Yelemiya 23:24 - Amazwi Yakwe Leza 2013

²⁴ Uzye umuntu angafisama mu kafyototi inkane kumulola? Uzye mutamanyile vino nemo naya sile ponsi, umwiyulu na muno nsi kwene?” Ivyalanda Yawe.

Yelemiya 23:24 Referans Kwoze

Mapinda 15:3

Amanso yakwe Yawe yaya mpanga yonsi, yakalola aipe nga na asuma kwene.

Masamu 139:7

Nga aukwi fwandi kuno ningaya apa kuleuka Mupasi wako? Aukwi kuno ningalungama apa kuifuntusya uku cinso cako?

Masamu 90:8

Inkota zitu zyaya apa lwalala kunuli, na maifyo itu amu umfisolo nayo kwene ukayaleta apaswe.

Ezaya 29:15

Kalanda ku antu yano yakaezya ukufisa Yawe amapange yao! Vino yene yakapanga ukucita, yakavicitila umu umfisolo nu kwelenganya yakaelenganya ukuti kusi nanti wenga akuyalola nanti ukumanya vino yakucita.

1 Yamwene 8:27

“Uzye we Leza wewe ungikala na antu pa mpanga ya pano nsi? Nga vino iyulu ilitaikulila litange likukumane foo. Ale fwandi, uzye ing'anda ino ninkuula ali ino ingakukumana?

Ezaya 57:15

Pano nemo ne Leza Wapapelapela nemuno nikala umu ncende yamuzilo, nkaamwa ukuti Wamuzilo wilya, nkuti, “Nkaikala umu ncende yapapelapela yamuzilo. Lelo nkaikala na antu aicefya nupya afuke myenzo, kuti aicefya yayo njapupuzule imyenzo.

Ezaya 66:1

Yawe wavwanga wati, “Iyulu ali cilimba cane, insi nayo ali cilyatilo ca ngazo zyane. Uzye ing'anda cii fwandi ino mungankuulila? Incende cii fwandi ino ningapuzilamo?

Masamu 10:11

Umwipe akaelenganya umu mwenzo ati, “Leza atasakamile! Watazyata amanso nga atangatale andole!”

2 Milandu 6:18

“Uzye kwene umu cumi Leza angikala pano nsi pamwi na antu? Vino iyulu litupu nanti lyakula uli litange likukumane. Ale lyene uzye Ng'anda ikulu ii ino natinkukuulila, ali ino ingakukumana?

Efeso 1:23

Iuvi lili mwili wakwe Klistu umwazula aliwe wino akazuuzya vyonsi mu ufumaluke.

2 Milandu 2:6

Kusi nanti wenga angakuulila Yawe Leza Ng'anda ikulu, pasi pano nanti iyulu kwene litange limukumane. Ale uzye cumi anene ningamukuulila Ng'anda iyakuti aikala mwenemo? Awe foo! Nemo nsi cimwi, cakuti ningamukuulila Ng'anda ikulu, suka sile incende yakuti ince namufutumwila mwenemo ubani.

Danieli 4:35

Wene akalola antu amu nsi ukuti asilesile. Angeli umwiyulu nga na antu umu nsi yali mu makasa yakwe. Kusi umwi angalesya ukulonda kwakwe, nanti amuzye ati, ‘Uzye cani cino wacita?’

Ezekelo 9:9

Leza nawe anjasuuka ati, “Aina Izlaeli na Ayuda yakwata umulandu, pano yene yaifya wakwe cimwi. Yakomola antu konsi pyu mu mpanga ii, nupya nu mu musumba kwene uu mwazula tupu uyi. Yene yakalukuti, ‘Leza wafumyako amano ku mpanga itu. Yawe asikulola foo.’

Ezekelo 8:12

Leza ali pakunguzya ati, “We mwana wa muntu, uzye wailolela ivikacita akalamba ya ina Izlaeli, umu kanda, cila muntu umu muputule wakwe umu viluwi vilengwe? Ala yakuti, ‘Yawe atange atulole, Yawe watazyela impanga.’ ”

Yelemiya 49:10

Pano nemo ali vino ndasambulula Esau. Nene ndasokolola incende zyakwe zyonsi muno zyafisamila, icakuti akaposiwe na pa kufisamila. Umutundu wakwe, wati ononeka, usipo pali ndakai. Nu mu inipamba musi nanti wenga angasyalamo.

Masamu 148:13

Kayalumbanye izina lyakwe Yawe, pano izina lyakwe lyonga mpo, ali lino lyacindamisya, lyaluta insi ni yulu uku ucindami.

Utandiko 16:13

Haga aelenganya ati, “Uzye umucumi natindola Leza wino akandola?” Caleka atemela Yawe, wino wavwanzile kunoli ati, “Wewe Leza akalola.”

Ayebulai 4:13

Kusi cimwi cingafisama ku manso yakwe Leza. Vintu vyonsi mu uumbo onsi vili paswe nupya wene akavilola. Swensi kwene tulinzile kuilondolwela kunoli.

Yobo 34:21

Wene akaceceta imipitile ya muntu, nu kulola cila lutampulo lwakwe.

Yobo 34:22

Kutaya ukwafisama, nanti ukwazika, kuno kacita wa viipe angafisama.

Yelemiya 16:17

Amanso yane yakaceceta vyonsi vino yakacita. Kusi nanti conga cino cafisama kunondi. Amaifyo yao yatange yutuke ku mulola wane.

Yelemiya 32:19

Kunuli wakula wakwe cimwi mu vicitwa vyako. Ala wewe musambazi mu vicitwa vyako vyonsi.

Danieli 2:22

Wene akasokolola ivintu ivizike nupya vya nkama. Wene amanyile ivyafiswa mu mfinzi, nu luswepo lwamuzinguluka monsi.

Masamu 139:8

Nga nalungama ukwiyulu, akunuli, vyonsi nga ningati inje nkalale kuzimo, akunuli.