Yelemiya 18:20 - Amazwi Yakwe Leza 2013

²⁰ Uzye icumi, uyi ali cilambu ca pa usuma, apakuti yene avino yampangila? Iusya vino nemo nizile kunuli, ku kuyapapatilako, apakuti wemo utayafookela ukali ukali.

Yelemiya 18:20 Referans Kwoze

Masamu 57:6

Anisi yane yatiyateya isumbo ilyakuti indemye, lelo nemo natimfumfuma mwenemo. Yatiyanjimbila ucinga umu nzila, lelo aliwo kwene yatiyawela iyaponela mwenemo.

Masamu 35:7

Nemo yakansonka sile lino yakunteya isumbo, na pakunjimbila polowe.

Masamu 106:23

Ali cino Leza walanzile ukuti wange ayonone, iciya cakuti Mose umusololwe wakwe atimilila inkolelo yakwe, nu kuyapapatila apakuti angawezya umwenzo, atayonona.

Masamu 35:12

Yene yakundipila uyi apa usuma uno nacita, nga umwenzo wane iunyomelwa na malanda.

Yelemiya 18:22

Tumini iumba likasampe vyamu mang'anda yao mu kupumikizya. Uleke lyene mwauvwika impooma. Pano nemo yatiyanjimbila polowe umwakuti nize mponele mwenemo. Yatiyanteya ni vyakuti yize yandemeleko.

Kasambilizya 10:8

Wino wensi akaimba iciwina, alaponelamo. Wino wensi akaomolola iciumba, inzoka ilamuluma.

Mapinda 26:27

Kimba wakwe polowe alaponelamo umwisikulu, na kakunkulusya wa mawe yalamuwelelela aliwe kwene.

Masamu 119:95

Antu aipe yakulolela kuti yankome, lelo ndakutumalilapo umu masunde yako.

Yoane 15:25

Lelo cii cayako kuti icalembwa mu masunde yao cifikiliziwe, cino cikati, ‘Yampata pasi nanti mulandu.’

Yoane 10:32

Yesu ayanena ati, “Nati ncita vicitwa vingi visuma vino Tata wampile kuti ncite. Uzye apa vicitwa vii pano mukulonda kuntama na mawe?”

Yelemiya 14:20

Ala swemo lyene twailongwela amaifyo itu, twazumila nu ufi wa vikolwe vitu kwene. Umu cumi swemo twakwifya.

Yelemiya 11:14

Alino cino fwandi wemo we Yelemiya utezya ukupapatilako antu yayo. Utanguzya nanti cimwi cakuti njacitile. Lelo yamaculanga nemo ntakusumbanga kweneko amano nanti yangalaizya uli tutulwe.”

Yelemiya 7:16

Yawe avwanga kunondi ati, “We Yelemiya utezya ukupepela antu yaa nanti ukwezya ukuyalengela cimwi. Utezya kuyapapatila, pano ntaluvwa kunuli.

Mapinda 17:13

Akawezezya uyi apa visuma, atalatala atalusye isyamo apang'anda yakwe.

Masamu 38:20

Pa visuma vyane yene yakancitilapo ui. Yakundwisya nemuno nezyanga ukucita ivisuma.

Masamu 7:15

Akayimbila sile umweneco iviwina vitali, umwakuti aponela wenga kwene.

Yobo 6:27

Mwemo mungapendola apa mwana musyale, nu kukazya umuzo.

1 Samueli 19:4

Yonatani pali pakuvwangila umuze Davidi amazwi asuma kuli isi, ati, “Musambazi, ala utafyenga umuomvi wako Davidi. Wene atakuluvyanya nanti cimwi, ni milimo ino akakuombela yonsi kwene isuma wakwe cimwi.

Yelemiya 5:26

Umu antu yane mwaya antu aipe yano yakateyamila wakwe yakateya ya vyunyi. Yene yakateya inkose, lelo antu ayano yakalemya.

Yelemiya 15:1

Lyene Yawe avwanga kunondi ati, “Nanti angala Mose na Samueli yangimilila apa manso yane nu kupapata, nemo ntange nezye ukuuvwila antu yaa uluse. Wemo uyazingile sile ukutali uleke yapita.

Yelemiya 18:19

Acino Yelemiya nawe ali pakupapatila kuli Yawe ati, “We Yawe uvwa vino nemo nkukupapata. Uvwa vino anisi yane yakumpangila.

Yelemiya 27:18

Iyaya ayakasema yampomvu ni zwi lyakwe Yawe likala kunoyali, ngano yakapapatila kuli Yawe Wamaka yonsi apakuti iviya vino vyasyala mu ng'anda yakwe Yawe, nu mu ng'anda ya mwene wa ina Yuda nu mu Yelusalemu, vitaca visendwe ku Babiloni.

Nyimbo zya ndosya 3:59

We Yawe, wamanya vino nemo yamfyenga. Fwandi wewe umputwile umulandu.

Yelemiya 17:18

Yano yakancuzya kayazewane, lelo utaleka kuti nemo nzewane. Si leka ingofyo ziyaponele, lelo nemo utangofya. Uyaletele uononesi nu kuyavungola.