Yelemiya 25:30 - Amazwi Yakwe Leza 2013

³⁰ “Wemo we Yelemiya uyasowelele amazwi yaa yonsi nu kuyanena ukuti Yawe wauuza umwiyulu, wapangalansya ni zwi lyakwe lyapapela mu cifulo cakwe icicindamisye, wauzila uluwa lwakwe pa maka nu kupundisya ku antu yakwe apano nsi, kwati ukupundilila kuli yakafena ya matingi.

Yelemiya 25:30 Referans Kwoze

Amosi 1:2

Amosi wavwanzile ati, “Yawe akung'anza ku Zioni, amazwi yakwe yakuuvwika ungati ukupangalansya umu Yelusalemu. Uli mulandu uno amanyika yakwe yakacema yatiyuma, na kansonsi ka mwamba wa Kalimeli kakuuma.”

Yowelo 3:16

Yawe akululuma ku Zioni, ni zwi lyakwe likuvwika wa kupangalansya ukufuma mu Yelusalemu. Nga insi nu lwelele ivitenta. Lelo Yawe alaya cakuzinamo antu yakwe, ilinga lya kucingilila aina Izlaeli.

Ezaya 42:13

Yawe akacincila wi lumba apakuya ku kulwa, wene waiteyanya nu muzonda wa cita. Wene alapunda izwi lyakukatusya ulwi. Alalanga amaka yakwe apa kucimvya anisi yakwe.

Ezaya 16:9

Ali cino lyene nkulilila amatingi yaku Sibima ulanda, wakwe vino nkalilila Yazeli. Aminsozi yane yakukonkolokela Hesyiboni na Eleale, pamulandu wakuti kusi uzombozi wampomvu, wakusansamusya antu.

Umbwilo 19:15

Lupanga lukali cuze lwafumile mu mulomo wakwe, luno wene alacimvizyako antu amu nko. Wene alayateeka ku nsonzo ya cela. Wene alafena matingi mu ciwina ca kufenelamo matingi a cipyu nu ukali wakwe Leza wa maka onsi.

Zakaliya 2:13

Mwe antu mwensi si myalalini sile apa manso yakwe Yawe! Pasi pano awiyo watavwandamuka ukufuma umu cifulo cakwe icamuzilo, akwiza kunotuli.

Amosi 3:8

Cisama ndi waluluma, uzye aweni atanguvwa intete? Yawe Simwandalali ndi wavwanga, uzye aweni angalesya ukukosola amazwi yakwe?

Oseya 5:14

Ndazanza antu yakwe Efulemu wakwe vino cisama akazanza, ndayalepola mu tumpimfya ndi vino cisama wamaka akacita. Nemwisikulu ndayasantola nu kuyasya. Lino ndayakululula, kusi nanti umwi alaya na maka akuyatuula.

Yelemiya 48:33

Uluzango ni nsansa vyativifuma mu mpanga ya Moabu. Natindesyanya ukupangwa kwakwe waini. Kusi umwi akuzangila pa kufena amatingi, ni congo icili mwenemo cisi congo ca luzango awe.

Yelemiya 17:12

Ing'anda itu ikulu yakwe Leza ikoline ni cilimba ca wene calulumbi, isanzulwe ukufuma sile nu ku katalili.

Masamu 132:14

Wene wavwanga wati, “Paa, ali pano ndaikala nu kupuzila pee na pee. Ali pano ndikala pano ili ncende ino nasolola.

Masamu 78:65

Nga alino Yawe wazyuka umutulo, kwati umusambazi wino wasantamuka umu tulo, uwala kolike waini.

Masamu 58:5

iyo isiuvwa izwi lya muntu wiyo ali wensi wacenjela uli uku kwama inzoka, umu kuomvya ivingila vyakwe.

Masamu 11:4

Yawe akaikala umwi sano lyakwe ilicindame. Icilimba cakwe icawene cayela apapela umwiyulu. Amanso yakwe yakalolekesya insi yonsi, ala akucevya ana ya antu.

2 Milandu 30:27

Yasimapepo na ina Levi yuzizye upolelelo wa mwene Leza Yawe apa antu. Ukwakwe, ukwiyulu, Yawe auvwa amapepo yao nga aasuka.

1 Yamwene 9:3

Alino Yawe amunena ati, “Natinuvwa ipepo lyako nga nu kupapata kwako kuno wacita pa manso yane. Nemo natimpaatula Ing'anda ii ino watukuula, nu kwikamo izina lyane pakuti antu yampepa mwenemo amanda pe. Namawakanga nu kucingilila Ng'anda iyo insita zyonsi.

Malango 26:15

Ala kuko ukwiyulu kuno ukaikala, ku ncende yamuzilo, si ule usumbe amanso yako pa antu yako aina Izlaeli nu kuyapolelela. Si ule upolelele ni mpanga yao kwene iya uzombozi ukulu cuze nupya iivunde, wakwe vino walavile ivikolwe vitu.’

2 Samueli 15:25

Lyene umwene anena simapepo Zadoki ati, “Swilizya Mbokosi ya Upangano yakwe Leza uitwale mu musumba. Ndi cakuti Yawe wazangila munondi, ale wene alambwezya mu musumba akaleke nkize nkailole nupya nkalole na pa cifulo pano itenzi.

Masamu 46:6

Antu ya mitundu yuze, yene yakaizakazila sile, yamwene yamwenemo nayo kwene yakaizakazila sile. Leza nga wauza nu musili iwaimokokela sile.

Ezaya 33:3

Apa kuuvwa ukoofya kwako antu yakautuka. Wemo ndi wakatuka sile, imitundu yonsi ala yapasika.

Yelemiya 25:38

Cisama watakatuka mu cifulo cakwe ni mpanga yao yatisanguka ulwanga pano ulupanga lwa ononyi lwatiluyakoma ni cipyu cikali cakwe Yawe caticiyaponela.”

Oseya 11:10

“Antu yane yalandondela lilyo lino ndang'anzila anisi yao wakwe cisama. Alino yalasimwilila kunondi ale yakuzakaza ukufuma ku uwondaka.