Yelemiya 22:17 - Amazwi Yakwe Leza 2013

¹⁷ Lelo wemo amanso yako nu mwenzo wako vyalola sile ku kuizanzya we mwisikulu. Wemo ukakoma antu akaele nu kuomvya uluku uluku antu yako.

Yelemiya 22:17 Referans Kwoze

2 Petulo 2:14

Yene yakaelenganya sile kulongozya. Imbunu yao yakwifya itakwata impela. Yene yakasomba antu mu citeyo cao. Myenzo yao yasambilila kuya nu lwiswa nupya yali ni citipu cakwe Leza.

Ezekelo 19:6

Walanga wafika pa cimo cakuya cisama wamaka, avino watandike ukupitana pamwi na yacisama yauze. Asuka asambilila kulunga, atandika nu kulema antu.

Yelemiya 22:3

Yawe akuti, ‘Mwacita vyaulungami ni visuma. Mwatuula yayo afyengelekeziwa kuli yano yakayafyenga. Mutacuzya umwinamasi na ana asyale na yamukamfwilwa. Mutacita ulufyengo nupya mutazwisya nu wazi wa antu akaele mu ncende ii.

2 Yamwene 24:4

Makamaka apamulandu uwa uno wakomile antu akaele umu Yelusalemu. Apamulandu uo, awe kwene Yawe wene atalondanga nanti panono ukuyakwatila uluse.

Ezekelo 33:31

Antu yane yakaiza kunuli iumba likalamba, yiza yikala pa nkolelo yako apa kuvwa amazwi yako, lelo yakana ukuyalondela. Mu tunwa twao mwazula intumpu, nu mu myenzo yao mwaya ulwiswa lwa vyuma vino yakalonkela uku ukakasi.

Masamu 10:3

Umwipe akuituumika apa lunkumbwa lwakwe, Umupunuke akutuka nu kuzewanya Yawe.

2 Petulo 2:3

Pamulandu wa kutemwisya cuma yene yalamusomba na mazwi aucenjezi. Lelo kuvunukwa kwao kwateyanyiziwa mpiti, nu kononwa kwao kukayalolela.

Kolose 3:5

Mutaleka mili inu yamutungulula. Mulinzile kukoma vilondwa viipe vya mwili vino vikuomba munomuli, wakwe vii, kulongozya, vya winyi, nsuna, cipyu, lwiswa (pano lwiswa u musango wa upefi wa tuluwi.)

1 Kolinto 6:10

nanti akaiya, nanti a lwiswa, nanti akolesi, nanti akatumpwila auze, nanti aivi, pali yaa yonsi kusi alakumako ku Wene wakwe Leza.

Loma 1:29

Myenzo yao yazulamo uyi wa misango yonsi wakwe vii, ukakasi, kuitemwa, lupato, uzuwa, utazi wa katwe, lwete, ufi, lufyengo, lwambo,

Zefaniya 3:3

Yacilolo yako yakung'anza wakwe yacisama, ni ntunguluzi zyako zikoline wa mimbulu, ino isyasya nanti cimwi kuti cifike nu mukatondo.

Yobo 31:7

Ingazo zyane ndi cakuti zyatazile izipumba inzila, na manso yane ndi yatazile iyatwala umwenzo wane ku kuluvyanya, nanti iminwe yane ndi cakuti yatazile ikowela ku vyakulemalema.

2 Milandu 36:8

Ivintu vyuze vyonsi vino Yeoyakimu wacisile, ukwika penepo ni vintu viipe vino wacisile wakwe vino yasokolwile ivya muzewanya, vyalembwa mu lupapulo lwakwe yamwene amu Izlaeli nu mu Yuda. Yeoyakini umwanakwe umonsi uwa mupyanyile apa wene.

1 Yamwene 21:19

Lyene ukamunene uti, ‘Yawe wavwanga wati, pacisila ca kukoma umuntu uzye umatola ni calo cakwe kwene?’ Nupya umunene uti, ‘Yawe wavwanga wati, mu ncende muno yasimbwa yamyansile uwazi wakwe Naboti, nawe kwene ali muno yalamyantila uwazi wako.’ ”

Yoswa 7:21

Pali vino twasamfile naweni ikoti ilisuma sana ilyaku Babiloni, na siluva angalingana impiya zya masyekele amakilogalamu yaili, ni ciulungwa cakwe zaabu icinyome ukucizya pali citika wakwe kilogalamu. Nakumvilwe ivintu vii nu kuvitola. Vyonsi vii mumavizana umwi taalu lyane amuno navifisa, kumwi na siluva umwisika lyaviko.”

