Yelemiya 23:1 - Amazwi Yakwe Leza 2013

¹ “Kalanda kuli yakacema yano yakaleka ukuti imfwele zya ufyo wane ziponge nu kusalangana!” Ivyalanda Yawe.

Yelemiya 23:1 Referans Kwoze

Yelemiya 10:21

Nani ali pakwasuka inti, “Intunguluzi zitu izitumpe. Zyene zisiuzya Mwene vino angazitungulula. Uli mulandu uno zyene zyaposiwa, nga na antu itu yasalangana.

Ezekelo 13:3

Yawe Simwandalali wavwanga wati, Isyamo, kuli yao yakasema imbulwamano, akasema ivya mu myenzo yao aeneco, ukwaula kulolapo nanti kamwi!

Mateo 9:36

Walanga walola maumba, aya ni nkunkunsi pano yali apelelwe nupya aculisye, kwati imfwele izitakweti kacema.

Yelemiya 22:22

Umuza umaululula intunguluzi zinu zyonsi. Yano mwalemana nayo yalayasenda ku uzya. Alino lyene mwemo insonyi zilamulema, mulapupana pamulandu wa uyi uno mwacita.

Yelemiya 12:10

Yakateeka aingi amu mpanga zyuze yatiyonona icalo cane ca matingi. Impanga yane ino itaizipila yatiyaisangula wa lwanga.

Yelemiya 50:6

“Antu yane yali wa mfwele ziponge, yakacema yao ali yano yayaponzizye. Yayasile yakuzeuluka mu mpanga, yakululumba ukufuma ku mwamba uu yaya ku mulundu uze. Yasuka yaponga ni kola lyao lyampomvu.

Yelemiya 2:8

Yasimapepo nayo yakanyile ukuuzya yati, ‘Uzye Yawe ali kwi?’ Yakapingula nayo yatamanyile nene, intunguluzi nazyo zyansangukile. Yakasema nayo yasemile mwi zina lyakwe Baali. Nga yalondela utuluwi utwasilesile.

Yoane 10:12

Lelo wino walembwa sile incito, asi mucemi, nga ni mfwele zisi zyakwakwe, lino walola mumbulu ukwiza, amasya mfwele autuke. Nu mumbulu wize uleme yonga nga ni zyuze zipasike.

Yoane 10:10

Mwivi akaizila sile kwiya, kukoma, nu konona. Nemo nizile kuti muye nu umi, umusi ukuulilwa.

Yelemiya 23:2

Ali cino fwandi Yawe, Leza wa ina Izlaeli, walanda pamulandu wakwe yakacema, yano yakacema umutundu wa antu yane, wati, “Mwatimuleka imfwele zyane zisalangane nu kululumba. Mutazisakamile foo. Lelo nemo nkumusakamala pamulandu wa vicitwa vinu viipe.

Mateo 15:14

Lekini yaye. Yene intunguluzi mpafu. Impafu ndi yatungulula impafu yuze, ale zyoili kwene zingaponela mu ciwina.”

Ezekelo 34:31

“Ala mwemwe mfwele zyane, mwemwe antu yane sile nenga, mwemwe ufyo uno nkacema, nani nene indi Leza winu sile. Ivyalanda ne Yawe Simwandalali.”

Ezekelo 34:21

Pano imfwele zitonte uku mbazo zinu mwemo mukazipumola nu kuzisunka pakuti zifume mu ufyo.

Yelemiya 2:26

Yawe wavwanga wati, “Vino umwivi akauvwa insonyi, ali vino ang'anda yakwe Izlaeli yalalemwa ni nsonyi. Ukutandikila sile kuli alio kwene, yamwene yao, inkombe zyao, yasimapepo yao kumwi na yakasema yao.

Yoane 10:8

Yauze ankolelile yene aivi nupya vipondo, nga ni mfwele zitayuvwile.

Yelemiya 13:17

Ndi cakuti mwemo musyakumuvwa, nemo ale namalililanga mu umfisolo. Apamulandu wa vilumba vinu, namalilisya wakwe cimwi cakuti na misonzi yamalukutanga. Apamulandu sile wakuti antu ya Mwene yatiyasendwa mu uzya.

Ezekelo 36:38

Antu yalazuula tupu mu misumba iyasiile vitalang'anda, ndi vino umusumba wa Yelusalemu apampiti wazuulanga tupu imfwele, zino yaletanga pakupeela impolelwa apa manda makulu. Ee, alino antu yalasininkizya ukuti nene indi Yawe.”

Ezekelo 34:1

Alino Yawe avwanga kunondi ati,

Zakaliya 10:3

Yawe wavwanga wati, “Nemo natinsokela akateeka antu yane, nupya nasya njavunuke. Ayuda ala antu yane ne mweneco, nene ne Yawe Wamaka yonsi ndayawaka. Yalaya wa mfwalasi zyane zyamaka zyakulwilapo inkondo.