Yelemiya 2:10 - Amazwi Yakwe Leza 2013

¹⁰ Pitangini ku cilila ca Kitimu mukailolele mwenga, tumini intumi ku Kedali lwaku ufumondaka yakalolekesye. Uzye kwene kwatala kwaloleka icintu camwata ndi uu?

Yelemiya 2:10 Referans Kwoze

Masamu 120:5

Kalanda kunondi, pano nkaikala apakasi ka ikazi aku Mesyeki nanti aikazi aku Kedali.

1 Kolinto 5:1

Ndakai, cikuvwika vino munomuli, muli ulenzyo uwipisye cuze kuluta uno antu atataila yakacita. Nuvwa ukuti umuntu akamanyana nu muci wakwe isi!

Danieli 11:30

Ivita vyaku Loma viliza mu vyombo nu kumulwisya, nga intete zilamulema. “Lyene alasenuka nu kuswilila ku kuzanza upefi wa antu yakwe Leza. Wene alalondela umpandamano wakwe yayo akana upefi ulya.

Ezekelo 27:6

Yakupangile inkafi uku mbao zya muoko ukufuma ku Basyani. Yakupangile umuputule wa wato uku mbao zyafumile ku nkumba yaku Saipulasi, nga yaiyemvya na mino ya nzovu.

Ezaya 21:16

Yawe wavwanga kunondi wati, “Kwasyala umwaka onga sile, ale ukama wa mitundu ya antu amu Kedali wasililikila.

1 Milandu 23:12

Ana aonsi yakwe Koati yali a Amulamu, Izali, Hebuloni na Uzieli. Yonsi pamwi yali yani.

1 Milandu 23:1

Lino Davidi wakota, waya umukombe wa myaka ivule, alasika Solomoni umwana wakwe umonsi pa cilimba ca wene.

1 Milandu 1:7

Ana aonsi yakwe Yavani a Elisyaa, Tasyisyi, aina Kitimu na ina Dodanimu.

Yakapingula 19:30

Wensi uwaweni icintu cii avwanga ati, “Icamusango uu citatala cacitika nanti ukuloleka ukufuma sile lino aina Izlaeli yafumile mu mpanga ya Eguputo. Ale lyene twelenganye ningo nga tuvwane vino tumacita pali cii.”

Mpendwa 24:24

Amato yalafuma ku nkumba zyakwe Kitimu. Yene yalacimvya Asyuli na Ebeli, Lelo nayo kwene yalononeka.”

Utandiko 25:13

Yaa ali mazina ya ana yakwe Isumeli aonsi mu kulondenkana kwao: Nebayoti wali iyeli lyakwe Isumeli, nga a Kedali, Adibeeli, Mibisamu,

1 Yamwene 9:9

Antu nayo yalaasuka yati, ‘Umulandu wakuti aina Izlaeli yasuzile Yawe Leza wao uwafumizye ivikolwe vyao mu mpanga ya Eguputo. Yalanga yasumba amano kuli tuleza twao utuluwi, atuno yapepanga nu kutucindikisya. Icati cilenga kuti nawe Yawe ayaletele isyamo lii.’ ”

Ezaya 23:12

Ale fwandi we musumba wakwe Sidoni, wemo caticisila, kusi kusansamuka nupya foo. Antu yako yatiyazanzwa. Nanti sile yangala yakupuukila uku Saipulasi, nako kwene yatalaya yakikale ku matwi cele, foo.

Yelemiya 49:28

Apamulandu wakwe Kedali na pali yakateeka ya musumba wa Hazoli, uno yapokolwile kuli Nebukadineza umwene waku Babiloni, Yawe wavwanga wati, “Katukini, mukalwisye Kedali, mulovye na antu aku ufumondaka.

Ezekelo 5:7

Caleka ne Yawe Simwandalali nkuti, pamulandu wakuntalondela amasunde ni vipope vyane, wemo we Yelusalemu watuiletelela ukuluta imitundu ya antu yano yakuzinguluka. Nupya wemo ukalondela imisango ya antu ya mitundu yuze.

Danieli 11:18

Pacisila cakwe vii, wene alazanza amawene amu nkumba yakwe yemba nu kucimvya avule muli yayo. Lelo intunguluzi imwi iya inamasi ilamucimvya nu kumala icilumba cakwe. Umucumi wene alamuswilizizya icilumba cakwe.

Ezaya 23:1

Amazwi asowilwe pamulandu na Tuli. Pongomokini mpooma mwe yano mukapitila umu vyombo vyaku Tasyisyi! Pano umusumba winu uwa Tuli wati wononeka, usile sile ukwaula ing'anda nanti cilalo! Lino amato inu yamawelulukanga ukufuma uku Saipulasi, mumauvwanga umulandu uo.

Ezekelo 16:16

Watolanga ivyakuzwala vyako ivicindame, nu kuipangila utuvuwa umwa kupepelamo tuleza utuluwi, ali muno walongozyanga.

Ezekelo 27:21

Aina Alabya ni ntunguluzi zyaku Kedali zyonsi, nayo kwene yaculuzyanyanga nawe, yakulipilanga utwana twa mfwele, yasuuku nga na yasawe.