Yelemiya 23:16 - Amazwi Yakwe Leza 2013

¹⁶ Yawe Wamaka yonsi wavwanga ku antu aku Yelusalemu wati, “Mutezya mwauvwa uku mazwi yakwe yakasema yaa. Yene yakamusomba sile ku vilolwa vino yakamulandila. Vikafuma sile uku mano yao aeneco, asi ku kanwa kakwe Yawe foo.

Yelemiya 23:16 Referans Kwoze

Yelemiya 14:14

Lyene Yawe aasuka ati, “Ala yakasema yayo yakusema sile vyaufi umwi zina lyane. Asi nene nayatumile, awe. Ntayapiile ilamulo lyakulanda nanti izwi lyonga kunoyali. Ala vilolwa vino yene yamusemela ivyaufi nu kusowela kwao ukwa vintu vyauwelewele sile vino yakalola.

Ezekelo 13:6

Yakalola ivya uwelewele nu kusowela ivya ntumpu zitupu, ala yakuti nu kuti, ‘Ivyalanda Yawe,’ nalino Yawe atayatumile foo. Nga yataila nu kuti amazwi yao yangafikiliziwa.

Mateo 7:15

“Cenjelini na yakasema yaufi, yano akaiza kunomuli mu ufuke kwati umwana wa mfwele, lelo mukasi kao yakoline wa mimbulu ikali.

Ezekelo 13:3

Yawe Simwandalali wavwanga wati, Isyamo, kuli yao yakasema imbulwamano, akasema ivya mu myenzo yao aeneco, ukwaula kulolapo nanti kamwi!

1 Yoane 4:1

Mwe yacuza akundwe, mutataila yonsi akati yakwata Mupasi Wamuzilo. Lelo muyezye nu kumanya ndi cakuti mupasi uno yakwata wafuma kuli Leza. Pano yakasema yaufi aingi yasalangana konsi muno nsi.

Yelemiya 23:21

Yawe wavwanga wati, “Ntatumile yakasema yayo, lelo nanti cali vivyo yene yaile kweneko. Ntayanenyile nanti cimwi, lelo nalyo kwene yasemile mwi zina lyane.

2 Yamwene 17:15

Yene yakanyile ukulondela utunguluzi wakwe, yakana nu upangano uno wene wapangine ni vikolwe vyao, nu kusula ukusopwa kwakwe. Yapepanga tuleza twaciwelewele, utuluwi nga lyene aisikulu iyasanguka awelewele. Yene yalondelile imisango ya mitundu iyayazingulwike, yatalamila amasunde yakwe Yawe nu kukana yalondela.

Mika 2:11

Umuntu umwi uwantumpu ndi wapita konsi konsi afuma akusema vyantumpu ala akuti, ‘Endi, mulakwata waini nu wengwa nyanya,’ kasema wamusango uu awino antu yatemwa!”

Yelemiya 23:26

Uzye kwene ufi wamusango uu ulatwalilila ukufika lilaci, umu myenzo yakwe yakasema yano yakasema vyaufi, yayo akasema vyausomvi vyamu myenzo yao aeneco?

Ezekelo 22:28

Yakasema yao nayo yasilandapo pa uyi uu, yakafisa kwati antu yano yakupawila cipau ku lung'umba. Ivilolwa vyao navyo ivyaufi sile, ni visowelo vyao navyo kwene ivyaufi sile. Yene yakailola ungati antu akalanda amazwi yane ne Yawe, fwandi ala ne Yawe ntayanenyile nanti kamwi.

Ezekelo 13:23

Lelo ukuya kwene, mutalatala nupya mulole ivilolwa vya uwelewele nanti ukusowela ivyaku nkolelo. Pasi pano ndakulula antu yane ku makasa yinu. Alino mulasininkizya ukuti nene indi Yawe.”

Ezekelo 13:16

yakasema ya ina Izlaeli yano yasesemelanga Yelusalemu nu kumulolela ivilolwa vya longo, lino kutali nu longo. Ivyalanda ne Yawe Simwandalali.’ ”

Yelemiya 29:8

Pano Yawe Wamaka yonsi, Leza wa ina Izlaeli wavwanga wati, “Mutaleka yamusombe kuli yakasema na yakasapoola yano yikala kuno muli, mutakakutika ku viloto vyao.

Yelemiya 9:20

Alino nani imvwanga inti, “Mwe yamangu ala siuvwini vino Yawe wavwanga. Sumbini amano ku mazwi yakwe. Sundini ana inu yakaci umusango wakulosezyamo. Musunde na yacuza inu kwene vya kwimbila inyimbo zya ndosya.

Yelemiya 2:5

Vii avino Yawe akulanda ati, “Uzye ukuluvyanya cii kuno ivikolwe vinu vyazanyile munondi, apakuti vinsangukile? Vyene vyalondelile ukupepa utuluwi twasilesile, nga aisikulu yasanguka yaya asilesile.

Mapinda 19:27

Mwanane, lino ulata sile ukuvwa uku masunde ya mano, lyene ale utalalengela ukusuula navino wamanya mpiti.

Loma 1:21

Nanti angala Leza yamumanya, lelo yakana kumulumbanya nanti kumutaizya. Amelenganyo yao yaseleukila ku vya uwelewele ni myenzo yao yazulamo mfinzi.

Yelemiya 9:12

Alino lyene nuzya inti, “We Yawe uzye pacani cino impanga yononekela vii nu kuumalala wa lwanga, cakuti mwakana ukusyala nanti umuntu uwakupita mwenemo? Uzye aweni angakwata amano akumanya icintu cii muno calola? Uzye akuli weni kuno walondolola icintu cico pakuti nawe anganena auze?”

Nyimbo zya ndosya 2:9

Impongolo zyati zyononeka. Imifikilo nayo yakontoka kumwi ni mikolongelo. Umwene wamuno mpanga kumwi na makombe yakwe yasendwa uzya ku inamasi. Kusi nanti umwi uwakusambilizya amazwi yakwe Leza. Nanti sile a yakasema yakwe kwene yatiyata ukulola ivilolwa ukufuma ku Mwene.

1 Yamwene 22:11

Kasema wenga wali a Zedekiya umwana umonsi wakwe Kenaana, wiyo uwapanzile vipembe vya cela atandika nu kunena Aabu ati, “Yawe wavwanga wati, ‘Uku vipembe vya mwata uu ali kuno ulatotolela aina Asilya suka sile ukayalovye pyu pyu pyu.’ ”

2 Milandu 18:5

Fwandi Aabu nawe ali vino wakonganike yakasema yano yali manye imyanda ini ni mpuzyo, nga ayuzya ati, “Uzye tuce tuye ku kulwisya umusumba wa Lamoti umu mpanga yaku Gileadi nanti foo?” Nayo yamwasuka yati, “Muce muye, pasi pano Yawe aliwe alamupeela amaka ya kucimvya.”

Yelemiya 29:23

Fwandi vivyo iviliizila yakacita ya muzewanya mu Izlaeli, yano yakacita ulenzyo na yamuka eneco, yano yakalandila mwi zina lyane nanti ntayatumile. Lelo namanya ukuti nene kambone kuli cico.” Ivyalanda Yawe.