Yelemiya 23:36 - Amazwi Yakwe Leza 2013

³⁶ Lelo mutakezye ukulanda nupya muti, ‘Icisendo cakwe Yawe,’ pamulandu wakuti ndi umwi alacita cico, ale lyene mucumi ndalenga ukuti ciye icisendo kunoli. Antu yavulunganya amazwi yakwe Leza waumi, Yawe Wamaka yonsi, Leza witu.

Yelemiya 23:36 Referans Kwoze

2 Petulo 3:16

Vii avino akulanda mu makalata yakwe yonsi lino walemba pa vintu vii. Mu makalata yakwe mwaya vintu vimwi vitale kuvwa vino antu atutu nupya atatekela yakapililika. Vikwene avino yakapililika ni vyamu malembelo yauze.

Ezaya 3:8

Ala umu cumi, Yelusalemu alaongoloka, Yuda alawa, pano imivwangile yao, ni vicitwa vyao vikacuzya Yawe, yakamutukola apaswe.

Yelemiya 10:10

Lelo wemo Yawe, wewe uli Leza wacumi. Wewe uli Leza waumi, nupya Mwene wa pee. Lino wasoka, insi ikatenta. Antu amu nko zyuze yatangazizimizya ukali wako.

Masamu 120:3

Uzye Leza alacita cani kuli mwemwe, mwe antu asomvi mwe? Uzye wene alamuvunuka uli?

Masamu 64:8

Pamulandu wa mazwi yao ali pano nawe alayononela, yonsi yayo alalola kweneko yalakunta sile imitwe.

2 Yamwene 19:4

Umwene waku Asilya watatuma umukalamba wa vita ku kwiza tukananga intusi kuli Yawe Leza waumi. Fwandi Yawe Leza wako anguvwa intusi zizya apakuti apezye antu yaya yakatukana. Wemo lenganga sile Yawe apakuti angapususya antu itu yano yasyala penepo.”

1 Tesalonika 1:9

Antu yaya yonsi yakulanda pa kuzengela kuno mwatuzengile, nga na vino mwazenzwike ku kupepa tuluwi nu kutandika kutumikila Leza wa cumi nupya uwa umi.

Galatiya 6:5

Pano umuntu wensi alinzile kuisendela cisendo cakwe umwisikulu.

Milimo 14:15

“Uzye pacani mukucita cii mwe antu? Swemo sweswe antunze sile wakwe vino muli! Tuli kuno kuti tukosole Ilandwe Lisuma, kuti mufume ku vintu vyasile sile mutandike kupepa Leza wa umi, uwaumvile iyulu, insi, yemba ni vyayamo.

Luka 19:22

Mwene wakwe amunena ati, ‘We muomvi mwipe! Namakupingula pa mazwi yako! Wamanya vino nene muntu mutale, nkatola cino ntika nupya nkazombola pano ntakomile.

Mateo 12:36

“Lyene namunena nati, pa wanda wa upinguzi cila muntu alalondolola mulandu uno wavwanzile mazwi auwelewele.

Ezaya 28:22

Ali cino fwandi mwemo mutaseka kwati ivintu vimwi ivyamyawe, vino nemo nkumunena! Ndi cakuti mumacita vivyo, awe cumi cilamucuzya ukulola umwakupusukila. Nemo ne Ezaya natinjuvwila kuno umusambazi Umwene Wamaka yonsi akupanga ukonona insi yonsi.

Mapinda 17:20

Umwenzo utalame usilola isyuko, nu lulimi lwa ufi lukaponela umwi syamo.

Masamu 149:9

Ali pakuyavunuka ndi muno Leza wapelile ilamulo. Kuko ali kucindama kuno Leza wacitila antu yakwe! Lumbanyini Yawe!

Masamu 12:3

Yawe angala aputule imilomo kuli yayo yonsi akatumpoka, nu lulimi lwakwe yayo akalanda ivya kuyuvwa.

1 Samueli 17:36

Nemo nakoma yacisama ni vinyama ivyakolana ni viuli, nga ndacita icili cimwi kwene ku mwina Filisti wii atamanya Leza, nupya wino wasausya ivita vyakwe Leza.

1 Samueli 17:26

Davidi auzya aonsi aimi pipi na aliwe ati, “Uzye icani cino yali nu kucitila umuntu alakoma umwina Filisti wi, pa kufumya akalanda nu kuzewana kwa ina Izlaeli? Umwina Filisti wi, wino atasilamulwa, icani cino angacuzizya ivita vyakwe Leza wa umi nu kuvituka?”

Malango 5:26

Uzye kwatala kwaya umuntu umwi uwatala uvwa izwi lyakwe Leza wa umi akuvwanga ukufuma mu moto, nga pacisila atwalilila ukuya umupuma?

Yelemiya 23:37

We Yelemiya, uzya yakasema uti, ‘Uzye Yawe wamwaswike cani?’ Nanti muti, ‘Uzye Yawe wavwanga cani?’

Nyimbo zya ndosya 2:14

Yakasema yako kutaya nanti vimwi vino yakakusemela suka sile intumpu zitupu. Inkosolo zyao zyali izyakukusomba sile nupya kusi navyuze vino yakunenanga. Yene yakutumpikanga sile iyaleka uwelenganya nu kuti utalinzile kuzenzuka.