Biblia Todo Logo
Bib sou entènèt

- Piblisite -




Yelemiya 18:23 - Amazwi Yakwe Leza 2013

23 Alino nawe kwene Yawe watumanya vii vyonsi vino yakupanga ukuti yangankoma. Utezya uyayelele uluse. Apa uyi wao onsi. Utezya ufute iviipe vyao. Yafwante pansi uyacimvye. Yacitepo cimwi apa nsita ino ucisosile.”

Gade chapit la Kopi




Yelemiya 18:23
28 Referans Kwoze  

Leka yayo akalonda ukunkoma yazewane, ni nsonyi ziyaleme? Na yayo akampingila nayo amano yayapele, yaswilile cundansizi!


Antu yasilesile alio yalayaponya pansi. Nawe we Yawe, utakezye ukuyatuula!


Lelo wakoma umwenzo, nupya usyalonda kuzenzuka. Caleka ukaitulikila sile ukali wakwe Leza uno alalanga pa Wanda wa upinguzi wakwe wa cumi.


Pano yao yalaya manda ya cilanduzi, pakuti vyonsi ivyalembwa mu malembelo vifikiliziwe.


Lyene antu yavwanga yati, “Izini mwe, muleke tuvwane ivyakufulula Yelemiya! Pano lyonsi kwene kumayanga yasimapepo akutusambilizya, na antu yamano akutupandako amano, nga na yakasema akusema ilandwe lyakwe Leza. Izini mwe, muleke tumupele imilandu, tute nu kuuvwa kuli vyonsi vino akulanda.”


Lyene inti, “We Yawe, cico cene wacimanya. Uwanjiusya nu kungazwilizya. Uwandandwila kuli yayo akanzunya. Wemo usisoka zuwa, acino utaleka yankome. Waiusya ukuti nemo nkutukwa pamulandu wako.


Insita ndi yaca yafika ino nemo nteyanyizizye ukufulula aina Anatoti, awe cumi kutalasyala nanti wenga.”


Insonyi zilinzile kuyalema apa vicitwa vyao iviipe, ivya lupato. Lelo camupamba yene yasyauvwa insonyi, awe. Icaleka fwandi yalapona pamwi na ali nu kupona. Lelo ndiza njavunuke, yalasumbwa pansi.’ ” Ivyalanda ne Yawe.


Uzye mulacita cani uwanda uno ndiza umu kumukalipila, lino uzanzo ulafuma ukutali nu kwiza muponela?


Katuka sile we Yawe Leza Wamaka yonsi, wize untuuleko. Si ilolele wenga na manso yako we Leza wa ina Izlaeli! Si zyuka pakuti ufulule ya mwizilila yaa. Utezya uyayele uluse nanti panono yacisanguka ya antu.


We Yawe, insita yatifika yakuti ucitepo cimwi, pamulandu wakuti antu yasikuyela amasunde yako.


Uzye yene yatange yuvwe insonyi pa vicitwa vyao vyawinyi? Awe, yene yatuvwile insonyi nanti panono. Nupya yatamanyile ni vyakuloleka nsonyi nsonyi. Acino yalapona pamwi na aali nu kupona. Lino ndiza ku kuyavunuka, ilaya ili mpela yao. Ivyalanda ne Yawe.”


Caleka Yawe wavwanga wati, “Indika inkolelo ya antu yaa icakuipuma kweneko. Nayo yalaipuma kweneko suka yace yalowelele pyu. Yaisi alino na ana yao aonsi, nga na inipamba kumwi na yacuza yao kwene.”


Ali cino Yawe Simwandalali akuti, “Ukali wane ni cipyu cane vilaponela apa ncende ii. Vilaponela umuntu ni nyama kwene, imiti ya mpanga ni viseekwa kwene. Ukali wane ulaya wa moto uno kusi nanti wenga angauzimya.”


Mulafumbatula iminwe ku vyaupyanyi vino namupiile. Ndamucita azya ku anisi inu umu mpanga ino mutamanyile, pamulandu wa cipyu cane cino cikoline wa moto umuntazima.”


Walanga lino namala kulanda vyonsi vino Yawe wanenyile kunena antu, yasimapepo, yakasema na antu yonsi yandemile nu kunena yati, “Kuufwe!


Nga alino yasimapepo na yakasema yanena intunguluzi zya antu yati, “Umuntu wii alingine sile ukufwa, pano watasema ilovyo ku musumba ndi vino mwatimuyuvwila ku matwi inu.”


Nayo amakombe pasi pakusokela Yelemiya, yamuma nu kumufungilila mu ng'anda yakwe Yonatani, ino yasangwilwe wa ng'anda yaminyololo.


Lyene amakombe yaya yanena umwene yati, “Umuntu wii, alinzile ukufwa. Pano kwene kuvwanga kwakwe kwatikunenula ivita ivisiile mu musumba uu, pamwi na antu yonsi. Umuntu wii itonsya! Kulanda kwakwe kusi kwakuzipila umutundu uu, suka sile ivyakuusyamika.”


Wemo wamanya vino nkacula, ukaiusya na minsozi yane. Uzye kwene vitatantikwa umu lupapulo lwako?


Yano yakancuzya kayazewane, lelo utaleka kuti nemo nzewane. Si leka ingofyo ziyaponele, lelo nemo utangofya. Uyaletele uononesi nu kuyavungola.


We Yawe, wailolela vino yancitila, na vyonsi vino yampangila.


“We Yawe, watuyuvwila wenga intusi zino yakuntuka nga na mapange yao kwene.


Swiv nou:

Piblisite


Piblisite