Yelemiya 23:18 - Amazwi Yakwe Leza 2013

¹⁸ Nga alino nani navwanzile inti, “Pasi nanti wenga pali yakasema yaa wino watala wamanya inkama zya melenganyo yakwe Yawe. Pasi nanti wenga wino watala uvwa nanti ukutezya ilamulo lyakwe, nanti sile ukuvwa nu kusumba amano kuli vino akavwanga.

Yelemiya 23:18 Referans Kwoze

Yelemiya 23:22

Ndi cakuti yamanyile inkama zya melenganyo yane, lyene ngano yalanda ilandwe lyane ku antu yane cakuti antu nayo yange yazenzuke ku nzila zyao iziipe nu ku vicitwa vyao iviipe.

1 Kolinto 2:16

Cili ndi vino calembwa mu malembelo cati, “Uzye aweni uwamanya melenganyo ya Mwene? Uzye aweni angamupanzya mano?” Lelo swemo twakwata kwelenganya kwakwe Klistu.

Yoane 15:15

Ntalamwama wa yaomvi nupya pano muomvi asimanya cino mwene wakwe akucita. Lelo nkamwama yacuza, pano nati munena vintu vyonsi vino nuvwile kuli Tata.

Amosi 3:7

Cumi kwene Yawe asicita icintu nanti cimwi ukwaula kuumbula uteyanyo wakwe, kuli yakasema aomvi yakwe.

Masamu 25:14

Yawe akasokolwela inkama zyakwe kuli yao akamoopa, nu kuleka upangano wakwe umanyike kunoyali.

2 Milandu 18:23

Kasema Zedekiya, umwana umonsi wakwe Kenaana, pali pakupalamila amuma na kalupi api tama. Alino amuuzya ati, “Uzye mupasi wakwe Yawe wali wapitila pi apa kufuma kunondi, nu kwiza vwanga muli wewe?”

1 Yamwene 22:24

Lyene Zedekiya umwana umonsi wakwe Kenaana, apalama pipi nga apama Mikaya ulupi api tama ati nu kuti, “Uzye Mupasi wakwe Yawe afumile nsita cii muli nene pakuti aize alanda muli wewe?”

Yobo 33:31

Ali cino wemo Yobo, sumba amano kunondi ne Eliu, unguvwe vino nkukunena.

Yobo 21:22

Uzye kwene kwatala kwaloleka umwi angapanzya Leza amano, pano wene akapingula na akwiyulu ukupelapela?