Yelemiya 25:1 - Amazwi Yakwe Leza 2013

¹ Umu mwaka wakwe cini uwa utesi wakwe Yeoyakimu umwana umonsi wakwe Yosiya, lino wene wali umwene waku Yuda, ne Yelemiya napokelile amalamulo ukufuma ku Mwene yano yakumile antu yonsi amu Yuda. Wali uli mwaka wakwe conga uno Nebukadineza wayelile apa cilimba ca wene uku Babiloni.

Yelemiya 25:1 Referans Kwoze

Yelemiya 36:1

Mu mwaka walenga ini wakwe Yeoyakimu umwana umonsi wakwe Yosiya ukuya pa cilimba ca wene mu Yuda, izwi lyakwe Yawe lyafikile Yelemiya iliti,

Danieli 1:1

Mu mwaka wakwe citatu uwa kuteeka kwakwe Yeoyakimu umwene waku Yuda, Nebukadineza umwene waku Babiloni wizile ku Yelusalemu nu kuzanza amu musumba.

Yelemiya 46:2

Apa lwakwe Eguputo, ilamulo ilya pa vita vyakwe Falao Neko, vino vyatantime uku luzi lwa Yufulate umu mbali na Kalikemisyi, lino Nebukadineza, umwene waku Babiloni wacimvizye umu mwaka uwalenga iini, uwakwe Yeoyakimu umwana umonsi wakwe Yosiya, ukuya pa wene wa ina Yuda. Wavwanzile wati,

2 Milandu 36:4

Neko watozile Eliakimu, umwina wakwe Yeowazi, nu kumulasika pa cilimba ca wene waku Yuda na Yelusalemu. Asenula ni zina lyakwe ati umaamwangwa Yeoyakimu. Yeowazi wene asendwa uku Eguputo kuli Neko kwene.

2 Milandu 36:6

Umwene Nebukadineza uwaku Babiloni wizile ukwiza lwa inkondo nawe. Lyene amulema nu kumunyepa umu minyololo nga amusenda ku Babiloni.

Yelemiya 1:3

Yawe wavwanzile nawe nu mu manda kwene akuteeka kwakwe Yeoyakimu umwana umonsi wakwe Yosiya, umwene waku Yuda, mpaka nu mu mwezi wakwe cisano wa mwaka walenga ikumi na onga, wakuteeka kwakwe Zedekiya umwana umonsi wakwe Yosiya umwene waku Yuda. Cali apa nsita ino antu amu Yelusalemu yasenzilwe ku uzya.

Yelemiya 32:1

Izwi lyakwe Yawe lyafikile kasema Yelemiya, umu mwaka walenga ikumi wa kuteeka kwakwe Zedekiya umwene waku Yuda, uno wali umwaka walenga ikumi na cinani uwa wene wakwe Nebukadineza.

Yelemiya 45:1

Lii, ilili zwi lino kasema Yelemiya wanenyile Baluki, umwana wakwe Nelya, lino walemvile amazwi kwene yaa muli kalata, ndi muno Yelemiya wamunenelanga ukuti avino alembe. Cali umu mwaka walenga iini, uwakwe Yeoyakimu, umwana wakwe Yosiya ukuya umwene wa ina Yuda.

Danieli 1:2

Nawe Yawe wapile Yeoyakimu umwene waku Yuda mu makasa yakwe Nebukadineza, kumwi ni viya vino yafumizye mu Ng'anda ikulu yakwe Leza. Nawe avisenda avitwala ku ng'anda ikulu yakwe kaleza kakwe ku Babilonia nga aviika mu ng'anda ya cipao cakwe leza wakwe.

Yelemiya 7:1

Izwi lya Mwene ilifika kuli Yelemiya liti,

Yelemiya 35:1

Umu manda yakwe Yeoyakimu, umwana umonsi wakwe Yosiya, umwene waku Yuda, izwi lyakwe Yawe lyafikile Yelemiya iliti,

Danieli 2:1

Mu mwaka wakwe ciili uwakuteeka kwakwe, Nebukadineza walosile iciloto. Cene camusakamike wakwe cimwi cakuti waposiwe nu kukasula.