Yelemiya 23:28 - Amazwi Yakwe Leza 2013

²⁸ Kasema wino alosile iciloto cingazipa wene alande ukuti iciloto sile. Lelo kasema wino uvwa amazwi yane alinzile kuyalanda umucumi. Uzye kwene insaawa zyalingana ni ngano?” Ivyalanda Yawe.

Yelemiya 23:28 Referans Kwoze

1 Timoti 1:12

Nkataizya Klistu Yesu Mwene witu, wino uwampile maka akuomba mulimo uu. Nkumutaizya apa kumpenda kuya uwa kutailwa nu kunsolola kuti namutumikila.

2 Kolinto 2:17

Swemo tutakoline wa antu yauze aingi, yano yakaezya kuya akama kupitila mu kukosola ilandwe lyakwe Leza. Lelo pano twaya muli Klistu tuli wa nkombe zyakwe Leza, tukakosola mu cumi kulingana nu kulonda kwakwe.

Luka 12:42

Mwene nawe amwaasuka ati, “Uzye lyene, muomvi mutailwe nu wamano aweni? Awiyo wino mwene alamucita kangalila, uwakulolela ing'anda nu kupeela aomvi yauze vyakulya vyao pa nsita ilinge.

Mateo 24:45

“Uzye lyene, muomvi mutailwe nu wamano aweni? Awiyo wino mwene wakwe wamucita kangalila uwakulolela aomvi amu ng'anda yakwe, nu kuyapela vyakulya vyao pa nsita ilinge.

Mapinda 14:5

Kambone wacisinka akalanda icumi lyonsi kwene, lelo kambone waufi wene akatumpoka monsi muno akulondela.

1 Kolinto 4:2

Cintu conga cino cikalondekwa ku muomvi cakuti alinzile kuya uwakutailwa kuli wino akatumikila.

Yelemiya 9:12

Alino lyene nuzya inti, “We Yawe uzye pacani cino impanga yononekela vii nu kuumalala wa lwanga, cakuti mwakana ukusyala nanti umuntu uwakupita mwenemo? Uzye aweni angakwata amano akumanya icintu cii muno calola? Uzye akuli weni kuno walondolola icintu cico pakuti nawe anganena auze?”

Yelemiya 9:20

Alino nani imvwanga inti, “Mwe yamangu ala siuvwini vino Yawe wavwanga. Sumbini amano ku mazwi yakwe. Sundini ana inu yakaci umusango wakulosezyamo. Musunde na yacuza inu kwene vya kwimbila inyimbo zya ndosya.

Yelemiya 23:25

Yawe akuti, “Nuvwa mpiti vino yakasema yalya yakalanda, yayo akasemela mwi zina lyane. Cila wenga akati, ‘Nindota iciloto! Nindota iciloto!’

Yelemiya 42:4

Yelemiya aasuka ati, “Namuvwa sana, namamulengela kuli Yawe ndi muno mwati muuzizya kwene. Indi nu kumunena vyonsi vino Yawe amalanda, nupya ntalamufisa nanti kamwi,”

Ezekelo 13:3

Yawe Simwandalali wavwanga wati, Isyamo, kuli yao yakasema imbulwamano, akasema ivya mu myenzo yao aeneco, ukwaula kulolapo nanti kamwi!

1 Yamwene 22:14

Nga lelo Mikaya wene amwaasuka ati, “Nalapa umwi zina lyakwe Yawe wa umi, ukuti nemo namalanda vino Yawe umweneco amanena.”

1 Yamwene 22:16

Lelo Aabu alondekanya ukuuzya ati, “Uzye amaila yanga yano ningakunena, pakuti lino ukulanda umwi zina lyakwe Yawe ulinzile wavwanga ivyacumi?”

Ezaya 21:10

Mwe antu yane, ala yatiyamupuula ungati avino yakapuula ingano. Lelo pali ndakai namamunena amazwi asuma, yano natinuvwa ku Mwene wa vita, Leza wa ina Izlaeli.