Yelemiya 25:22 - Amazwi Yakwe Leza 2013

²² Yamwene yonsi aku Tuli, yamwene yonsi aku Sidoni nga na yamwene aku vilila vyakwe yemba waku Mediteleniani.

Yelemiya 25:22 Referans Kwoze

Yelemiya 47:4

Pasi pano lyene uwanda watiwiza uwakulovya aina Filisti yonsi, uwanda wakucilikilako asyala yonsi yano yangazwilizya aina Tuli na Sidoni. Yawe ali pipi nu konona aina Filisti, insyazi zyamu nkumba yakwe Kulete.

Ezekelo 32:30

“Intunguluzi zyonsi zyaku katutu nazyo zili kuku, zili pamwi na ina Sidoni yonsi. Apa mpiti ali yano yoofyanga antu pamulandu na maka yao, lelo apilelo yiza ni nsonyi kuno ku mpanga ya afwe, pamwi na antu afwilile mu nkondo, nu ukuzikwa ali kuno yazikwa ukwaula kusilamulwa. Yalingana sile kuzewana pamwi na antu yano yiza ku mpanga ya afwe.

Ezekelo 29:18

“We mwana wa muntu, Nebukadineza umwene waku Babiloni, watatuma ivita pamwi ni vita vyakwe ku ulwi ukalamba uwa kulwisya Tuli. Yonsi yatiyapela inkuuzu ni viye vyonsi vyativikuzoka. Lelo umweneco wa vita vyakwe yataweni icilambu pa mulimo onsi uno yaombile ku Tuli.

Yelemiya 31:10

“Mwe mitundu yonsi, uvwini amazwi yakwe Yawe. Mulandile na antu yonsi aikala ku nkumba zyakwe yemba ukutali. Wino wasalanganyizizye aina Izlaeli, awino wayakolonganika nupya aliwe amayasunga ndi vino kacema akawaka ufyo wakwe.

Yelemiya 27:3

Alino lyene utume izwi ku mwene waku Edomu, ku mwene waku Moabu, ku mwene waku Amoni, ku mwene waku Tuli nga nu ku mwene waku Sidoni, ukupitila mu nkombe zyao, izyaya ku Yelusalemu. Nga na kuli Zedekiya umwene waku Yuda.

Ezaya 23:1

Amazwi asowilwe pamulandu na Tuli. Pongomokini mpooma mwe yano mukapitila umu vyombo vyaku Tasyisyi! Pano umusumba winu uwa Tuli wati wononeka, usile sile ukwaula ing'anda nanti cilalo! Lino amato inu yamawelulukanga ukufuma uku Saipulasi, mumauvwanga umulandu uo.

Ezaya 23:4

Iye mwe we musumba Sidoni, ala wazewana. Pano yemba kumwi na maziya akalamba, vyativikukana. Vikulanda iviti, “Awe cumi, swemo tusitala tuvyala ana nanti ukukuzya ana itu aonsi nanti anaci.”

Ezaya 23:15

Ukufuma uwanda kwene uo, Tuli alililikwa apa myaka amakumi cinimbali. Lelo apacisila ca myaka amakumi cinimbali, umwene muze aliza ateeke, nga Tuli alakolana nu mwanaci cizelele uwamu lwimbo luu.

Ezekelo 39:6

Ndaponyezya umoto pa mpanga ya Magogi alino nu mu nkumba zyakwe yemba nu mwikala antu ku matwi cele. Nga alino lyene yalamanya ukuti nene indi Yawe.

Ezekelo 27:27

Ivyuma vyako vyonsi vya uculuzi, vyalowela muli yemba, na yakapisya yako yonsi, na yakalungisya yako, na aculuzi yako, ni viya vyako vyonsi vino ukasenda, yonsi pyu yaunzile nu kumwela, lino we ciwato wononike.

Ezekelo 28:1

Yawe avwanga kunondi ati,

Ezekelo 28:20

Yawe wavwanga kunondi wati,

Ezekelo 28:21

“We mwana wa muntu, lozya amanso yako ku Sidoni umusemele uti,