Yelemiya 25:3 - Amazwi Yakwe Leza 2013

³ inti, “Apa myaka amakumi yaili na itatu, ukutandikila apa mwaka walenga ikumi na itatu iya utesi wakwe Yosiya, umwana monsi wakwe Amoni, pano wayelile apa cilimba ca wene mu Yuda, ukufika na pa wanda kwene uno umwene wavwanzile nani nga nani ntatazile imposiwe ukumunena vino wacisile. Lelo mwemo mutasumvileko amano awe.

Yelemiya 25:3 Referans Kwoze

Yelemiya 26:5

nu kusumba amano ku mazwi ya aomvi yane yakasema yano nsi tonta ukumutumila. Lelo mwemo musitala muvwa vino yakumunena.

Yelemiya 11:7

Pano ukufuma sile lino nafumizye ivikolwe vyao mu Eguputo, nayasopesizye wakwe cimwi ukuyela amazwi yane. Ukufika sile na pilelo nemo natwalilila ukusopa antu yane.

Yelemiya 1:2

Yawe avwanga kunoli mu mwaka walenga ikumi na itatu, wakuteeka kwakwe Yosiya, umwana umonsi wakwe Amoni umwene waku Yuda.

Yelemiya 7:13

Lino mwemo mwacitanga ivintu vii vyonsi, nemo namuvwanzizye lili lili, lelo mutatezizye awe. Namwamile, lelo imukana ukuvwa ulwamo lwane.

Yelemiya 29:19

Pano yene yakana ukuvwa amazwi yane, nanti angala ntatazile inte ukuyatumila aomvi yane yakasema. Yakananga ukuyuvwa.” Ivyalanda Yawe.

2 Milandu 34:8

Umu mwaka uwalenga ikumi na cinani uwa kuteeka kwakwe Yosiya, nupya lilyo ala wamala umulimo wa kuzifya impanga ni Ng'anda ikulu yakwe Yawe, ali lino Yosiya watumile Syafani umwana umonsi wakwe Azaliya, na Maaseya, umulasi uwamu Yelusalemu, na Yowa umwana umonsi wakwe Yoazi, kalemba mukalamba, ukuti yangaya ku kuzifya Ng'anda ikulu yakwe Yawe, Leza wakwe.

2 Milandu 34:3

Umu mwaka wakwe cinani uwa kuteeka kwakwe Yosiya, ale acili sile akalumendo ka myaka ikumi na mutanda, wene watandike ukupepa nu kucindika sana Yawe Leza wakwe Davidi icikolwe cakwe. Ipapita sile imyaka ini, atandika ukutamola incende zizi muno yapepelanga tuleza utuluwi kumwi nu unkolanya wakwe ka leza kanaci ka Asyela. Atamola nu tuluwi tuze tonsi utwasyala.

2 Timoti 4:2

nkuti kosola ilandwe, komaila penepo mu nsita ino antu yatakulonda na ino yakulonda. Nupya lino ukusambilizya wasinila, wanenola, wakomelezya lelo wacita vii vyonsi mu kuteeka mwenzo.

Yoane 8:47

Muntu wakwe Leza akauvwa mazwi yakwe Leza. Mwemo musi yakwe Leza, na pamulandu kwene uu acino musyakuvwila.”

Yoane 8:2

Katondo tondo pa wanda uwalondelile aya aingila mu Ng'anda ikulu yakwe Leza. Antu yonsi yamuunganila, nga aikala pansi atandika kusambilizya.

Mako 1:35

Lyene katondo tondo pa macaca, Yesu akatuka afuma mu ng'anda. Alino afuma mu musumba aya ku cifulo ukwali cele, ku kupepa.

Yelemiya 44:4

Ukuya kwene nemo namutumilanga lyonsi aomvi yane yakasema. Nayo yamulesyanga ukucita icintu cico ca winyi cino napata wakwe cimwi.

Yelemiya 35:15

Kwaula nu kutonta nkamutumila lili lili aomvi yane, yakasema akamunena ukuti mufuntuke cila wenga ku nzila zinu ziipe, muzifye ni vicitwa vinu. Mutalondela tuleza tuze utuluwi nu kututumikila, pakuti muce mwikale mu mpanga ino napiile kuno muli nu ku vikolwe vinu. Lelo mwemo mutuvwile kunondi nanti panono.

Yelemiya 25:4

Mutali akuti munguvwa nanti ukusumbako amano nanti angala Yawe watwalililanga kumutumila aomvi yakwe yakasema.

Ezaya 55:2

Icani cino mungasumbila impiya pali vino visi vilyo, na malipilo inu pa vintu vino visiikusya? Munguvwe, muntezye, nga muce mukakwate ivyakulya visuma nu kuipakizya vyakulya vilyompe.

