Yelemiya 22:24 - Amazwi Yakwe Leza 2013

²⁴ Yawe wavwanga uku mwene Yeoyakini, umwana umonsi wakwe Yeoyakimu umwene waku Yuda, wati, “Cumi kwene vino nene indi Leza wa umi, nanti angala Yeoyakimu angaya imbalaminwe ukwi kasa lyane lilungi, nemo ningamuzula.

Yelemiya 22:24 Referans Kwoze

Yelemiya 37:1

Nebukadineza umwene waku Babiloni wasonsile Zedekiya mwana Yosiya ukuya pa cilimba ca wene, cakuteeka impanga yakwe Yuda apa cifulo cakwe Yeoyakini umwana wakwe Yeoyakimu.

Lwimbo lwakwe Solomoni 8:6

Uwankunda nene nenga mpo, muze wene foo. Uwankumbatila nene nenga mpo, muze wene foo. Pano ulukundo lwakoma wa mfwa, ni nsuna yakoma wa mfwa kwene. Yene yaya wa mvumba ya moto, wa cimbilimbili icikulu.

1 Milandu 3:16

Ana aonsi yakwe Yeoyakimu aeya: Yeoyakini, na Zedekiya.

Hagai 2:23

Nene ne Yawe Wamaka Onsi amazwi yane aeya: Pa wanda kwene uo wemo we muomvi wane Zelubabeli, we mwana monsi wakwe Syeatieli, indakutoola nu kukulasika apa wene mwi zina lyane, pano ale nati nkusolola. Kuu kuli kuvwanga kwane ne Yawe Wamaka Onsi.”

Yelemiya 22:28

Nemo natiile, “Uzye umwene Yeoakini watasanguka wa nkolo itamike ino yatiyasumba, cakuti kusi nanti wenga angaitemwa nupya? Uzye pacani cino yatiyasendelwa mu uzya, aliwe na antu yakwe, umu mpanga ino yatamanyile nanti panono?

Yelemiya 22:6

Pano vii ali vino Yawe walanda pamulandu wi sano lya mwene waku Yuda ati, “Nanti angala lyene lili wa mpanga ya Gileadi nanti wa myamba yaku Lebanoni, ku kuzipa, lelo ndalicita ulwanga, umusumba umutanga mwikale umuntu.

2 Yamwene 24:12

Alino lyene umwene Yeoyakini pamwi na nyina, na ana yakwe, ni nkombe zyakwe zya kwisano kwene, iyiza yacimba ku ina Babiloni. Mu mwaka wakwe cinani uwa kuteeka kwa mwene waku Babiloni, umwene Nebukadineza asenda Yeoyakini umu uzya.

2 Yamwene 24:15

Nebukadineza asenda na Yeoyakini kwene umu uzya uku Babiloni. Asenda na nyina uwa mwene, na aci yakwe, ni nkombe zyakwe, na antu amaka amu mpanga ilya.

2 Milandu 36:9

Yeoyakini wali ni myaka yakuvyalwa ikumi na cinani apa nsita ino watandike ukuteeka, nga wateesile mu Yelusalemu imyezi itatu na manda ikumi. Nawe kwene wacitanga iviipe apa manso yakwe Yawe.

Ezaya 49:16

Yelusalemu, ala nemo ntange nkwilile foo, pano nemo nakulemba nu mu ndupi zyane. Iviumba vyako nkuvilola insita zyonsi.

Yelemiya 28:4

Ndawezya na Yeoyakini umwana wakwe Yeoyakimu umwene waku Yuda nga na azya yonsi aku Yuda yano yasenzilwe ku Babiloni. Ndakontola iyoko lya mwene waku Babiloni.” Ivyalanda Yawe.

Yelemiya 29:2

Cali apacisila ca nsita ino umwene Yeoyakini na nyina, namwene, ivilolo ni ntunguluzi zyaku Yuda nu mu Yelusalemu, yamfundi na yamusyanyi yafumile umu Yelusalemu nu kusendwa uzya.

Yelemiya 13:18

Lyene Yawe avwanga kunondi ati, “Nena umwene nga unene na nyina kwene, namwene ukuti yasenke apa vilimba vyao vya wene. Pasi pano ivilongwe vyao vya wene iviyembe vyativipona ku mitwe yao.”

Yelemiya 24:1

Yawe wandanzile imise iili ya masamvu ino yatesilwe apa nkolelo ya Ng'anda ikulu yakwe Leza. Cali apacisila ca nsita ino Nebukadineza umwene waku Babiloni wasenzile Yeoyakini, umwana wakwe Yeoyakimu umwene waku Yuda, uku uzya, ukumufumya mu Yelusalemu nu kumutwala uku Babiloni pamwi na yacilolo yakwe na yafundi kwene.