Yelemiya 22:20 - Amazwi Yakwe Leza 2013

²⁰ Yangini ku Lebanoni mwe ina Yelusalemu mwe, akuno mukapunde, yangini ku mpanga ya Basyani. Yangini mukalaizye ukufuma mu myamba yaku Moabu, pamulandu wakuti yonsi yano mwalemana nayo yatiyacimviwa.

Yelemiya 22:20 Referans Kwoze

Mpendwa 27:12

Alino Yawe anena Mose ati, “Kwela umwamba uwamu myamba ya Abalimu pakuti ulole impanga ino namapeela aina Izlaeli.

Ezekelo 23:22

Fwandi lyene nemo ne Yawe nkukunena inti, wemo caticikufuulila ku akundwe yako, lelo nemo ndaleka kuti yakusokele, nu kwiza kulilizya.

Nyimbo zya ndosya 1:2

Yano yasiile mwenemo yakulosya uwaca nu wila. Aminsozi yakulukuta sile umu vipa nu kutemukila pa matama yao. Apa antu yonsi yano ayatemilwe, pasi nanti wenga wiyo wakuyamyalalika. Yacuza yao yatiyayasangukila yonsi pyu. Lyene ayayo iyaya anisi yao.

Ezekelo 23:9

Caleka namululile mu makasa yakwe yacuza yakwe yano watemilwe, mu minwe ya ina Asilya.

Nyimbo zya ndosya 1:19

“Nalaizye kuli yacuza yane, lelo yene yakanyile ukungazwa. Yasimapepo yane ni ntunguluzi yafwilile mu miseo ya musumba, muno yalondelezyanga vyakulya pakuti yatwalilile ukuya nu umi.

Yelemiya 25:9

indi nu kwama imitundu yaku kayeya, namaama umuomvi wane Nebukadineza umwene waku Babiloni, namaama antu yano yakaikala ku mpanga ilya apakuti yize yamuvwangatile, yavwangatile kumwi ni mitundu ino yamuzinguluka. Namamulovya mwensi pyu pakuti antu yauze ndi yalolekesya yatandika sile kuizakazila pamulandu ni ntete. Ivyalanda Yawe.

Yelemiya 22:22

Umuza umaululula intunguluzi zinu zyonsi. Yano mwalemana nayo yalayasenda ku uzya. Alino lyene mwemo insonyi zilamulema, mulapupana pamulandu wa uyi uno mwacita.

Yelemiya 4:30

Alino nawe we Yelusalemu, ulazanzwa! Uzye pacani cino ukazwala insalu ziyenzulukile? Uzye pacani cino ukazwala iviyembelo vyakwe zaabu, nu kuipentola apa vipa vyako? Ala ukuicuzya sile apakuiyemvya! Yayo akutemilwe mpiti yatiyakusuula, yene yakulonda kukukoma.

Yelemiya 2:36

Uzye pacani cino mwemo mwayela namansenunsenu? Nkumunena mucumi ndi vino aina Eguputo yalamuzewanya ndi vino aina Asilya yamuzewanyizye.

2 Yamwene 24:7

Alino umwene waku Eguputo ni vita vyakwe atatazile nupya afume ku Eguputo, pamulandu wakuti umwene waku Babiloni ali wino wateekanga impanga yonsi ino mpiti yali iya ina Eguputo, iyatandikile sile uku Luzi lwa Yufulate ukupelela nu ku mupaka uwayela ku katutu kaku Eguputo.

Malango 32:49

“Yanga ku myamba iyacingana iya Abalimu iyaya mu mpanga ya ina Moabu ukulungatana nu musumba wa Yeliko, ukakwele Mwamba wa Nebo. Alino lyene ulolekesye impanga ya Kenani, ino nasya mpeele ku ina Izlaeli.

Ezaya 57:13

Ndi walaizya tumalola ndi cakuti utuluwi twako utwipe tumakutuula! Umuza ulatuulula tonsi pyu, umupu ulatusenda. Lelo wiyo wensi uwataila munondi, alapyana insi. Umwamba wane uwamuzilo ulaya uwakwakwe.

Yelemiya 2:25

Izlaeli, ala wemo tekela pano limwi ungazana ukuti ulwazo lwako ulucisike nanti umukolomilo wako uumalale umukulondelela tuleza utwenyi. Lelo kwene wemo watile, ‘Usi mulandu, nintemwa tuleza kwene tuu, atuno namalondelelanga.’ ”

Yelemiya 3:1

Yawe akuti, “Umuntu ndi wata umuci, nawe waya watwalwa kuze, uzye wene angaca aweluluke kuli wino wamuzinzile? Uzye impanga yonsi ale itati ikowele? Uzye lyene we Izlaeli ukulonda uweluluke kunondi, wemuno wacitanga uzelele nu kutemwa aingi?

Ezekelo 27:6

Yakupangile inkafi uku mbao zya muoko ukufuma ku Basyani. Yakupangile umuputule wa wato uku mbao zyafumile ku nkumba yaku Saipulasi, nga yaiyemvya na mino ya nzovu.

Yelemiya 2:37

Nako kwene ku Eguputo mulaweluluka ale mwatimupanga na makasa pa mitwe. Pasi pano ne Yawe ninsuula nu kutazyela yano mwataila. Fwandi mwemo pasi nanti cimwi cino mulasyukila kunoyali.”