Yelemiya 22:23 - Amazwi Yakwe Leza 2013

²³ Wemuno wakwata icifulo cako uku Lebanoni, ni cinsanzo cako umu miti mikelide, iyee mwe lyene vino ulateta lino amacuzi yalakuponela, kwati ucuzi wa mwanaci wino ali pipi nu kulela.

Yelemiya 22:23 Referans Kwoze

Yelemiya 6:24

Antu amu Yelusalemu yakuti, “Twatituvwa ilandwe lyapali alio, nga na makasa itu yatovoka. Intete nazyo zyatizitulema. Cikutunyongoloka kwati umwanaci wino ali pipi nu kulela.

Yelemiya 22:6

Pano vii ali vino Yawe walanda pamulandu wi sano lya mwene waku Yuda ati, “Nanti angala lyene lili wa mpanga ya Gileadi nanti wa myamba yaku Lebanoni, ku kuzipa, lelo ndalicita ulwanga, umusumba umutanga mwikale umuntu.

Habakuku 2:9

“Kalanda ku antu yano yakalonkela umu kwiila auze pakuti alio yacingilile uwikalo wao, nu kuleuka uzanzo nu ucuzi pa mili yao.

Obadiya 1:4

Lelo nanti mungapapuka umupela wakwe lyang'anda, nu kuluka ivinsanzo apakasi ka ntanda, nemo ndamusamula nu kumuponya wa maleka. Avino Yawe wavwanga.

Amosi 9:2

Ndi cakuti yangimba pansi mpaka yafike ku cifulo ca afwe, ikasa lyane lilayalema kuko kwene. Ndi cakuti yangakwela ukwiyulu kupela, ndayisya ukufuma kweneko.

Oseya 7:14

Yene yasipepa kunondi ukufuma mu myenzo, lelo yakaisumba apa misanzi yao nu kulila. Yakalila impoma wa inamasi apamulandu wa kulonda cakulya ni cakumwa, lelo yene yakamfutatila.

Oseya 5:15

“Alino lyene ndaswilila ku cifulo cane, mpaka lino antu yane yalazumila ukuti yali nu mulandu, nu kutandika ukundondandonda. Mu ucuzi wao yalezya ukundonda ni myenzo yao yonsi kuti yanzane.”

Yelemiya 49:16

Icoopo cako ni cilumba camu mwenzo wako vyakusomba sile, wemuno ukaikala mu macele akuulwa apapela ya myamba itali. Lelo nanti ungaluka icinsanzo cako apapelapela wakwe lyang'anda'anda, ndakuponyezya pansi.” Ivyalanda ne Yawe.

Yelemiya 48:28

“Mwe ina Moabu mwe, fumini sile mu musumba. Ikalini mu vimawe. Mukolanye icipeele cino caluka cinsanzo mu lwema lwa mipokapoka icenjemale.

Yelemiya 21:13

Ala awewe kwene, awewe nkulwisya we Yelusalemu we muno wikala apa sanzuke, wa ciliwe cino catumpuka apapela mu cifoloma. Lelo nemo ndalwisya mwemwe. Mwemo mukalanda muti kusi nanti wenga wino angamuzanza nanti kumwingilila mu vifulo vinu vya kuzinamo.

Yelemiya 3:21

“Icongo acico cuvwika apapela ya twamba. Ee, ukulila kwa ina Izlaeli nu kupapata kwao. Pasi pano yatiyanyonganika inzila yao, nu kwilila kuli Yawe, Leza wao.

Mpendwa 24:21

Nupya mu cilolwa cakwe Balamu alola aina Kenite, nga asema usemo uu: “Uwikalo winu mwe ina Kenite uwa mpomvu cuze, Nupya ni cizi cinu cili apiwe ilikunuke.

Ezekelo 17:3

uleke yamanye vino ne Yawe nkuyanena inti, lyang'anda mukalamba, uwa maapa akulu na mavumbu atali. Wene wakweti na mavumbu asuma nupya amaala maala. Lyang'anda'anda wiyo waile ku mwamba wa Lebanoni, aya atimpula insongo pa ntonje ya kamuti kamwi akatalimpisye.