Yelemiya 20:18 - Amazwi Yakwe Leza 2013

¹⁸ Uzye lyene pacani cino nemo navyalilwe? Uzye apamulandu sile wakuti inje umu ntazi na malanda, kuti imfwile umu kupupana?

Yelemiya 20:18 Referans Kwoze

Yobo 3:20

“Uzye pacani uluswepo lukapeelwa ku antu ali mu ulanda, nu umi ku myenzo ikunyongotoka?

Nyimbo zya ndosya 3:1

Anene namanya vino ukuvunukwa na Leza kwaya.

Yobo 14:1

“Umuntu wensi uwala wavyalwa ku mwanaci, umi wakwe pano nsi utaya utantalile. Lelo umi kwene uo, wavulisya amalanda.

Masamu 69:19

Wemo wamanya vino nasuulwa, na vino nazewana nu kusalulwa. Anisi yane yonsi, wemo ukayalola.

Ayebulai 13:13

Lyene lekini tufumile kunoli kunzi ya nsakwe nu kukumako kukuzewana kwakwe.

Ayebulai 12:2

Lekini twike manso pali Yesu, wino utailo witu wimililapo kufuma kukutandika kufika nu ku mpela. Wene atanenwike pamulandu wa mfwa ya pa lupanda! Wene atelenginye cimwi pa kuzewana kwa mfwa ya pa lupanda, pamulandu wa luzango luno lwali nkolelo. Ndakai atenzi kwi kasa lilunji lya cilimba cakwe Leza.

Ayebulai 11:36

Yamwi yayasowike nu kuyanyambola, yauze nao yanyefilwe mu minyololo nu kuyatwala ku ng'anda yaminyololo.

Ayebulai 10:36

Mulinzile kuteeka myenzo, kuti mucite kulonda kwakwe Leza nu kupokelela cino walaya.

2 Timoti 1:12

Acino pamulandu kwene uu, nemo nkucula. Lelo nsi na nsonyi pano indi nu upaalilo cuze, pano manyile wiyo wino nataila. Nupya nkusininkizya ukuti wene akweti maka akucingilila cico cino wandasika, kufika na pa Wanda wa mpelelekezyo.

Milimo 5:41

Atumwa nao yafuma mwi Tengo, yazanga cuze, pano Leza wayapendile kuya alinge kusulwa pamulandu wi zina lyakwe Yesu.

Yoane 16:20

Cumi nkumunena vino mulalila nu kulosya, lelo amu nsi yalasansamuka. Mulaya nu ulanda lelo ulanda winu ulasenuka uye insansa.

Nyimbo zya ndosya 1:12

Yakunena ali wensi uwapita pano yatenzi yati, “Silolesyini mwe! Uzye kwatala ikuya antu acula wakwe sweswe? Ukwene uli ucuzi uno Yawe watandetela uku cipyu cakwe cikalipisye.

Yelemiya 8:18

Iyee mwe, ala ulanda wane utangasila. Umwenzo wane pasi pakunyongoloka.

Ezaya 51:7

“Uvwini kunondi mwe muno mwamanya ulungami, mwemuno mukawaka Isunde lyane umu myenzo inu. Mutezya mwaoopa umusaalula wa antu, mutasakamala nu ku ntusi zyao.

Ezaya 1:6

Ukutandikila ku mitwe ukufika sile na pa tukando, pasi nanti pamwi apasyala umu miili inu pano tungati apa puma. Imiili inu yaya sile ikuuzuluke, ni vilonda nga ni vilase vitupu. Alino navyo kusi akavifulila, ukuvinyepela nanti ukwikapo umulembo.

Yobo 14:13

Iye mwe! Fwandi cangecizipe umfisa kuko kwene ukwaya afwe, ukufika sile na lino ukali wako watankoka, nga alino wize uwateyanya uwanda wakunjiusya nupya.

Yobo 5:7

Lelo umuntu ndi wavyalwa akazana ucuzi, wakwe vino ivyunyi vikaulolelwa ukupapuka.

Masamu 102:3

Amanda yane yakupita wa cunsi, nu mwili wane ukupya wa moto.

Yelemiya 3:25

Katuletulambalale sile pansi pamulandu ni nsonyi. Ukuzewana kwitu kakule kutucitepo cimwi. Swemo kumwi ni vikolwe vitu twaifya kuli Yawe, ukutandikila sile uku wance witu, ukwizafika nu wanda wilelo. Twakana nu kuvwa ukwi zwi lyakwe Yawe, Leza witu.”

Yelemiya 15:10

Kalanda kunondi! Uzye icani cino mayo wamvyalile? Nemo nkulemanila nu kupazyana nu muntu wensi mu mpanga ii. Nsiazimisya nanti ukwazima impiya. Lelo antu yonsi yakantipwila.

Habakuku 1:3

Uzye pacani cino ukulonda kuti nalukulola amacuzi kwene yaa? Uzye pacani ukuzumilizya kuti ukakasi utwalilile? Apali ponsi nkalukulola uononesi nga ni nkondo. Pali ulwete nu kupazyanya ukukalamba.

1 Yamwene 19:4

Lelo Eliya umwisikulu apita pa ulendo wa wanda onga mu lwanga. Asuka afika umu cimuti ca yunipa, nga aikala pansi mu cisao. Alino apepa kuti afwe, ati, “Owe! Yawe, ala cacilamo sile! Awe cumi ni mfwa yazipa! Uzye nene nacila pa vikolwe vyane?”

Yelemiya 15:18

Uzye lyene pacani cino nkalu kucululuka? Uzye pacani cino vilonda vyane vyalengela ukupola? Uzye ukulonda kuti uye kunondi wa luzi lwa ucenjezi, ulwa manzi akansomba?”