Yelemiya 2:37 - Amazwi Yakwe Leza 2013

³⁷ Nako kwene ku Eguputo mulaweluluka ale mwatimupanga na makasa pa mitwe. Pasi pano ne Yawe ninsuula nu kutazyela yano mwataila. Fwandi mwemo pasi nanti cimwi cino mulasyukila kunoyali.”

Yelemiya 2:37 Referans Kwoze

2 Samueli 13:19

Tamala fwandi pali pakuipaka itwi ku mutwe pa kuilangizya ulanda uno wali nawo. Alepola ni laya lino wazwite, apanga na makasa pa mutwe nga atandika nu kulila ala akupita.

Yelemiya 17:5

Nupya Yawe Leza avwanga ati, “Watipwa wiyo wensi uwataila mu muntu muze, pano wene wemelela ku mwinakufwa, wino umwenzo wakwe wafutatila Yawe Leza.

Yelemiya 32:5

Nupya alasenda Zedekiya ku Babiloni, ali kuno alasyala mpaka nkize nkamupempule, ivyalanda Yawe. Ndi cakuti mwalwisya aina Babiloni, pasi cino mulatumbula.

Yelemiya 2:36

Uzye pacani cino mwemo mwayela namansenunsenu? Nkumunena mucumi ndi vino aina Eguputo yalamuzewanya ndi vino aina Asilya yamuzewanyizye.

Ezaya 10:4

Kulasyala sile ukukontamika imitwe mwi umba lya azya. Mulafwila umu nkondo. Na lilyo kwene ala Yawe acili asosile, pano ala acili watazunzula ikasa lyakwe apa kumuvunuka.

2 Milandu 13:12

Swemo, a Yawe akatutungulula. Yasimapepo yakwe ali yano twaya nayo pano, yalemile ni ntandala nupya aiteyanye kuti yalizye apakuti tukatuke nu kwiza ukukumulwisya. Ali cino fwandi, mwe ina Izlaeli mutaezya ukulwisya Yawe Leza wa vikolwe vinu! Pano lyene ale mwaicuzya sile nu kucimvya mutangacimvya foo!”

Mpendwa 14:41

Lelo Mose avwanga ati, “Uzye pacani cino mukaniile ukuyela isunde lya mwene? Cico cene cisikuomba, mumaposiwa.

Yelemiya 14:3

Akama yakutuma aomvi yao ku kuyatapila amanzi, nayo akula yaya ku vifula, yazana mu vifula musi amanzi. Lyene nayo ali pakuweluluka kweneko ni nsembo umwaula amanzi. Cintu cii iciyatovola nu kuyavulunganya, cakuti yavimba insalu apa manso.

Yelemiya 14:4

Imisili yatiyumalala nu kulangoka pamulandu wakuti imvula kusi umu mpanga. Alimi nayo uku mwenzo kwatikufita nga yatiyavimba ni nsalu apa manso.

Yelemiya 22:30

Yawe wavwanga wati, “Lembini umuntu wii muti imbulwa ana, umuntu wino atasyuka mu umi wakwe, pano kusi nanti wenga apa ana yakwe, wino alaya nu longo umu umi wakwe, wino alikala pa cilimba ca wene cakwe Davidi, nanti ukuteeka mu mpanga ya Yuda.”

2 Samueli 11:12

Alino Davidi amunena ati, “Fwandi ulinde kuno uwanda nauze onga, nga mutondo indakutuma uswilile.” Acino Uliya walinzile mu Yelusalemu uwanda ulya nu wanda uwalondelilepo.

Ezaya 28:18

Icuvwano cino mwemo muvwana ni mfwa cilasila, nu upangano uno mwapangana ni nsi ya afwe, nao kwene ulasila. Lino icinkunka caca ciza, ciliza cimufikile.

Yelemiya 22:20

Yangini ku Lebanoni mwe ina Yelusalemu mwe, akuno mukapunde, yangini ku mpanga ya Basyani. Yangini mukalaizye ukufuma mu myamba yaku Moabu, pamulandu wakuti yonsi yano mwalemana nayo yatiyacimviwa.

Nyimbo zya ndosya 4:17

Ukulunda pali cico, amanso itu yasusile yatonta. Twatwalilile ukulolela ukwazwiliziwa ukufuma ku luko luno lutange lututuule.