Yelemiya 22:28 - Amazwi Yakwe Leza 2013

²⁸ Nemo natiile, “Uzye umwene Yeoakini watasanguka wa nkolo itamike ino yatiyasumba, cakuti kusi nanti wenga angaitemwa nupya? Uzye pacani cino yatiyasendelwa mu uzya, aliwe na antu yakwe, umu mpanga ino yatamanyile nanti panono?

Yelemiya 22:28 Referans Kwoze

Oseya 8:8

Aina Izlaeli yatiyamilwa. Yene yatiyaya wa vikona pakasi ka antu amu nko zyuze.

Masamu 31:12

Umuntu wensi watanjilila, ungati nene musipwa. Indi wa ciinga cino yatiyasumba apa citumba.

Yelemiya 48:38

Apa mapaala ya mang'anda yonsi aku Moabu nu mu miseo kwene muli mpooma zitupu, pamulandu wakuti natintamola Moabu wa nsembo ino yonsi yasuula. Ivyalanda ne Yawe.

Oseya 13:15

Nanti angala aina Izlaeli yakukula ningo wa vikona, ndatuma umuza ukaye waku kayeya, uno ulafuma mu lwanga nu kwiza kamya utufukoka kumwi ni vifula vya manzi. Anisi yalonona icuma cakwe ca mutengo ukome.

Yelemiya 22:30

Yawe wavwanga wati, “Lembini umuntu wii muti imbulwa ana, umuntu wino atasyuka mu umi wakwe, pano kusi nanti wenga apa ana yakwe, wino alaya nu longo umu umi wakwe, wino alikala pa cilimba ca wene cakwe Davidi, nanti ukuteeka mu mpanga ya Yuda.”

Yelemiya 17:4

Mulafumbatula iminwe ku vyaupyanyi vino namupiile. Ndamucita azya ku anisi inu umu mpanga ino mutamanyile, pamulandu wa cipyu cane cino cikoline wa moto umuntazima.”

Yelemiya 15:1

Lyene Yawe avwanga kunondi ati, “Nanti angala Mose na Samueli yangimilila apa manso yane nu kupapata, nemo ntange nezye ukuuvwila antu yaa uluse. Wemo uyazingile sile ukutali uleke yapita.

Yelemiya 14:18

Akula naya umu mpanga, ivyala vitupu avino nkuzana vya antu atiyakomwa umu nkondo. Nanti ndi naya umu misumba nkuzana antu yano yakusikila pamulandu ni cipowe. Yakasema na yasimapepo yakutwalilila kuomba imilimo yao. Lelo yatamanyile cino yakucita.”

2 Samueli 5:21

Lino aina Filisti yutwike nu kusya utuluwi twao papa kwene, Davidi na antu yakwe yatusenzile.

2 Milandu 21:20

Yolamu wali ni myaka amakumi yatatu na iili apa nsita ino watandike ukuteeka, nga wateesile mu Yelusalemu imyaka cinani. Lino wafwile kutali umuntu nanti wenga uwakumuvwila ulanda. Iyamuzika mu Musumba wakwe Davidi, lelo ukunzi ya nzisi yakwe yamwene.

Yelemiya 22:27

Nupya kutalatala kuye ukuweluluka umu mpanga ino mukalukisya wakwe cimwi.”

Yelemiya 27:20

Vivyo vyonsi vino Nebukadineza umwene waku Babiloni atasenzile, lino wavifumizye mu Yelusalemu nu kuvitwala ku Babiloni mu uzya, pamwi na asambazi yakwe yonsi ali mu Yuda nga nu mu Yelusalemu, umwali na Yeoyakini umwana wakwe Yeoyakimu umwene waku Yuda.

Yelemiya 37:1

Nebukadineza umwene waku Babiloni wasonsile Zedekiya mwana Yosiya ukuya pa cilimba ca wene, cakuteeka impanga yakwe Yuda apa cifulo cakwe Yeoyakini umwana wakwe Yeoyakimu.

Yelemiya 16:12

Lelo mwemo mwifya ukuluta yaso. Si lolini vino cila wenga akulondelela ulukumbwa lwa mwenzo wakwe wiipe, ukwaula nu kunguvwa foo.

Yelemiya 24:1

Yawe wandanzile imise iili ya masamvu ino yatesilwe apa nkolelo ya Ng'anda ikulu yakwe Leza. Cali apacisila ca nsita ino Nebukadineza umwene waku Babiloni wasenzile Yeoyakini, umwana wakwe Yeoyakimu umwene waku Yuda, uku uzya, ukumufumya mu Yelusalemu nu kumutwala uku Babiloni pamwi na yacilolo yakwe na yafundi kwene.