Yelemiya 23:14 - Amazwi Yakwe Leza 2013

¹⁴ Lelo muli yakasema aku Yelusalemu mwene nindola mwenemo ulenzyo, intumpu, ukukomelezya antu ukucita iviipe, kuti kutaya uwakuzenzuka ku uyi wakwe. Yonsi pyu kunondi aipe wa ina Sodoma. Antu amu Yelusalemu yakoline wa ina Gomola.

Yelemiya 23:14 Referans Kwoze

Yelemiya 29:23

Fwandi vivyo iviliizila yakacita ya muzewanya mu Izlaeli, yano yakacita ulenzyo na yamuka eneco, yano yakalandila mwi zina lyane nanti ntayatumile. Lelo namanya ukuti nene kambone kuli cico.” Ivyalanda Yawe.

Ezekelo 22:25

Intunguluzi zyao zili kwati a yacisama akung'anza pa nsita ino yakutakanya inyama ino yalemile. Intunguluzi zikakoma antu nu kuyapoka impiya, ni vyuma vyao vyonsi, zikalenga ukuti yamangu aingi yasyale yamukamfwilwa.

Mika 3:11

Yakapingula yakweo yakapoka amafukakanwa apakupingula. Yasimapepo yakweo yasisambilizya ukwaula kulifya cimwi. Yakasema yakweo yakasema kuti yalipilwe. Nupya yene yakalanda ukuti Yawe ali na alio. Yakavwanga yati, ‘Kusi cimwi ciipe icingatuponela, awe, pano Yawe ali naswe.’ ”

Yelemiya 23:32

Cumi kwene, nemo nkukanya yakasema yano yakalota iviloto vyaufi. Yene yakalotola iviloto ku antu yane nu kuyatungulula kwi lovyo pamulandu wa ufi wao ni vilumba vyao. Ala nemo ntayatumile nanti ukuyanena ukuti yapitana. Nupya yene yatakweti umulimo nanti umwi ku antu yane.” Ivyalanda Yawe.

Yelemiya 14:14

Lyene Yawe aasuka ati, “Ala yakasema yayo yakusema sile vyaufi umwi zina lyane. Asi nene nayatumile, awe. Ntayapiile ilamulo lyakulanda nanti izwi lyonga kunoyali. Ala vilolwa vino yene yamusemela ivyaufi nu kusowela kwao ukwa vintu vyauwelewele sile vino yakalola.

Malango 32:32

Anisi yao yaipa wa ina Sodoma na Gomola, yakoline wa miti yamatingi ino ikaseeka matingi alule,

Utandiko 18:20

Lyene Yawe ati, “Kuilizyanya kwa antu pali Sodoma na Gomola kwatikucilamo, nu luyembu ululimo lwatilwipisya.

Mateo 11:24

Cumi namunena nati, pa wanda wa upinguzi Leza alaya na mizu cuze pa kuvunuka antu amu Sodoma kuluta mwemwe.”

Zefaniya 3:4

Yakasema yakwe imbutuma. Yene incenjezi.

Yelemiya 20:16

Umuntu kwene wiyo kaye wa misumba kwene ilya ino Yawe wononyile ukwaula uluse. Sangala auvwa impooma zya ulanda umu katondo, ni mpooma zya nkondo lino ilanzi lyafika umutwe pakasi.

Utandiko 13:13

umusumba muno antu yali ankota, aifyanga Yawe wakwe cimwi.

Umbwilo 22:15

Lelo yao akacita vya winyi na alozi, yacizelele ni nkomi, yakapepa ya tuluwi nga na yao akatumpoka mu mazwi nu mu vicitwa kwene, yaa yonsi yalasyala kunzi ya musumba ukulu.

Umbwilo 21:8

Lelo antete na yano asi nu utailo, na yakacita ya vintu vyawinyi, ni nkomi, yacizelele, alozi, na yakapepa ya tuluwi, na antu yonsi antumpu, wikalo wao a yemba wa moto muno maluti yakapya. Ii ili mfwa yakwe ciili.”

Umbwilo 19:20

Cilyanyi casenzilwe ku ng'anda yaminyololo pamwi na kasema waufi wino wacisile vinjelengwe pa manso yakwe. Wene waomvizye vinjelengwe vii pa kusomba yao akweti cimanyililo ca cilyanyi na yao apefile unkolanya wa cilyanyi. Cilyanyi pamwi na kasema waufi yasumbilwe apuma muli yemba wa moto, muno mwapyanga maluti.

Umbwilo 11:8

vyala vyao vilasyala vilambalile mu museo uwamu musumba ukulu, muno Mwene wao watanyilwe pa lupanda. Izina lya musumba uwa mwi syente ukaamwa ukuti Sodoma, nanti Eguputo.

Yuda 1:7

Iusyini Sodoma na Gomola, nga ni misumba iyazingulwike muno antu yaitumfile mu vyawinyi. Yene yaya icilangililo kuli yonsi ca uvunuko waku moto wape.

