Yelemiya 25:18 - Amazwi Yakwe Leza 2013

¹⁸ Yelusalemu ni misumba yaku Yuda, yamwene yao ni vilolo vyao, apakuti ice isanguke ulwanga nu kononeka. Ikawelwe nu kutipwilwa ndi vino caya nu mwilelo kwene.

Yelemiya 25:18 Referans Kwoze

Yelemiya 44:22

Asi papo, ukufika napilelo impanga inu yononeka mutacili nanti umwi uwakwikala mwenemo. Antu yauze yakazunguka sile, apakulola vino cili, ni zina linu, ali lino yakaomvya apakutipwila. Pasi pano Yawe wasusile waposiwa ukuzizimizya apa miyele inu ni misango inu iipisye.

Yelemiya 24:9

Ndayalenga ukuya na kasokonda uku wene uli onsi uwa panonsi. Yene yalaya izewanya lya antu nu musowe, inseko nu lutipu umu ncende zyonsi muno ndayazingila mwenemo.

Masamu 60:3

Watulenga antu yako uku cululuka wakwe cimwi. Watutumwesya waini umukalipisye, tukupempezyoka sile.

1 Petulo 4:17

Insita yakutandika upinguzi yatifika nga antu yakwe Leza ayano yalatandika kupingulwa. Upinguzi wakwe Leza ndi watandika munotuli, uzye lyene mpelelekezyo ya upinguzi ilaya uli kuli yao asyayela Ilandwe Lisuma kufuma kuli Leza?

Amosi 3:2

“Nemo namusolwile mwemwe mwenga mpo pakasi ka mitundu yonsi iya pano nsi. Lyene ndamuvunuka apamulandu wa maifyo inu yonsi.”

Amosi 2:5

Acino nemo ndaponyezya umoto mu Yuda, apakuti uce woce nu konona amalinga aku Yelusalemu.”

Danieli 9:12

Wemo watufikilizya vino wavwanzile ukuti ulafikilizya ivyakupezya sweswe kumwi ni ntunguluzi zitu. Wavunwike Yelusalemu icikalale ukuluta umusumba uze uli onsi pano nsi.

Yelemiya 25:11

Impanga yonsi ii, imasyala sile ulwanga, cakuti yauze ndi yalolekesya, awe pasi pantete. Antu yonsi yalaombela umwene waku Babiloni apa myaka amakumi cinimbali.

Yelemiya 25:9

indi nu kwama imitundu yaku kayeya, namaama umuomvi wane Nebukadineza umwene waku Babiloni, namaama antu yano yakaikala ku mpanga ilya apakuti yize yamuvwangatile, yavwangatile kumwi ni mitundu ino yamuzinguluka. Namamulovya mwensi pyu pakuti antu yauze ndi yalolekesya yatandika sile kuizakazila pamulandu ni ntete. Ivyalanda Yawe.

Yelemiya 1:10

Ilelo nakupeela amaka pa mitundu na pali yamwene yayo, amaka ya kutukulula nu kuongolola, amaka akonona nu kulovya, akukuula nu kulema.”

Neemiya 9:36

Silola, twatituya azya ilelo, umu mpanga ili iyakwitu kwene, impanga iya muvundo ino ikatupela ivyakulya.

Ezila 9:7

Ukufuma ku nsita zya vikolwe vitu mpaka na ndakai twikalilila umu maifyo aipisye cuze. Pamulandu wakwe cii, sweswe kumwi na ene itu na yasimapepo itu twapelwa mu makasa ya ene ya inamasi, kuti yatulwisye yatutwale umu uzya, yatusampe nu kutuzewanya sana ndi vino cili manda yaa.

2 Yamwene 22:19

Pano wemo wazenzuka, waicefya nu kuicefya apa manso yane. Walepola ni vyakuzwala vyako, walila nu kulila. Uvwa vino napangiile umusumba wa Yelusalemu kumwi na ikazi aikala mwenemo. Ala nemo ndaleka incende iya ice iye iyakuzungusya antu. Nupya ali ncende ino yalatipwilila antu. Ukuya kwene nemo natinuvwa ipepo lyako. Ivyalanda ne Yawe.

1 Yamwene 8:24

Utaweni vino wasunga ulayo uno walavile Davidi tata umuomvi wako, cino wafikilizya umwi lelo.

Yoswa 6:18

Alino namwe muisunge ku vintu vino vyapeelwa ku kononwa, kuti mutailetelela uwononesi pa kulondela ulunkumbwa lwa kuitolela cimwi pali vino ivipelwa ukononeka. Pasi pano ndi mwacita vivyo insakwe yonsi ya ina Izlaeli ale yapeelwa ukononeka nu kuiletelela uzanzo.

2 Milandu 29:8

Caleka ukali wakwe Yawe iuponela pa antu amu Yuda nu mu Yelusalemu kwene. Nga antu yonsi yapeziwa amano nu kuvwa intete pali vino wene wacita kunoyali.

Ezaya 40:23

Awino akacefya yamwene ukucila mu cipimo, na yakateeka yansi ukuyalola ungati yatatazile yaye penepo.

Ezaya 65:15

Antu yane asololwe yalatoola izina linu, nu kulilumbula wa lutipu lwa kutipwila yauze. Nene kwene ne Yawe, anene ndamukoma. Yano yakantumikila ndayama izina ilipya.

Yelemiya 26:6

Ndi cakuti mwatwalilila ukukanayuvwila, lyene ndacitila Ng'anda ikulu ndi vino nacisile ku Syilo. Alino imitundu yonsi ya muno nsi yalaomvya izina lya musumba uu uwa ntipu.”

Ezekelo 30:7

Impanga ya Eguputo ilasanguka amatololo, ni misumba yakweyo ilaya wa vitalang'anda.

Mika 6:16

Mwemo mwalondela ivicitwa viipe vyakwe Omuli ni vicitwa vyonsi vya ang'anda yakwe Aabu. Mukasunga ni ntambi zyao zyonsi. Caleka ndamulovya, na antu yonsi yalamusuula, nga na antu amu nko zyuze yalamusoweka.”

Yelemiya 13:3

Nupya kwene Yawe avwanga kunondi ati,

Yelemiya 13:9

“Umu musango kwene ndi uu, nemo ndamala ivilumba ku ina Izlaeli ni vya antu aku Yuda.