Yelemiya 2:27 - Amazwi Yakwe Leza 2013

²⁷ Yano yakanena icimuti iyati, ‘Wewe tata,’ iyanena ni ciliwe iyati, ‘Wewe mayo.’ Apamulandu wakuti yamfutatila, yasilonda nu kundolekesya. Alino lyene umu nsita ya ntazi yene yakampunda iyati, ‘Katuka ututuule!’

Yelemiya 2:27 Referans Kwoze

Ezaya 26:16

We Yawe, wapezya antu yako, alino umu ulanda wao ali pakupapata kunuli.

Oseya 7:14

Yene yasipepa kunondi ukufuma mu myenzo, lelo yakaisumba apa misanzi yao nu kulila. Yakalila impoma wa inamasi apamulandu wa kulonda cakulya ni cakumwa, lelo yene yakamfutatila.

Oseya 5:15

“Alino lyene ndaswilila ku cifulo cane, mpaka lino antu yane yalazumila ukuti yali nu mulandu, nu kutandika ukundondandonda. Mu ucuzi wao yalezya ukundonda ni myenzo yao yonsi kuti yanzane.”

Ezekelo 23:35

Caleka ne Yawe Simwandalali nkukunena vii inti, wemo ulaculilamo pa ukakasi nu uzelele wako, pano wanjililako nu kunsuula wansuulako.”

Ezekelo 8:16

Alino lyene ansenda nu kuntwala mukasi ka musolo wa Ng'anda yakwe Leza, nga kuku kwene apa wingililo wa Ng'anda ikulu yakwe Leza, pakasi ka lukungu na kavuwa, pali manye antu amakumi yaili na yasano. Yene yafutatile Ng'anda ikulu yakwe Leza ala ni vinso vyao vilozizye ku ufumondaka, nga ala yakupepa ilanzi lwaku ufumondaka.

Yelemiya 32:33

Nanti angala yayasambilizyanga umute ukwaula nu ukasu, yatali akuuvwa nu kupokelela isunde lyane. Yamfutatila, yakana nu kundolekesya.

Yelemiya 22:23

Wemuno wakwata icifulo cako uku Lebanoni, ni cinsanzo cako umu miti mikelide, iyee mwe lyene vino ulateta lino amacuzi yalakuponela, kwati ucuzi wa mwanaci wino ali pipi nu kulela.

Yelemiya 18:17

Ndasalanganya antu yane inkolelo ya anisi yao, wa lukungu ulwatiluululwa nu muza waku ufumondaka. Ndayafutatila nupya ntalayazwilizya, lilyo lino uzanzo ulayaponela.”

Yelemiya 10:8

Yonsi pano yapela atumpe nupya imbulisi. Uzye yangasambilila cani ku tuluwi twa mbao?

Yelemiya 2:24

Icili conga sile na punda wa kaci wino akutandala mu lwanga, umu kuzumba impuno ukuli uwa kalume. Lino watapamviwa kusi wino angamutonsya, amulesye. Uwa kalume wensi wino akumulonda wene atange acule foo.

Yelemiya 3:9

Wene amaangupazya uzelele wakwe, wasuka wakowezya ni mpanga. Wacitanga uzelele ku mawe nu ku miti.

Yelemiya 30:7

Iye mwe vino uwanda uu wakulisya! Kusi uwanda nauze uno wakolana na uu. Insita imwi iya ulanda kuli Yakobo, lelo wene alakululwa.

Yelemiya 37:3

Umwene Zedekiya watuma Yeukali umwana umonsi wakwe Syelemiya na simapepo Zefaniya umwana umonsi wakwe Maaseya kuli Yelemiya ku kumulenga ukuti ayapapatileko kuli Yawe, Leza witu.

Danieli 9:7

Mwene, wewe kacita wa vyaololoke, lelo swemo swe ikazi amu Yudeya nu mu Yelusalemu tukaipupanya lyonsi sweisikulu swemuno wasalanginye mu mpanga zya mupipi ni zya kutali pamulandu wakuti tusi acumi kunuli.

Oseya 4:12

Antu yane yakalonda amano ku kaluwi akawaze ku cimuti, nga umuti iuyanena vino yakasi ukumanya. Mupasi wa ulenzyo ukayaponzya, caleka apakusya Leza wao, lyene yasi acumi kunoli.

2 Milandu 29:6

Ivikolwe vitu vitali vyacumi. Vyene vyacisile iviipe pa manso yakwe Yawe Leza witu nu kumutazyela. Vyene vyasile Yawe, nu kumufutatila.

Yelemiya 42:2

Yamunena yati, “Twapapata, uvwa vino tukulenga. Utupapatileko kuli Yawe Leza wako. Swe antu twali nyanya, lyene tusile sile incepelwa, ndivino nawe kwene ungailolela we mweneco.