2 Petulo 2:6

Leza wavunwike antu amu misumba ii ku moto kuti ciye icilangililo ca cintu cino cilacitikila yakaifya.

1 Timoti 4:2

Masambilizyo ali ndi yaa, yakasalanganyiziwa mu usomvi wakwe yakasambilizya yaufi, yano yakampingu yao yafwa, kwati yocewa ni cela cikaye.

Malaki 1:1

Ii imbila ya mazwi yakwe Yawe yano wavwanzile kuli Malaki kuti anene aina Izlaeli.

Ezekelo 13:16

yakasema ya ina Izlaeli yano yasesemelanga Yelusalemu nu kumulolela ivilolwa vya longo, lino kutali nu longo. Ivyalanda ne Yawe Simwandalali.’ ”

Yelemiya 23:17

Yene yalayuumilila sile mu kunena yano yasuula Leza ukuti yalaya nu longo. Na wiyo wensi wino akalondelela ulunkumbwa lwa mwenzo wakwe uumalale ala yakumunena ndi vino uzanzo utalamuponela foo.”

Yelemiya 18:13

Yawe akuti, “Mutale muzye imitundu yonsi ndi cakuti umuntu umwi wino uvwa cintu camusango ndi uu, cakuti umukazyana atatala wamanya umonsi, wacita icintu iciipisye!

Ezaya 9:15

Aikolo na yasimucindikwa ali mitwe. Yakasema akasambilizya ivya ntumpu ali misinda!

Yelemiya 23:22

Ndi cakuti yamanyile inkama zya melenganyo yane, lyene ngano yalanda ilandwe lyane ku antu yane cakuti antu nayo yange yazenzuke ku nzila zyao iziipe nu ku vicitwa vyao iviipe.

Yelemiya 36:2

“Toola amapepala, ulembepo amazwi yonsi yano nkunenyile pamulandu wakwe Yelusalemu, aina Yuda ni mitundu yonsi. Ulembe sile vino nakunena, kutandikila sile pa wanda uno natandikile kulanda nawe, mu manda yakwe Yosiya kufika na pa wanda wilelo.

Yelemiya 49:18

Yawe wavwanga wati, “Mutalikala umuntu nanti wenga. Mutalaya alacita icifulo munoli, ndi vino cali lino yawisizye Sodoma na Gomola, kumwi ni misumba yamu mbali.”

Ezekelo 13:19

Mukanzewanya apa manso ya antu yane, apakuti mulole utungano twakwe baale tumwi utwa pikufi, nga nu tumokolwa twa mukate. Pasi pano mukakoma antu atalinzile nu kufwa, nu kupususya atalinzile nu kwikala muno nsi. Mukasomba antu yane yano yatemwa ukuuvwa vyaufi.’”

Oseya 6:10

Natindola icintu cawinyi pakasi ka ina Izlaeli. Aluko lwakwe Efulemu yasendwa mu uzelele. Na aluko lwakwe Izlaeli yaikowezya apa kulongozya.

Amosi 4:11

“Nononyile yamwi amuno muli wakwe vino nononyile antu amu misumba ya Sodoma na Gomola. Mwemuno mwapuswike mwali wa visonsololwa vya moto. Lelo mutawezile kunondi. Avino Yawe wavwanga.

Zakaliya 13:2

“Pa nsita kwene ilya ndalovya amazina ya tuluwi mu mpanga ilya, nga kutalaya nanti umwi alaiusya nupya. Na yakasema yaufi nayo ndayafumyamo, ndafumyapo nu mukonkelelo wakupepa utuluwi.

Utandiko 19:24

Yawe aponya makala ya moto wakwe pali Sodoma na Gomola.

Utandiko 19:25

Avino aonona cifoloma consi na antu yonsi mu misumba yoili pamwi ni vimelwa vyonsi.

Yelemiya 29:21

Yawe Wamaka yonsi, Leza wa ina Izlaeli walanda pamulandu wakwe Aabu umwana wakwe Kolaiya na Zedekiya umwana wakwe Maaseya, yano yakasema vyaufi mwi zina lyakwe, wavwanga wati, “Ndayapeela mu makasa yakwe Nebukadineza umwene waku Babiloni. Nawe alayakoma, nu kuilolela mulailolela mwe eneco.

Nyimbo zya ndosya 4:6

Antu yane yatiyavunukwa ukuluta navino cali ku ina Sodoma, yayo aononyilwe mu kupumikiziwa nupya kutali uwakuyazwa.

Mika 1:5

Vyonsi vii vilacitika pamulandu wa kwifya kwakwe Yakobo, pamulandu wa maifyo ya amu mupanda wakwe Izlaeli. Uzye aweni angapeelwa umulandu pa kwifya kwa ina Izlaeli? Uzye asi aina Samaliya? Uzye aweni angapeelwa umulandu pa kwifya kwa ina Yuda? Uzye asi ina Yelusalemu?