Yelemiya 18:22 - Amazwi Yakwe Leza 2013

²² Tumini iumba likasampe vyamu mang'anda yao mu kupumikizya. Uleke lyene mwauvwika impooma. Pano nemo yatiyanjimbila polowe umwakuti nize mponele mwenemo. Yatiyanteya ni vyakuti yize yandemeleko.

Yelemiya 18:22 Referans Kwoze

Yelemiya 6:26

Yawe wavwanga ku antu yakwe ati, “Mwe antu yane zwalini vizwalo vya ndosya munyepe ni mipango mu mitwe. Losyini, pomolini impooma wakwe vino yakaloosya umwana umonsi uwavyalwa sile wenga mpo. Pano umononyi amaiza amwiukizye.

Masamu 140:5

Acilumba yanteya ulukose umu umfisolo, yanteya inkose zyakuti nkalemyeko, yika ivisiki umu nzila ivyakuti nkapumikeko.

Zefaniya 1:16

Uwanda kwene ulya ulaya uwakulizyamo intandala, nupya uwa kawele ka nkondo, kako akalacitwa ni vita ivilalwisya imisumba ya malinga ni mpungu izitali.

Mateo 22:15

Lyene Afaliseo yapita, yapangana vya kumuteya mu mauzyo.

Yelemiya 20:10

Nemo nkuvwa kuno antu aingi yakutotozana, yati, “Ingofyo konsi konsi! Si mulandililini! Lekini tumulandilile!” Nayacuza yane kwene yakulolela kuti nduvyanye cimwi, ala yakuti, “Limwi yangamulyongofya, nga naswe tucite cilanduzi kunoli.”

Yelemiya 18:20

Uzye icumi, uyi ali cilambu ca pa usuma, apakuti yene avino yampangila? Iusya vino nemo nizile kunuli, ku kuyapapatilako, apakuti wemo utayafookela ukali ukali.

Yelemiya 4:31

Nuvwile inkuuta kwati izya mwanaci wino ali pipi nu kulela ukuilizyanya kwati a wiyo akwelepa umwana wiyeli. Kwali kuli kulila kwakwe Yelusalemu, wino akwasela sile wataanza na makasa ala akuti, Owe mwe! Nazanzwa! Yene yakwiza ku kunkoma!

Ezaya 10:30

Pundisini, mwe antu amu Galimu! Kutikini mwe antu aku Laisya! Namwe mwe ina Anatoti, asukini!

Masamu 38:12

Yao akalonda uku nkoma nayo yati yanteya inkose, na yao akalonda uku ncisa, yakungofya. Anene sile yikalile umusanya onsi ala yakumpangila.

Masamu 119:85

Avilumba yao asiyela amasunde yako, yati yanjimbila amacinga.

Yelemiya 5:26

Umu antu yane mwaya antu aipe yano yakateyamila wakwe yakateya ya vyunyi. Yene yakateya inkose, lelo antu ayano yakalemya.

Yelemiya 20:16

Umuntu kwene wiyo kaye wa misumba kwene ilya ino Yawe wononyile ukwaula uluse. Sangala auvwa impooma zya ulanda umu katondo, ni mpooma zya nkondo lino ilanzi lyafika umutwe pakasi.

Masamu 140:6

Nanema Yawe nati, “Wewe uli Leza wane.” Uvwa izwi lyane kuno nkukupapata.

Masamu 142:4

Lolekesya ukwi kasa lilunji lyane, lola kusi nanti umwi amanyile. Insi nu wakuti ningutukila kweneko, kusi uwasakamala umi wane.