Yelemiya 23:21 - Amazwi Yakwe Leza 2013

²¹ Yawe wavwanga wati, “Ntatumile yakasema yayo, lelo nanti cali vivyo yene yaile kweneko. Ntayanenyile nanti cimwi, lelo nalyo kwene yasemile mwi zina lyane.

Yelemiya 23:21 Referans Kwoze

Yelemiya 14:14

Lyene Yawe aasuka ati, “Ala yakasema yayo yakusema sile vyaufi umwi zina lyane. Asi nene nayatumile, awe. Ntayapiile ilamulo lyakulanda nanti izwi lyonga kunoyali. Ala vilolwa vino yene yamusemela ivyaufi nu kusowela kwao ukwa vintu vyauwelewele sile vino yakalola.

Yelemiya 27:15

Pano asi nene nayatuma foo, ivyalanda Yawe. Lelo yene yakasema ivyaufi umwi zina lyane. Icilalenga nu kuti imuzinge muce mulowelele kumwi na yakasema kwene yayo.”

Yelemiya 23:32

Cumi kwene, nemo nkukanya yakasema yano yakalota iviloto vyaufi. Yene yakalotola iviloto ku antu yane nu kuyatungulula kwi lovyo pamulandu wa ufi wao ni vilumba vyao. Ala nemo ntayatumile nanti ukuyanena ukuti yapitana. Nupya yene yatakweti umulimo nanti umwi ku antu yane.” Ivyalanda Yawe.

Milimo 13:4

Banaba na Saulo pano yatumwa na Mupasi Wamuzilo, ku Seleukia. Kuku akuno yaya yapatama mu wato yaya ku cilila ca Kupulo.

Yoane 20:21

Yesu nupya ayanena ati, “Mutende uye namwe. Ndi vino Tata wantumile avino nani namutuma.”

Yelemiya 29:31

“Tumila azya yonsi amazwi yano yakumile Syemaya umwina Neelamu ukuti Yawe wavwanga wati, ‘Apamulandu wakuti Syemaya wamupolelela nu usemo wakwe nanti angala ntamutumile, lyene nawe watamulenga ukuzumila intumpu.

Yelemiya 29:9

Pano yene yakamusemela ivyaufi mwi zina lyane. Asi nene nayatuma foo.” Ivyalanda Yawe.

Yelemiya 28:15

Kasema Yelemiya ali pakuya kuli Hananiya nu kumunena ati, “We yame! Ala Yawe asi awino wakutuma foo, nupya waleka antu yataila vyaufi kunuli.

Ezaya 6:8

Alino nuvwa Mwene uuzya ati, “Uzye aweni wino namatuma? Aweni amaya inkombe itu?” Nani imwasuka inti, “Mukwai namayako! Ntumini nene!”

Loma 10:15

Uzye yangakosolelwa uli ndi umwi atatumilwe? Ndi vino calembwa mu malembelo cati, “Lolini vino cazipa kulola ingazo zyakwe yao akwiza ku kukosola Ilandwe Lisuma!”

Yelemiya 27:14

Mutauvwa kuli yakasema yano yakumunena yati, “Mutatumikila umwene waku Babiloni, pano yene yakamusemela sile vyaufi.

Yelemiya 29:8

Pano Yawe Wamaka yonsi, Leza wa ina Izlaeli wavwanga wati, “Mutaleka yamusombe kuli yakasema na yakasapoola yano yikala kuno muli, mutakakutika ku viloto vyao.