Yelemiya 2:32 - Amazwi Yakwe Leza 2013

³² Uzye kwene umukazyana angilila iviyembelo vyakwe, nanti nawinga angilila umusipi wakwe? Lelo antu yane yatiyanjilila apa manda asi yakupenda.

Yelemiya 2:32 Referans Kwoze

Masamu 106:21

Yilila kuli Leza uwayakulwile, uwacisile ivintu ivikulu mu Eguputo,

Yelemiya 13:25

Yawe walanda ukuti lilyo lili syamo ililamuponela. Vili vino wene wapingula ukumucita, pamulandu wakuti mwemo mwamufutatila nu kutaila mu tuluwi tuleza twaufi.

Yelemiya 3:21

“Icongo acico cuvwika apapela ya twamba. Ee, ukulila kwa ina Izlaeli nu kupapata kwao. Pasi pano yatiyanyonganika inzila yao, nu kwilila kuli Yawe, Leza wao.

Yelemiya 2:11

Uzye kwatala kwaloleka umutundu uno ukakauzya tuleza twakweo utuluwi, nanti angala tusi utwampomvu?

Ezaya 17:10

Mwe ina Izlaeli, mwatimwilila Leza Katuula winu, mutiwisye Iciliwe cinu ni cele linu ilya kuzina mwenemo. Alino lyene camutwala uku kulimila akaluwi kaleza ka inamasi, icalo ca vilemwa vya luzango.

Oseya 8:14

Aina Izlaeli yaikuulila amang'anda akulu asuma. Amu luko lwakwe Yuda yavuzya imisumba ya malinga. Lelo nemo ndaponyezya umoto apa misumba yao iyo, nga umoto uo uloca amang'anda yao yalya akulu.”

Ezaya 61:10

Iye mwe, Yelusalemu wane! Siangala nalukuzangila muli Yawe nu luzango. Umwenzo wane kawalu kuzangila muli Leza. Pano nemo watanzwika icakuzwala cakulanga ukuti nimpusuka. Watanzwika ilaya lyakulanga ukuti natincimvya. Eya, lyene nemo ndi wakwe nawinga wino azwite candaluwa!

Masamu 9:17

Imfwa ali uyo wa antu aipe, yayo yonsi akana Leza.

Yelemiya 18:15

Lelo antu yane yanjilila. Yene yakaocela utuluwi ubani, tuto utwayalenzile kupumeka umu nzila zino yalinzile ukupitamo. Yene yata ukulondela inzila zyampiti. Yakalondela tuzila twakwe tondo, ni miseo izyokoloke.

Yelemiya 13:10

Antu ya aipe, nupya yene yakakana nu kuyela amazwi yane. Yene yatalama nupya yakomela sile ukwifya. Yakapepa utuluwi, tuleza tuze tuze sile nupya atuno yakatumikila. Ali cino fwandi nayo kwene yalakolana ni nsalu kwene zizyo, zino antu yatange yazizwale nupya.

Umbwilo 21:2

Lyene ndola Musumba Wamuzilo, Yelusalemu mupya, ukwika kufuma mwiyulu kuli Leza. Wene wateyanyiziwe kwati a nawinga wino wayemviwa pa kukomanya iya wakwe.

Ezekelo 22:12

Antu yako yamwi yakalipilwa impiya ndi yakoma umuntu. Yamwi yakapokelela amafukakanwa pali vino yakakopesya aina Izlaeli yauze, yakasanguka akama pamulandu nu kucenjezya auze. Lelo kunondi iyanjilila sile. Ivyalanda ne Yawe Simwandalali.

Utandiko 24:22

Lino Labeka wamala kumwesya ngamila, muomvi wakwe Abulaamu atoola cipini cakwe Zaabu camutengo ukome amuzwika pa mpuno, nu tuwangili twakwe zaabu twiili amuzwika ku makasa.

2 Samueli 1:24

“Mwe anaci amu Izlaeli, si mungalosya Saulo! Wene wamuzwikanga insalu izyamutengo nupya iziyenzulukile nu kuyemvya ivizwalo vinu na mapambo ayengese yakwe zaabu.

Utandiko 24:53

Lyene afumya zaabu ni viyembelo vyakwe siluva ni vizwalo apeela Labeka. Apela na mawila amutengo kuli kalume wakwe na kuli nyina.

Utandiko 24:30

Lino walola cipini pa mpuno yakwe Labeka kaci wakwe, nga nu tuwangili twiili ku makasa, na vino uvwile kaci wakwe akunena nyina vino umuntu wilya wamunenyile, apita aya ukwali muomvi wakwe Abulaamu amuzana aimi pipi ni ngamila zyakwe.

Ezaya 57:11

Aweni fwandi wino oopanga nu kuzakaza kunoli, apakuti wize unsangukile vikwene vii, ukane nu kunjiusya icakuti lyene watunjima ni ncende apakunjika, umu mwenzo wako? Uzye namanye umulandu wakuti nkutumile cele, icingalenga ukuti utangoopa?

Yelemiya 2:33

Iye mwe vino wamanya ningo imisango yakulondelela icitemwiko, nu kuyelezya ukupita na maifyo!

Malango 32:15

“Yesyuluni, antu yakwe Yawe yaya akama, lelo yene yamusangukila. Nu kwina iina cuze cakuti yataza sile. Yafutatila Leza Kaumba wao nu kukana katuula wao uwamaka.

Yakapingula 8:34

Yene yatatwalilile kutumikila Yawe Leza wao uwayatuulanga ku anisi yao yonsi ayazingulwike.

Yelemiya 23:27

Uku viloto vyao, yakalandilana nu kwelenganya ukuti yalalenga antu yane ukwilila izina lyane, ndi vino ivikolwe vyao vilile izina lyane umu kulondela Baali.