Kufuma 18:21

Lelo kulunda pali vii, ulinzile kusola aonsi yamwi ampomvu nu kuyasonta kuti yaye wa ntunguluzi zya antu. Mu musango uu, intunguluzi zya antu mazimbi, na yamwi antu imyanda, na yamwi antu amakumi yasano, na yamwi antu ikumi. Yalinzile ukuya antu akaopa Leza. Yalinzile ukuya atailwe nupya atangazumilizya mafukakanwa.

Mapinda 24:2

Pano yene yakaelenganya sile ivya ukukakasi umu myenzo yao. Yene ndi yavwanga icintu conga, ala caya icakucuzizyako umwi.

Ezaya 56:11

Intunguluzi zizyo zyaya wakwe yasimbwa, yakalya mukululu. Intunguluzi zimwi imbulwamano. Zyonsi sile yonga yonga zikacitila ivintu muno zitemilwe. Zikalondelela sile ulonsi.

Yelemiya 6:6

Vii ivyalanda Yawe Wamaka yonsi ati, “Temini imiti yakwe, mutuntumalike nu musili uku malinga yakwe Yelusalemu. Umusumba uu ulinzile kuvunukwa, pano mwazulamo sile ufi na kanyati katuputupu.

Yelemiya 6:13

Cila muntu, ukutandikila sile pa munono ukufika napa mukalamba, yonsi kwene yapunuka ku kulondelela ulonsi. Yonsi pyu, ukutandikila kuli kasema mpaka na kuli simapepo, yakacita usomvi umwi uipisye ku antu.

Yelemiya 8:10

Icaleka indapeela aci yao kuli yauze, ni vyalo vyao kuli yakacimvya ya mpanga. Pano yonsi sile, anono na akalamba, ukutandikila kuli yakasema ukufika kuli yasimapepo yacita ucenjezi uwiipisye.

Yelemiya 17:11

Umuntu wino akalonka icuma mu ucenjezi wakolana ni nkwale ikaulola amayayi yano itatiile. Pakasi na nkasi ka umi wakwe ali nu kuponzya vyuma vyakwe, na pakusyalikizya pasi vino alaya, lelo alasyala iciwila.

Ezekelo 18:12

akacuzya mupina nu mulanda, akapokolola vya eneco ku maka, asiwezya vino wazima, akatumpwila amanso ku tuluwi, akacita vyawinyi,

Mika 2:2

Yene yakakumbwa ivyalo nga yavipokolola. Lino yakwata ulwiswa lwa ng'anda, iyaipoka. Kusi umuntu na ang'anda yakwe nanti vino yakwata ivyacingililwa.

Mika 3:10

Mwakuula Zioni umu cuma cakwe ucikoma nu lufyengo, Musumba wa Yelusalemu wakuulilwa na maifyo inu.

1 Samueli 8:3

Lelo yene yatatozile imiyele yakwe isi. Yene yalondelile sile ukupanga ulupiya. Avili vino yapokelelanga amafukakanwa nu kuipingula ukwaula ukulondela icisinka.

2 Yamwene 23:37

Yeoyakimu wifyanga pa manso yakwe Yawe, ndi vino ivikolwe vyakwe vyaifyanga.

Yelemiya 7:6

ndi cakuti mwata ukuzunya ainamasi, ana asyale nanti yamukamfwilwa nu kuta ukukoma antu akaele mu ncende ii, ndi cakuti mwata ukulondela tuleza tuze,

Yelemiya 19:4

Ndacita cico pamulandu wakuti antu yane yantazyela nu kukowezya incende ii pakupeela penepo impolelwa kuli tuleza tuze tuto tuno yene nanti vikolwe vyao nanti yamwene amu Yuda yatamanyilepo nanti cimwi. Yene yazuzya uwazi wa antu akaele umu ncende ii.

Ezekelo 19:7

Wene walwisizye amasano ya antu yalya nu konona imisumba yao. Impanga pamwi na ikazi ya mwenemo, pasi pakuvwa intete apa kuvwa kung'anza kwakwe.

Ezekelo 19:9

Yamwisile mu cimponda, yamusenda nu kumutwala ku mwene waku Babiloni. Yamusumbile mu ng'anda yaminyololo, apakuti kung'anza kwakwe kutakatale kuvwike mu myamba yamu Izlaeli.

Ezekelo 22:6

Intunguluzi zinu zyonsi mwe ina Izlaeli zikaomvya amaka yakwezyo pa kukoma antu.