadineza umwene waku Babiloni, namaama antu yano yakaikala ku mpanga ilya apakuti yize yamuvwangatile, yavwangatile kumwi ni mitundu ino yamuzinguluka. Namamulovya mwensi pyu pakuti antu yauze ndi yalolekesya yatandika sile kuizakazila pamulandu ni ntete. Ivyalanda Yawe.

Yelemiya 25:9 Referans Kwoze

Yelemiya 18:16

Yasenula impanga icitumba, icintu cakusausya amanda pe, na wensi wino alapita apipi cilamupezya amano, nupya alapukunya sile umutwe.

Yelemiya 1:15

Pano nasya mpunde imitundu yonsi ino ikateekwa kuli yamwene aku kayeya. Yaliza yonsi pyu. Nacila wenga aliza aike icilimba cakwe ca wene apa mpongolo zyakwe Yelusalemu, na pa malinga yonsi yano yauzinguluka. Alino nu kunzi ya misumba yonsi yakwe Yuda.

Ezaya 13:3

Ne Yawe natinaama ivita vyane nu kuvipeela ilamulo lya kulwisya inkondo apakupezya yano nasokela.

Yelemiya 43:10

Lyene uyanene uti Yawe Wamaka yonsi, Leza wa ina Izlaeli wavwanga wati, ‘Namatuma akuyasenda Nebukadineza, umwene waku Babiloni umuomvi wane. Nawe aliza ku kuteeka cilimba cakwe apa mawe yaa yano ninziika. Nawe alanzika cikuwalo cakwe pa wene wakwe.

Yelemiya 24:9

Ndayalenga ukuya na kasokonda uku wene uli onsi uwa panonsi. Yene yalaya izewanya lya antu nu musowe, inseko nu lutipu umu ncende zyonsi muno ndayazingila mwenemo.

Ezaya 44:28

Nene nkanena Kilusi inti, ‘Wewe kacema uwakwane, ulafikilizya amapange yane yonsi.’ Wene alavwanga ati, ‘Lekini Yelusalemu akuulululwe.’ Ni Ng'anda ikulu yakwe Leza nayo ulati, ‘Ikini umufula wakweyo.’ ”

Ezaya 39:7

Na pa ana yako aonsi yano waivyalila we mweneco, yalasenda penepo yamwi nu kuya yacita yamutungwi, akuombela umwene ukwisano lyaku Babiloni.”

Ezekelo 26:7

Pano Yawe Simwandalali wavwanga wati, “Silola, nkutumila aina Tuli umwene waku Babiloni, umwene wakwe yamwene, wene alafuma ku ntunga yaku katutu, aliza ni mfwalasi na maceleta na akapita pa mfwalasi nga ni umba lya vita ilikulu.

Yelemiya 40:2

Alino musika mukalamba wa vita atwala Yelemiya wenga ku lusansa longa, atandika ukumunena ati, “Yawe Leza wako wapangila ukonona impanga ii,

Yelemiya 8:16

Ukufuteka kwa mfwalasi zya anisi yao kuuvwika ukufuma kuli Dani. Ni cilulumo cakwe yacipambasi ya mfwalasi yano yakulila catensya impanga yonsi. Anisi itu yiza ku konona impanga itu kumwi na vyonsi ivyaya mwenemo, ni misumba itu kumwi na ikazi ya mwenemo.”

Yelemiya 6:1

Mwe antu yakwe Benjamini, utukini! Mupuuke mu Yelusalemu! Lizini intandala mu Tekoa. Imikini imendela yakusonta ku Beti Hakelemu. Uzanzo nu uononesi vyasya vize ukufuma ku katutu.

Ezaya 10:5

Yawe akuti, “Kalanda ku mulasi waku Asilya! Ala Asilya, ali wino nemo nkalema nu kumuomvya wa ntuwa yakufyentolela antu yano nkasokela.

Mapinda 21:1

Yawe aliwe akatungulula imyenzo yakwe yakateeka, wakwe vino akatungulula uluzi nu kulutwala kuno atemilwe.

Malango 28:37

Umu nko muno Yawe alamusalanganyizizya, antu yalazunguka pa vintu vino vyati vimuponela. Yalamuwela nu kumutumfya.

2 Milandu 29:8

Caleka ukali wakwe Yawe iuponela pa antu amu Yuda nu mu Yelusalemu kwene. Nga antu yonsi yapeziwa amano nu kuvwa intete pali vino wene wacita kunoyali.

Yelemiya 4:7

“Wakwe cisama uwatakatuka ukufuma mwi tesi muno afisime, avili vino umononyi wa mitundu watakatuka ukufuma ku cifulo cakwe. Wene akwiza ku konona Yuda. Imisumba yaku Yuda ilononwa isyale wa vitumba. Kusi umwi wino alikala mwenemo.

Yelemiya 10:22

Uvwini kuno! Malamulo asuma yiza! Icongo cikalamba cuvwika ukufuma ku katutu! Ivita vyakweco vilasangula imisumba yaku Yuda iye ulwanga, iye uwikalo wakwe yankusa.”

Yelemiya 20:4

Yawe umwisikulu watavwanga ati, ‘Wemo Pasyuli namakucita ingofyo kuli wemwisikulu na kuli yacuza yako kwene. Nu kuilolela ulailolela wemwisikulu kuno anisi yako yalakomola yacuza yako ku lupanga. Namaleka umwene waku Babiloni awino ateke antu yako amu mpanga ya Yuda. Yamwi alayasenda mu uzya uku Babiloni, nga yamwi nayo alayakoma.

