Yelemiya 22:30 - Amazwi Yakwe Leza 2013

³⁰ Yawe wavwanga wati, “Lembini umuntu wii muti imbulwa ana, umuntu wino atasyuka mu umi wakwe, pano kusi nanti wenga apa ana yakwe, wino alaya nu longo umu umi wakwe, wino alikala pa cilimba ca wene cakwe Davidi, nanti ukuteeka mu mpanga ya Yuda.”

Yelemiya 22:30 Referans Kwoze

Yelemiya 36:30

Cico kwene ali cino Yawe wavwanga pamulandu wakwe Yeoyakimu umwene waku Yuda wati, atalatala akwate umwi namuze uwakwikala pa cilimba cakwe Davidi, ni cala cakwe cilasumbwa ukunzi ku cipuki akasanya, alino nu ku mpepo usiku.

Masamu 94:20

Wemo musiuvwana napinguzi ya lufyengo, yao atemwa ukucita ulufyengo wi sunde.

Yelemiya 10:21

Nani ali pakwasuka inti, “Intunguluzi zitu izitumpe. Zyene zisiuzya Mwene vino angazitungulula. Uli mulandu uno zyene zyaposiwa, nga na antu itu yasalangana.

Yelemiya 2:37

Nako kwene ku Eguputo mulaweluluka ale mwatimupanga na makasa pa mitwe. Pasi pano ne Yawe ninsuula nu kutazyela yano mwataila. Fwandi mwemo pasi nanti cimwi cino mulasyukila kunoyali.”

Yelemiya 22:2

“Uvwa amazwi yakwe Yawe, we mwene waku Yuda, we muno wikala pa cilimba ca wene cakwe Davidi, ni ntunguluzi zyako na aikazi amu Yelusalemu.

Yelemiya 29:32

Fwandi lyene namafulula Syemaya umwina Neelamu kumwi na akazi kakwe. Apa antu yakwe Aonsi patalasyala nanti wenga mu mutundu uu, wino alikala umupuma nu kulola isyuko lino ndapeela ku mutundu wane. Pasi pano wene wasambilizya antu vya kutalamila Yawe.’” Ivyalanda Yawe.

Yelemiya 52:10

Ku Libula Nebukadineza akoma ana aonsi yakwe Zedekiya apa manso yakwe Zedekiya. Alino akoma na ana yakwe yacilolo amu Yuda yonsi pyu.

Yobo 18:19

Cisi cakwezya ukusya umwanakwe nanti wenga, umu mutundu wakwe nanti icizikulula. Fwandi umu nsi mutasyala uwakazi kakwe nanti wenga.