Yelemiya 23:10 - Amazwi Yakwe Leza 2013

¹⁰ Mu mpanga muzile sile yacizelele. Apamulandu wa citipu, na pamulandu wa vintu vii, impanga ikulila ulanda nga ni ncende zyakucemelamo zyamu lwanga zyatizyuma. Yakasema yakulondela inzila zya kwifya. Yakuomvya amaka yao umukucita ulufyengo.

Yelemiya 23:10 Referans Kwoze

Masamu 107:34

Impanga ya vilyo isangula iya cicelecele, apamulandu nu uyi wa antu atenzi mwenemo.

Yelemiya 9:10

Alino ne Yelemiya mvwanga inti, “Awe cumi nemo kanaloosya imyamba. Kanalilila umulemvwe umwakucemelamo iviteekwa, pano mu myamba mwatimuma, nu mulemvwe nao watiuma. Musi umuntu nanti wenga akupita mwenemo. Umutinti wa viteekwa usikuuvwika, ivyunyi pamwi ni nyama zya mpanga vyativyutuka.”

Yelemiya 9:2

Lelo kwene ningatemwisya ukuzanako incende imwi umu lwanga, ukwakuti ningaya apakuti mfuntuke ku antu yane, Pano yonsi sile yatalama, nupya yene iuvi lyakwe yacisanguka.

Malaki 3:5

Yawe Wamaka yonsi wavwanga wati, “Ndiza pakasi kinu ku kupingula, nga lilyo kwene ndasinila antu akacita vyamalele, na yacizelele, na yayo akatumpwila auze, na yayo akasomba aomvi apa kuyalipila, na yayo akakwilila pa mitwe yakwe yamukamfwilwa na ana asyale, na inamasi kwene. Ndasinila yonsi asincindika.

Ezaya 24:6

Asi papo Leza lyene watatipwila insi apakuti iononeke. Antu kwene aikazi yamwenemo, ali yano yatiyailetelela aeneco kwene. Ali mulandu kwene uno lyene insyazi zyakunzi zyatizitandika ukucepela kweneko.

Yakobo 4:4

Mwe antu mwe muno musi akutailwa kuli Leza! Uzye mutamanyile ukuti ndi mwaya ucuza ni nsi ala mwapatana na Leza? Wino wensi akalonda kuya cuza wa nsi ala wene waicita mwanisi wakwe Leza.

Ayebulai 13:4

Ing'anda ilinzile kucindikwa na antu onsi. Yaiya na Aci yalinzile kutailana. Leza alapingula yao akacita uzelele na yao akacita ulenzyo.

1 Timoti 1:10

Masunde kwene yaa yapeelwa pamulandu wakwe yakalongozya na akaulungana na onsi yauze, akaiya antu, antumpu na akapeela umboni waufi nanti cintu cili consi cino citalingine nu usambilizyo usuma.

Yowelo 1:10

Ivyalo vyalala, umusili ukulosya pasi pano musi ingano, imitingi yonsi yatiuma. Imiolivi nayo kwene yatiuma.

Yelemiya 14:2

“Impanga ya Yuda ili mu malanda ni misumba ya iko ikufwa, na ikazi yamwenemo yakwalangana sile ku ucuzi. Mu Yelusalemu namo kwene muli impooma.

Yelemiya 7:9

Mwemo mwatemwa ukwiya, ukukoma antu, ukucita uzelele, ukulapa imilapo ya ufi, ukocela Baali ubani, nu kupepa tuleza tuuze tuno mutamanyile mpiti.

Aina Levi 5:1

Amawila akwelela amaifyo yakalondwa pamilandu ii. Ndu muntu yamwama kwi tengo kuti apeele umboni mwi tengo, lelo wakana kulanda vino waweni nanti vino uvwile, umuntu wiyo alinzile kuvunukwa.

Ezaya 5:18

Kalanda kunomuli mwemuno mwasyala akasiki uku kwifya.

Yelemiya 9:12

Alino lyene nuzya inti, “We Yawe uzye pacani cino impanga yononekela vii nu kuumalala wa lwanga, cakuti mwakana ukusyala nanti umuntu uwakupita mwenemo? Uzye aweni angakwata amano akumanya icintu cii muno calola? Uzye akuli weni kuno walondolola icintu cico pakuti nawe anganena auze?”

Yelemiya 12:11

Yatiyaisangula wa lwanga, lino nani nkuilolela. Impanga yonsi yatisanguka wa lwanga nu wakuti aisakamale kusi.

Oseya 7:4

Yonsi kwene yasi na utailo, nupya usomvi wao ukulunkuma wa moto uwamu citofu, uno kapanga wa mikate asisonsela ukutandikila sile lino akukanda umunya mpaka na lino wakatuka.

Ezila 10:18

Yaa ali yano yatwite aci ainamasi. Muli yasimapepo, yano yatwite aci ainamasi aeya: Mu amu mupanda wakwe Yesyua na ina yakwe Yozadaki na ina, a Maaseya, Elieza, Yalibu na Gedaliya.

Yelemiya 6:13

Cila muntu, ukutandikila sile pa munono ukufika napa mukalamba, yonsi kwene yapunuka ku kulondelela ulonsi. Yonsi pyu, ukutandikila kuli kasema mpaka na kuli simapepo, yakacita usomvi umwi uipisye ku antu.

Zefaniya 3:4

Yakasema yakwe imbutuma. Yene incenjezi.