Yelemiya 23:29 - Amazwi Yakwe Leza 2013

²⁹ Yawe walanda wati, “Uzye kwene amazwi yane yatakoline wa moto, nanti inondo ino ikatamola iciliwe mu tupimfya?”

Yelemiya 23:29 Referans Kwoze

Ayebulai 4:12

Izwi lyakwe Leza ilya umi nupya likuomba. Lyene lyakalipa kuluta lupanga luno lwanyolwa konsi koili. Lyene likaputula nu kupenka monsi, kufika pano umi nu mupasi vyakomana, na muno yanamfyumfyu ni mimfyompo vyakomana lyene likapingula vilondwa, nu kwelenganya kwa mu mwenzo wa muntu.

Yelemiya 5:14

Acino Yawe avwanga kunondi ati, “We Yelemiya, pamulandu wakuti antu yaa yatiyavwanga ivintu vyamusango ndi uu, nemo ndaleka amazwi yane yaye wa moto umu tunwa twao. Nupya antu yaa yalaya wa nkwi, nga nu moto ulayoca mpaka yalokote.”

Luka 24:32

Nao yavwanzyanya yati, “Uzye myenzo itu itali ikupya uku luzango lino wali akulanda naswe mu nzila, nu kutulondolwela malembelo?”

Yelemiya 20:9

Lelo limwi ndi navwanga nati, “Awe mwe, nkanilile sile Yawe nkante nu kulanda amazwi yakwe umwi zina lyakwe,” lyene mu mwenzo wane ilandwe lyako iliya wa kulunkuma kwa moto. Nu munteo zyane ala mumila, nani inezya kuyacinyintila apapezile amaka yane, lelo mucumi imposiwa kucita cico.

Umbwilo 11:5

Umuntu umwi ndi wezya kucisa yakambone yaa yaili, umoto ulafuma mu milomo yao nu konona anisi yao. Mu musango uli onga kwene, wensi alezya kuyacisa wene alakomwa.

Yoane 6:63

Mupasi wakwe Leza aliwe akapeela umi. Amaka ya muntu yatangapeela umi. Amazwi yano namunena yene akapeela Mupasi wakwe Leza nu umi.

Milimo 2:3

Lyene yalola cimbilimbili ca moto ciputokele, cikuloleka wa lulimi, ciikala pali cila muntu.

Milimo 2:37

Lino antu yuvwa cii, yasakamala cuze, nga yavwanga kuli Petulo na atumwa yauze, yati, “Mwe ina itu uzye tumacita uli?”

2 Kolinto 2:16

Lelo ku antu akulowa, wene waya mununko wa mfwa nupya ukakoma. Lelo kuli yao akatuulwa mununko uu uwa cumi nupya ukayapeela umi. Uzye lyene aweni alinzile kuomba mulimo uwa musango uu?

Oseya 6:5

Acino nemo namutumile yakasema yane, kuti yize yamunene ilandwe lyane lya uputuzi nu kononwa. Cino nkasi kuti mucite cili apaswe nupya icangupale ukuuvwa.