Yelemiya 2:23 - Amazwi Yakwe Leza 2013

²³ Ungavwanga uli ukuti utaikowezya nupya utalondelanga Baali? Tala lola vino waifizye umu cifoloma ca Beni Hinoni, elenganya pali vino wacisile. Wemo icili conga ni ngamila yakaci ino ikusimula kuu na kuuku.

Yelemiya 2:23 Referans Kwoze

Yelemiya 7:31

Nupya yatiyakuula incende umwa kumpepela mwenemo mu Cifoloma ca Beni Hinomu, umwakuti yaocelamo ana yao aonsi na anaci. Icintu cino ntatazile njanena, cino citatazile ciza nu mu mano yane.

Mapinda 30:12

Insiki ino ikati, ‘Swemo twazipa, lelo fwandi yataizifya aisikulu.

Loma 3:19

Lelo swemo twamanya ukuti vyonsi ivyaya mu Masunde vyakuma antu kwene yao apilwe Masunde, pakuti kutaya umuntu nanti wenga uwakuipela insambu, nga na pakuti amu nsi yamanye vino Leza alayapingula.

Luka 10:29

Lelo kasambilizya wa Masunde walondanga ukuizifilizya ukuti umololoke. Lyene auzya Yesu ati, “Uzye unji aweni?”

Yelemiya 31:22

Uzye ulazingota mpaka lilaci, we mwanaci mutalami? Pano Yawe watacita icintu cipya panonsi. Aeci cakuti umwanaci wataswilila kuli iya.

Yelemiya 9:14

Nemo yantalamila nupya yakupepa na tuleza utuluwi twakwe Baali, ndi muno ivikolwe vyao vyayasambilizye ukucita.

Yelemiya 3:2

Tala tumpula amanso apa twamba utusanzuke, ucelecensye wenga. Uzye pali incende imwi pali zizyo zino walola pano utatala wacitilapo uzelele? Mwayateyamilanga umu mbali ya nzila, ungati avino aina Alabya yakateyamila antu mu lwanga. Mu cumi watukowezya impanga ku uzelele nu ukakasi wako.

Mapinda 30:20

Uo uli mwata wa mwanaci cizelele. Akula ndi wamala ukulya akumbula na pa tulomo, kwati atacisile nanti cimwi icamuselu.

Mapinda 28:13

Wiyo akafisa amaifyo yakwe atalaya nu longo foo. Lelo wiyo akailongwela amaifyo nu kuzenzuka, akaelelwa uluse.

Masamu 50:21

Ee, avino mukacita. Uzye mukulonda ukuti nani nsule sile? Uzye mukuti nani naya wakwe mwemwe? Ee, mwalola! Ilelo namunenelapo, namutotwela tonsi pyu.

Masamu 36:2

Wene akailola kwati wataluta yonsi, nu kwelenganya ukuti Leza atange amanye uyi wakwe, nu kupeela umulandu atange apelwe foo.

Esita 8:16

Fwandi kwali ukuzanga nu kupemwila, ukusansamuka nu kucindikwa apamulandu nu kucimvya.

Yelemiya 2:36

Uzye pacani cino mwemo mwayela namansenunsenu? Nkumunena mucumi ndi vino aina Eguputo yalamuzewanya ndi vino aina Asilya yamuzewanyizye.

Yelemiya 14:10

Yawe nawe aasuka ati, “Antu yane yatemwisya ku lulumba, yene yasikaanya yakampingu yao. Ali cino ne Yawe nakana ukuyazengela. Nkaiusya ivinzulunzulu vyao, nga ndayavunuka apa kwifya kwao.”

Yelemiya 16:10

“Lino ulanena umutundu uu amazwi yaa yonsi, nayo yalakuuzya yati, ‘Uzye pacani cino Yawe watusowelela ulanda utaikulila vii? Uzye umulandu cii uno twacita. Uzye uyi cii uno twacita kuli Yawe Leza witu?’

Oseya 1:2

Lino Yawe watandike ukuvwangila muli Oseya, wene wamunenyile ati, “Pita uye ukasake umwanaci cizelele nga akuvyalile ana yano yatalaya acumi. Pano antu amu mpanga ii yamfutatila nupya yasi acumi.”