Yelemiya 25:8

Caleka Yawe Wamaka yonsi akuti, “Pamulandu wakuti mwemo musilonda ukuuvwa kunondi,

Yelemiya 29:18

Ndayazinganya nu lupanga, ni cipowe nga ni mpungo. Ndayaletela intete ni ngofyo uku wene uli onsi wa pano nsi. Yalaya antu yamwi atipwe, akuwelwa nupya azewane mu mitundu yonsi muno nayasalanganyizizye.

Yelemiya 36:2

“Toola amapepala, ulembepo amazwi yonsi yano nkunenyile pamulandu wakwe Yelusalemu, aina Yuda ni mitundu yonsi. Ulembe sile vino nakunena, kutandikila sile pa wanda uno natandikile kulanda nawe, mu manda yakwe Yosiya kufika na pa wanda wilelo.

Yelemiya 36:29

Nupya pamulandu wakwe Yeoyakimu umwene wa ina Yuda, uvwange uti, “Yawe akuti watuoca kalata wii uti, ‘Icani cino walembela amazwi akuti umwene waku Babiloni aliza mu cumi, alonona impanga ii nu kuisya umwaula umuntu nanti inyama?’

Ezekelo 12:20

Imisumba muno mwikala antu tupu, ilawa ni mpanga ilasanguka amatololo. Alino mulamanya ndi vino nene indi Yawe Leza.’ ”

Ezekelo 36:5

Nemo ne Yawe ninkalipila wakwe cimwi antu ya mitundu iyaya umu mbali, maka maka Edomu awino nacizyapo. Antu pamulandu ni cilumba cao ni misula yao yapoka impanga yane, ni ncende zya kucemelamo iviteekwa zyasanguka izyao.

Danieli 5:18

“Iye mwene, ala Leza wapapelapela walasike so Nebukadineza pa cilimba ca wene, aya umwene mukulu amupeela na amaka nu lulumbi nu usambazi.

2 Yamwene 24:2

Yawe ali pakutumila Yeoyakimu ivita vya nkondo ukufuma uku Babiloni, uku Asilya, uku Moabu, pamwi ni vya ina Amoni, apakuti viye vikonone impanga ya Yuda, wakwe muno yakasema, aomvi yamwene yalandile ukuti ali muno Yawe alacitila.

2 Milandu 36:21

Acino fwandi icintu cino Yawe wavwanga ukupitila muli yakasema ali wakwe Yelemiya, casusile cafikiliziwa icikati, “Impanga yi ilasunga Isabata apa nsita yonsi ino ilikala iyononeke mpaka ikasuke ikasyukile ukupuza kwi Sabata, myaka amakumi cinimbali isuke ipite.”

Yelemiya 1:14

Lyene avwanga kunondi ati, “Umupamba wafuma ku kayeya nu kwiza ponela aikazi yonsi muno nsi.

Yelemiya 2:15

Antu ya mitundu yuze yakumung'anzila wakwe cisama? Yatiyasangula impanga inu ungati ulwanga. Imisumba inu yationgoloka, nga musi na antu akwikala mwenemo.

Yelemiya 12:14

Nupya Yawe avwanga ati, “Nemo indi penepo na vimwi vyakulanda pa lwa antu aipe ainipamba yakwe Izlaeli. Ala antu yayo yonona impanga ino ne mweneco napiile ku antu yane aina Izlaeli. Antu yayo nemo ndayafumya umu mpanga zyao. Yalaya wa muti uno yatukula, alino ndapususya aina Yuda.

Yelemiya 35:11

Lelo lino Nebukadineza umwene waku Babiloni wizile mu kulwisya impanga, twavwanzile twati, ‘Katukini tuye ku Yelusalemu tupuuke ivita vya ina Babiloni ni vya ina Silya. Ali cino tukaikalila muno mu Yelusalemu.’ ”

Yelemiya 46:20

“Eguputo ali wa kana ka ng'ombe, akandama akayembe. Lelo icizyembele caku kayeya camwizila.

Yelemiya 49:19

Ndiza njapumikizye nu kuyazingila kutali, wakwe vino cisama akacita ukufuma mu matesi yakwe Yodani nu kutumbela mu nyika ya mulemvwe. Alino lyene ndiika mwenemo yano ntemilwe nemweneco. Aweni waya wakwe nene? Wino angandolwela aweni? Na kacema wino angimilila pa cinso cane aweni?

Ezekelo 16:40

“Nupya yalatunka iumba likakukatukile, apa kukutamola na amawe nu kukukomola nu lupanga.

Ezekelo 21:11

Ulupanga lwati lukulumbilwa, pakuti luiteyanye ukuomba. Lwatilunyolwa, pakuti iminwe yakwe cikoma ilufumbate.

Habakuku 1:12

We Yawe, uzye usi wewe uwayelelela? Wewe uli Leza wane, wewe uli Wamuzilo wane wilya, aasifwa. We Yawe, wewe wasolola antu yayo kuti yalete upinguzi panotuli. Wewe uli ninga itu yakuzinamo, wemuno wika antu yayo kuti yatuvunuke.

Habakuku 1:17

Uzye lyene yamaomvyanga amalupanga yao nu kutwalilila ukukoma inko ukwaula uluse?