Yelemiya 25:6 - Amazwi Yakwe Leza 2013

⁶ Mwemo yamunena ukukana pepa tuluwi tuleza tuze nanti sile ukutuombela alino nu kukana katusizya Yawe icipyu, pamulandu ni vicitwa vinu, ali pakukana iletelela.

Yelemiya 25:6 Referans Kwoze

Malango 8:19

Mutakezye ukwilila Yawe Leza winu nanti ukusenukila kuli tuleza tuze ku kutupepa nu kututumikila. Ndi mwaca mwacita cico, lyene ilelo nkumusoka ukuti cumi kwene mulononwa.

Yelemiya 35:15

Kwaula nu kutonta nkamutumila lili lili aomvi yane, yakasema akamunena ukuti mufuntuke cila wenga ku nzila zinu ziipe, muzifye ni vicitwa vinu. Mutalondela tuleza tuze utuluwi nu kututumikila, pakuti muce mwikale mu mpanga ino napiile kuno muli nu ku vikolwe vinu. Lelo mwemo mutuvwile kunondi nanti panono.

Yelemiya 7:6

ndi cakuti mwata ukuzunya ainamasi, ana asyale nanti yamukamfwilwa nu kuta ukukoma antu akaele mu ncende ii, ndi cakuti mwata ukulondela tuleza tuze,

2 Yamwene 17:35

Yawe wapangine nayo upangano nu kuyakomelezya ati, “Mutaezya ukupepa tuleza tuze, mutatufukamila nanti uku tutumikila nanti sile ukutupeela impolelwa.

Malango 6:14

Mutaezya ukupepa tuleza tuze utwa antu yano yamizinguluka.

Yelemiya 7:9

Mwemo mwatemwa ukwiya, ukukoma antu, ukucita uzelele, ukulapa imilapo ya ufi, ukocela Baali ubani, nu kupepa tuleza tuuze tuno mutamanyile mpiti.

1 Yamwene 14:22

Mu manda kwene yalya antu amu Yuda yacisile iviipe pa manso yakwe Yawe. Apa kwifya kuno yifizye ukuluta vino ivikolwe vyao vyacisile, yene yalenzile Yawe ukuvwa uzuwa.

Yoswa 24:20

Ndi mwafutatila Yawe nu kutumikila tuleza tuze, nawe alamusenuka alete nu uzanzo panomuli nga amulovye, nanti angala wene wamucitilanga ivisuma.”

Malango 28:14

Lelo mutakezye ukukana yela amalamulo yaa mu musango uli onsi nanti ukupepa nu kuombela tuleza tuze.

Malango 13:2

pakuti amukoope ku kupepa nu kutumikila tuleza tuze tuno mutatazile mupepe. Nanti angala cino walaya ciza cafikiliziwa,

Kufuma 20:23

Mutaipangila tuleza twakwe siluva nanti zaabu kuti mwatupepa pamwi nani.

Kufuma 20:3

“Mutapepa tuleza tuze suka nene nenga.

Yelemiya 44:8

Uzye pacani cino mwamvulumwila icipyu uku vicitwa vya minwe inu, apa kocela tuleza utwenyi ubani umu mpanga ya Eguputo, kuno mwiza sile ku kwikala? Apa kucita camusango uo, mukulonda sile ukuilovya mwe eneco, cakuti antu amitundu yonsi pano nsi yakumuseka nu kumuwela. Yene yakaomvya ni zina linu alino yakulumbula apa kutipwila.

Oseya 1:7

Lelo nanti cili vivyo nemo ndatemwa amu mutundu wakwe Yuda, nupya ndayatuula uku maka yane, ne Yawe Leza wao. Ntalayatuula apakuomvya ulapwa, nanti amalupanga, nanti mfwalasi na asilika akakwela pa mfwalasi, ndi vino cikaya apakulwa inkondo, awe.”

Yelemiya 32:30

Pano aina Izlaeli na ina Yuda ukutandikila sile ku mpiti yakacita sile vino nsyalonda. Cumi cumi aina Izlaeli yakamvulumwila sile icipyu uku vicitwa vya minwe yao.” Ivyalanda Yawe.

Yelemiya 44:7

“Lyene Yawe Wamaka yonsi, Leza wa ina Izlaeli, akuti, Uzye pacani cino mungailetelela uzanzo ndi uo? Uzye mukulonda sile ukuletelela aonsi na anaci, utwance nu tunya kumwi, cakuti kuno muli kutakasyale nanti umwi uwa mbezu?