Yelemiya 25:10 - Amazwi Yakwe Leza 2013

¹⁰ Utupundu twinu twa luzango nu kusansamuka, nemo namatumalila namapuulamika na matwi yakwe yasiwinga na yanawinga. Namamyalalika ni cilulumo ca mawe yakusiila kweneko nu kuzimya inkozyo zinu.

Yelemiya 25:10 Referans Kwoze

Yelemiya 7:34

Ndamyalalika amu misumba yakwe Yuda nu mu miseo yamu Yelusalemu, impooma zya luzango ni nsansa alino ni zwi lyakwe siwinga na nawinga pano impanga ilasansamuka.”

Ezekelo 26:13

Ndaputula izwi lya nyimbo zyako, ukulila kwa vinanda vyako kutaluvwika nupya.

Yelemiya 16:9

Pano Yawe Wamaka yonsi, Leza wa ina Izlaeli wavwanga wati, “Lola ndafumya umu ncende ii, apa manso inu izwi lya nseko ni izwi lya nsansa, izwi lyakwe siwinga ni zwi lyakwe nawinga.

Oseya 2:11

Namalesyanya ukuzevya kwakwe konsi pyu, ukwa vimulo vya cila mwaka, nu kwa ndoleko ya mwezi.

Esita 8:11

Apa makalata yayo palondolwile ukuti Ayuda yonsi yatiyapeelwa insambu yakumana akapi, nu kuombela ca pamwi, apa kuicingilila nu kulwisya wiyo wensi angiza azazambile umutundu wao umu citungu cao. Nga cali cakuti yamwi yazanza ana yao na ya mama yao, yafwile yalwa nayo nu kuyakomola, nu kupokolola ivyuma vyao.

Esita 7:4

Pasi pano nemo na antu yane, twikala uku kalili. Twakaziwa mpiti, tukalolela sile ukuloviwa. Nga cali icakuti yatusumvile sile umu uzya, ngano indi cele ukwaula kumamula akanwa. Pasi pano utazi witu utangalenga kuti we musambazi uculilemo.”

Esita 3:13

Alino yakapaso nayo iyasimuzya zuwa ivikalata vivyo nu kuvisalanganyizizya umu vitungu vyonsi pyu! Mwali amazwi akuti, “Apa wanda sile uli umwi kwene, uwanda walenga ikumi na yatatu umu mwezi uwalenga ikumi na iili, wakwe Adali, ali wanda uno yali nu kukoma Ayuda yonsi nu kuyalovya. Ukutandikila apa mwance ukufika na pa mukote, yamangu nu twana tunono, yonsi yali nu kukomwa. Yali nu kufwa ukwaula uluse alino nu kusampwa ivyuma vyao.”

Ezaya 47:2

Toola sile umwanansyo uwasya usu! Zuula icitambala cako ku mutwe. Pimpula ivyakuzwala vyako vifike umu mpamba, utandike nu kulamba sile inguzi.

Yelemiya 48:33

Uluzango ni nsansa vyativifuma mu mpanga ya Moabu. Natindesyanya ukupangwa kwakwe waini. Kusi umwi akuzangila pa kufena amatingi, ni congo icili mwenemo cisi congo ca luzango awe.

Nyimbo zya ndosya 5:15

Insansa zyamu myenzo itu zitacilipo. Ukucina kwitu kwasenuka indosya.