Yelemiya 23:13 - Amazwi Yakwe Leza 2013

¹³ Muli yakasema aku Samaliya nindola mwenemo ivyaipa. Yene yakusema umwi zina lyakwe Baali nu kuponzya antu yane, aina Izlaeli.

Yelemiya 23:13 Referans Kwoze

Yelemiya 2:8

Yasimapepo nayo yakanyile ukuuzya yati, ‘Uzye Yawe ali kwi?’ Yakapingula nayo yatamanyile nene, intunguluzi nazyo zyansangukile. Yakasema nayo yasemile mwi zina lyakwe Baali. Nga yalondela utuluwi utwasilesile.

Ezaya 9:16

Intunguluzi zya mwata ndi uo zyaponga, zyafuma umu nzila. Na yano yakatungulula nayo kwene yakuponziwa kumwi.

2 Milandu 33:9

Lelo Manase alenga antu amu Yuda ukwifya iifyo limwi ilikulu wakwe cimwi ukuluta na vino imitundu ino Yawe wazinzile yaifizye.

1 Yamwene 18:40

Eliya pali pakuvwanga ati, “Lemini yakasema yakwe Baali! Mutaleka nanti wenga apuuke! Lino yayalema, Eliya pali pakuyasenda ku Cifoloma ca Kisyoni nga akuno ayakomela.”

Yelemiya 23:32

Cumi kwene, nemo nkukanya yakasema yano yakalota iviloto vyaufi. Yene yakalotola iviloto ku antu yane nu kuyatungulula kwi lovyo pamulandu wa ufi wao ni vilumba vyao. Ala nemo ntayatumile nanti ukuyanena ukuti yapitana. Nupya yene yatakweti umulimo nanti umwi ku antu yane.” Ivyalanda Yawe.

Yelemiya 36:2

“Toola amapepala, ulembepo amazwi yonsi yano nkunenyile pamulandu wakwe Yelusalemu, aina Yuda ni mitundu yonsi. Ulembe sile vino nakunena, kutandikila sile pa wanda uno natandikile kulanda nawe, mu manda yakwe Yosiya kufika na pa wanda wilelo.

Oseya 4:11

Yawe akuti, “Waini wampiti nanti umupya kwene, wene akaonona amano.

Oseya 4:12

Antu yane yakalonda amano ku kaluwi akawaze ku cimuti, nga umuti iuyanena vino yakasi ukumanya. Mupasi wa ulenzyo ukayaponzya, caleka apakusya Leza wao, lyene yasi acumi kunoli.

Mika 1:5

Vyonsi vii vilacitika pamulandu wa kwifya kwakwe Yakobo, pamulandu wa maifyo ya amu mupanda wakwe Izlaeli. Uzye aweni angapeelwa umulandu pa kwifya kwa ina Izlaeli? Uzye asi aina Samaliya? Uzye aweni angapeelwa umulandu pa kwifya kwa ina Yuda? Uzye asi ina Yelusalemu?