Yelemiya 20:10 - Amazwi Yakwe Leza 2013

¹⁰ Nemo nkuvwa kuno antu aingi yakutotozana, yati, “Ingofyo konsi konsi! Si mulandililini! Lekini tumulandilile!” Nayacuza yane kwene yakulolela kuti nduvyanye cimwi, ala yakuti, “Limwi yangamulyongofya, nga naswe tucite cilanduzi kunoli.”

Yelemiya 20:10 Referans Kwoze

Masamu 41:9

Na yacuza yane kwene, apa mwenzo yano nataila kwene yano twalyanga nayo nu kumwa nayo, yati yansangukila.

Masamu 31:13

Nkuuvwa kuno anisi yane aingi yakutotozana, Yene yakungoofya monsi monsi. Yene yakumpangila, yakumana akapi kuti yankome.

Ezaya 29:21

Leza alalovya yayo yonsi yano yakasombezya auze imilandu, alalovya na yayo yonsi yano yakakana kuti yapezye yampulamasunde, na yano yakapeela umboni waufi, apakufyengelekezya antu akaele umu milandu yao ilungamane.

Yelemiya 18:18

Lyene antu yavwanga yati, “Izini mwe, muleke tuvwane ivyakufulula Yelemiya! Pano lyonsi kwene kumayanga yasimapepo akutusambilizya, na antu yamano akutupandako amano, nga na yakasema akusema ilandwe lyakwe Leza. Izini mwe, muleke tumupele imilandu, tute nu kuuvwa kuli vyonsi vino akulanda.”

Milimo 24:13

Yene yatangasininkizya kunomuli milandu ino yakundongwela.

Ezekelo 22:9

Antu yako yamwi yakatumpwila auze pakuti yayakome. Yamwi nayo yakalya impolelwa izikatuulilwa utuluwi mu ncende zino yakapepelamo mu myamba. Yamwi yakacina iviila vitazifile lyonsi sile.

Yelemiya 6:25

Cisi cakwezya umwi kufumila mu vyalo nanti umu nzila. Pasi pano mwene muli ulupanga lwa mwanisi. Uzanzo watiutulizizya konsi konsi.”

Mapinda 10:18

Umuntu akafisa ulupato lwakwe uwantumpu, lelo uwa lwambo wene iciwelewele.

Luka 20:20

Lino yakwata kasita kasuma, yatuma inengu izyaicisile kwati zya cumi, pakuti ziteye Yesu mu mazwi yano walandanga, kuti zingamupeela mu makasa ya mulasi uwali na maka pa uteko.

Yobo 19:19

Yaya kwene yano yali yacuza yane, ali yano yakumfinda. Yano natemwisizye, ali yano yatiyamfutatila.

1 Yamwene 21:20

Lino Aabu walola Eliya, avwanga ati, “Uzye wanzanikizya we mwanisi wane we?” Eliya aasuka ati, “Ee, natinkuzanikizya, watuyelezya sana ukucita vya winyi pa manso yakwe Yawe.

1 Yamwene 19:2

Fwandi Yezebele muka Aabu nawe pali pakutuma inkombe kuli Eliya kuti zikamunene ziti, “Icumi nalapa yakatai yandepule! Mutondo pa nsita ndi ikwene, indi nu kucita kuli wewe umusango uli umwi kwene nga uno wacitile yakasema.”

Milimo 7:54

Lino inkombe zya mwi Tengo zyuvwa kuli Sitivini, zikalipa cuze zilumanya incecete ku ukali.

Milimo 5:33

Lino amwi Tengo yuvwa cii, yasoka cuze, cakuti yasolola kuti atumwa yakomwe.

Masamu 57:4

Nemo indi pakasi ka vilyanyi ivikateyamila antu. Amino ya viko yaya wa masumo ni nceto.

1 Yamwene 22:27

Uyanene yamusunge mu ng'anda yaminyololo, nga mulinzile mwamupeela cakulya cinono na manzi yanono suka sile ince imbwele umutende.”

1 Yamwene 22:8

Aabu aasuka Yeosafati ati, “Akunoli umuntu umwi wino angatuuzizya kuli Yawe, lelo namupata pano wene atatala ansemela cimwi icisuma. Lyonsi kwene akansemela sile amasyamo. Wene a Mikaya umwana umonsi wakwe Imila.” Yeosyafati nawe aasuka ati, “Umwene atalinzile kuvwanga vivyo.”

Yelemiya 11:19

Nemo natontelile wa kana ka mfwele kano yakutwala ku kufyula. Nemo ntamanyile ukuti anene yakupangila ukuncita cimwi ala yakuti, “Mwe, lekini tukome Yelemiya, tumusinde wa cimuti cino cafikila apa nsita ya kulemba. Katumukome pakuti kutaca kuye nanti umwi uwa kumwiusya nupya.”

Yelemiya 11:21

Aonsi amu Anatoti yano yalondanga kukoma ne Yelemiya ala yakunena yati, “Ndi cakuti watwalilila ukusema mwi zina lyakwe Yawe, lyene tumakukoma.”

Yelemiya 20:3

Akatondo wanda walondelilepo, lino Pasyuli wasapula Yelemiya iminyololo, Yelemiya nawe ali pakumunena ati, “Yawe ataatemela wewe izina lyakuti Pasyuli, awe. Izina lino wakutemela ilyakuti ‘Magoli Misabibu’

Yelemiya 37:13

Lino wafika kweneko ku mpongolo yakwe Benjamini, kalinda uwalindanga impongolo izina lyakwe wali a Iliya, umwana umonsi wakwe Syelemiya, mwizikulu Hananiya, alema kasema Yelemiya nga amunena ati, “Wemo uli ku lusansa lwa ina Babiloni.”

Danieli 6:4

Lyene angalizi yauze pamwi na alasi yezya kulondelezya imilandu mu miombele yakwe Danieli, lelo yaposiwe kuzana umwi, pamulandu wakuti Danieli wali uwakutailwa nupya wene atacitanga cimwi ciipe nanti caucenjezi.

Masamu 31:14

Lelo nemo nataila muli wewe, we Yawe, nupya nkuvwanga inti, “Wewe uli Leza wane.”

Masamu 41:10

Lelo wemo we Yawe, uye na mizu kunondi! Nkatusye uleke ince nkalandule ku anisi yane!

Yelemiya 1:19

Yene yalakulwisya, lelo yalaposiwa ku kucimvya, pano nemo namayanga nawe apa kukupususya.” Ivyalanda ne Yawe.