Yelemiya 23:40 - Amazwi Yakwe Leza 2013

⁴⁰ Nupya ndayaletela ukupupana kwa muntaputuka ni nsonyi izilayelelela pee, ukwaula kwililika.”

Yelemiya 23:40 Referans Kwoze

Yelemiya 20:11

Lelo we Yawe, wemo waya ku lusansa lwane, nupya wewe ilamba lyamaka, na yayo akuncuzya yamapempezyokanga yaposiwa. Yene yalaposiwa mpaka yazewane pee, pamulandu wakuti yalaposiwa kufikilizya cino yakasi. Ukupupana kwao kutalatala kwililike, awe.

Yelemiya 42:18

“Yawe Wamaka yonsi, Leza wa ina Izlaeli wavwanga wati, ‘Vino ukali wane ni cipyu cane vyaponile akaya aku Yelusalemu, ali vino cipyu cane cilamuponela ndi mwaya ku Eguputo. Mulaya antu yamwi atipwe na asulwe. Mutalatala musyukile incende ii nupya.’ ”

Oseya 4:7

“Lino yasimapepo yavulilako, nu kwifya kwao kunondi ikuvulilako. Acino ndasangula ucindami wao kuti uye umuzewanya.

Danieli 12:2

Aingi muli yayo afwa mpiti yalazyukuka: yamwi uku umi wa pee, yamwi nayo ku kupupana kwa pee.

Danieli 9:16

We Mwene, uku mpiti watupokololanga, acino utatwalilila ukusokela Yelusalemu. Ala Yelusalemu umusumba wako, umwamba wako wamuzilo. Amaifyo itu ni nkota zya vikolwe vitu ivyalenga kuti antu atuzingulwike yasoweka Yelusalemu kumwi na swe antu yako.

Yelemiya 24:9

Ndayalenga ukuya na kasokonda uku wene uli onsi uwa panonsi. Yene yalaya izewanya lya antu nu musowe, inseko nu lutipu umu ncende zyonsi muno ndayazingila mwenemo.

Malango 28:37

Umu nko muno Yawe alamusalanganyizizya, antu yalazunguka pa vintu vino vyati vimuponela. Yalamuwela nu kumutumfya.

Ezekelo 16:52

Fwandi wemo ufwile uuvwa insonyi. Pasi pano ivicitwa vyako iviipe vyaipisyapo ukuluta iviipe vyakwe yakaci yako, cakuti yene yaloleka penepo akaele. Icaleka wemo insonyi kazikuleme nu kuzewana ku zewane. Pano awewe we mweneco walenga ukuti yakaci yauzo yalolekepo asuma.”