Yelemiya 21:13 - Amazwi Yakwe Leza 2013

¹³ Ala awewe kwene, awewe nkulwisya we Yelusalemu we muno wikala apa sanzuke, wa ciliwe cino catumpuka apapela mu cifoloma. Lelo nemo ndalwisya mwemwe. Mwemo mukalanda muti kusi nanti wenga wino angamuzanza nanti kumwingilila mu vifulo vinu vya kuzinamo.

Yelemiya 21:13 Referans Kwoze

Ezekelo 13:8

Icaleka lyene nani namwalukila apamulandu ni vilolwa vinu ni visowelo vinu ivya uwelewele ni vyaufi. Ivyalanda ne Yawe Simwandalali.

Nyimbo zya ndosya 4:12

Yakateeka ya panonsi kumwi na ikalansi kwene yatazumile ukuti icipondo nu mwanisi yalingila pa mpongolo zyakwe Yelusalemu.

Mika 3:11

Yakapingula yakweo yakapoka amafukakanwa apakupingula. Yasimapepo yakweo yasisambilizya ukwaula kulifya cimwi. Yakasema yakweo yakasema kuti yalipilwe. Nupya yene yakalanda ukuti Yawe ali na alio. Yakavwanga yati, ‘Kusi cimwi ciipe icingatuponela, awe, pano Yawe ali naswe.’ ”

Yelemiya 50:31

Lolini mwe ina Babiloni, mwe viyantu vya cilumba. Nemo ne Mwene, Yawe Wamaka yonsi, natimukatukila. Pano insita inu yatifika, iyakuti muvunukwe.

Masamu 125:2

Ndi vino imyamba yazinguluka Yelusalemu, ali vino Yawe nawe amalilizya antu yakwe yaye apakasi, ilelo ni myaka pee.

Yelemiya 49:16

Icoopo cako ni cilumba camu mwenzo wako vyakusomba sile, wemuno ukaikala mu macele akuulwa apapela ya myamba itali. Lelo nanti ungaluka icinsanzo cako apapelapela wakwe lyang'anda'anda, ndakuponyezya pansi.” Ivyalanda ne Yawe.

Yelemiya 21:5

Nene nemweneco namaya kalwisya wa anisi yinu namaka yane yonsi, icipyu cane nu ukali wane onsi.

Ezaya 22:1

Amazwi asowilwe pamulandu ni Cifoloma ca Cilolwa: Uzye icacitika icani pakuti mwensi kwene mukwele apa mapaala ya mang'anda inu?

Yelemiya 51:25

We Babiloni, wemo ukoline umwamba uno ukaonona insi yonsi, lelo ne Yawe, nene ndi mwanisi wako. Ndakulema nu kukukunkulusya ukufuma pa vimawe vivyo ivitali. Ndakusangula wa mwamba uno wapya ku moto.

Yelemiya 7:4

Tiini ukutaila mu mazwi yalya ausomvi nu kuvwanga muti, “Sweswe yacingililwe! Ii, ili Ng'anda ikulu yakwe Leza, ii ili Ng'anda ikulu yakwe Leza, ii ili Ng'anda ikulu yakwe Leza!”

Kufuma 13:8

Lino insita yakuzevya cimulo yafika, mwalondolwela ana inu ukuti mukacita cii pamulandu wakwe cino Yawe wamucitile lino mwafumile mu Eguputo.

Kufuma 13:20

Aina Izlaeli iyafuma ku Sukoti nga iyaya yakuula insakwe ku Etamu mu mbali ya lwanga.

Ezekelo 5:8

Caleka ne Yawe Simwandalali nkuti, nemwisikulu nakusangukila, we Yelusalemu, nupya ndakuputwila imilandu pa manso ya antu amitundu yonsi.

Ezekelo 21:3

nena impanga yakwe Izlaeli uti, ‘Yawe wavwanga wati lola nakukatukila, namasomola ulupanga lwane mu cituwo, pakukoma umulungami pamwi ni ntalanganyi.

Ezekelo 34:10

Nemo ne Yawe nalanda ukuti lyene namufutatila, mwaya anisi yane. Ndamupoka imfwele zyane, mutalatala mukaziceme nupya foo. Nupya ntalaleka kuti mwaisakamala sile mwe eneco. Mwemo ndamufyombotola imfwele zyane, ntalaleka mukazilyepo nupya foo.

Naumi 2:13

Yawe Wamaka yonsi akunena aikazi aku Ninive ati, “Nemo indi wa mwanisi winu. Ndoca maceleta inu. Ivita vinu vilakomwa ku lupanga, vivyo ivikoline na yacisama. Nemo ndamupokolola ivisampwe vinu vyonsi. Inkombe zinu zitalalolola izwi nanti limwi ilinguvwika.”

Yelemiya 17:3

alino na papela ya mwamba usanzuke. Ivyuma vyako vyonsi vino mwatuulika ndaleka visampwe. Vilaya wa malipo apa maifyo inu muno mpanga yonsi.