Masamu 81:13

“Ndi cakuti antu yane iyanguvwila, Aina Izlaeli ndi cakuti yamalondelanga inzila zyane,

1 Yamwene 22:3

Alino Aabu auzya inkombe zyakwe ati, “Lamoti Gileadi umusumba witu, nga uzye pacani cino twikala sile, ukwaula kuti tuye tukaupoke ku mwene waku Asilya?”

Kufuma 8:20

Nupya Yawe anena Mose ati, “Uce ulaye katondotondo, ukakomenkanye Falao lino akuya ku luzi umunene uti, Yawe wavwanga wati, ‘Ta antu yane yapita, pakuti yangampepa.

Utandiko 22:3

Uca katondo Abulaamu aputola inkwi zya kocela uwila nga azinyepa pali punda. Asenda Isaki na aomvi yaili nga iyatenuka iyaya ku cifulo cino Leza wamunenyile.

2 Milandu 34:1

Yosiya wali ni myaka yakuvyalwa cinani apa nsita ino watandike ukuteeka, nga wateesile mu Yelusalemu imyaka amakumi yatatu na onga.

2 Milandu 36:15

Yawe Leza wa vikolwe vyao walanga watwalilila ukuyatumila yakasema, aya nu luse apa antu yakwe alino ayapokolola nga apokolola ni Ng'anda yakwe ikulu.

Yelemiya 7:25

Ukutandikila sile pa wanda uno ivikolwe vinu vyafumile umu Eguputo ukufika ni lelo kwene, nemo natwalilile ukumutumila aomvi yane, yakasema.

Yelemiya 32:33

Nanti angala yayasambilizyanga umute ukwaula nu ukasu, yatali akuuvwa nu kupokelela isunde lyane. Yamfutatila, yakana nu kundolekesya.

Yelemiya 35:14

Isunde lya kuntamwa waini lino Yonadabu wasilile ana yakwe likalondelwa. Pasi pano kufika na pilelo yasyamwa pamulandu wakulondela isunde lya cikolwe cao. Lelo nemuno nkumunena nu kukonkomezya sana kwaula kutonta, musinguvwa foo.

Yelemiya 36:1

Mu mwaka walenga ini wakwe Yeoyakimu umwana umonsi wakwe Yosiya ukuya pa cilimba ca wene mu Yuda, izwi lyakwe Yawe lyafikile Yelemiya iliti,

Yelemiya 36:2

“Toola amapepala, ulembepo amazwi yonsi yano nkunenyile pamulandu wakwe Yelusalemu, aina Yuda ni mitundu yonsi. Ulembe sile vino nakunena, kutandikila sile pa wanda uno natandikile kulanda nawe, mu manda yakwe Yosiya kufika na pa wanda wilelo.

2 Yamwene 17:13

Yawe watumile inkombe zyakwe uku kuyasoka aina Izlaeli na ina Yuda, pamwi na yakasema ati, “Zenzukini, nu kulondela amasunde yane, aakazanwa mu vipope vino napiile ivikolwe vino na vino namulandile ukupitila muli yakasema yane.”

2 Milandu 24:19

Nanti cali vii, lelo Yawe atuma yakasema pakasi kao kuti yawezezye antu kunoli. Yakasema yaya lino yatandike ukusoka antu yalya, yene yakanyile ukuvwa.

Yelemiya 19:15

ukuti Yawe Wamaka yonsi, Leza wa ina Izlaeli, watavwanga ati, “Nemo nasya indetele umusumba uu ni mizi yonsi iyaya umu mbalimbali, uononesi wa misango yonsi, uno nanenyile antu ukuti ndaleta pamulandu wakuti yene yatalama imyenzo nupya yasikulonda ukuvwa vino nkulanda.”

Yelemiya 22:21

Ne Yawe navwanzile namwe lino mucili nu longo, lelo mwakanyile ukuvwa. Avino mwacitanga ukufuma sile nu kukatalili, mwakananga ukuvwa amazwi yane.

Ezekelo 33:4

Umwi nga atasumvileko amano nanti ukuvwa intandala, wiyo wene umulandu wakwe ndi cakuti anisi yiza yamukoma.

Zakaliya 1:4

Mutakolana ni vikolwe vinu. Uku mpiti yakasema yasemile amalandwe yane kunoyali yati, Yawe Wamaka Onsi wavwanga wati, ‘Zenzukini ku misango inu iipe nga nu ku vicitwa vinu ivyankota. Lelo yene yakanyile ukunguvwa nanti ukunjela.