Yelemiya 18:17 - Amazwi Yakwe Leza 2013

¹⁷ Ndasalanganya antu yane inkolelo ya anisi yao, wa lukungu ulwatiluululwa nu muza waku ufumondaka. Ndayafutatila nupya ntalayazwilizya, lilyo lino uzanzo ulayaponela.”

Yelemiya 18:17 Referans Kwoze

Yelemiya 13:24

Ala mwemo yayame Yawe alamwelulula wakwe cungu. Mulasendwa nu muza uno ukafuma mu lwanga.

Yelemiya 2:27

Yano yakanena icimuti iyati, ‘Wewe tata,’ iyanena ni ciliwe iyati, ‘Wewe mayo.’ Apamulandu wakuti yamfutatila, yasilonda nu kundolekesya. Alino lyene umu nsita ya ntazi yene yakampunda iyati, ‘Katuka ututuule!’

Oseya 13:15

Nanti angala aina Izlaeli yakukula ningo wa vikona, ndatuma umuza ukaye waku kayeya, uno ulafuma mu lwanga nu kwiza kamya utufukoka kumwi ni vifula vya manzi. Anisi yalonona icuma cakwe ca mutengo ukome.

Masamu 48:7

ungati avino umuza ukafuma uku ufumondaka, ukaonona ivyombo vyaku Tasyisyi.

Yobo 27:21

Umuza uno ukatunkila uku ufumondaka ulayakumpula, nukuyafuntusya uku wikalo wao.

Yelemiya 46:21

Asilika ivipondo yano yali nayo, yakoline wa ana ya ng'ombe aine. Yonsi pamwi yaseleuka nu ku lupuuka. Yaposiwa kuzyansya pano uwanda wa kuzanzwa wati uyazana, insita yao yakuvunukwa.

Yelemiya 32:33

Nanti angala yayasambilizyanga umute ukwaula nu ukasu, yatali akuuvwa nu kupokelela isunde lyane. Yamfutatila, yakana nu kundolekesya.

Malango 32:35

Yawe alalandula pa vicitwa vyao nu kuyavunuka. Insita ilafika lino yalasyelemuka yapone. Uwanda wa kuzanzwa kwao wapalama.

Malango 31:17

Lino cico icamwata uwo cilacitika indayasokela cuze. Indayatazyela cakuti lyene nu kuzanzwa yalazanzwa. Lino amazanzo avule yalayacitikila ali lino yalamanya ukuti ivintu vii vikuyacitikila pamulandu wakuti nene, ne Leza wao, insi nayo nupya.

Malango 28:64

“Yawe alamusalanganyizizya mu mitundu yuze, ukufuma ku mpela yonga ya nsi ukufika nu ku yuze. Ali kuno mulaya mukaatumikila tuleza utwakuwaza nu twapangwa ku mawe, tuto tuno mwemwe nanti ivikolwe vinu mutatala mwapepa.

Malango 28:25

“Yawe alapeela amaka ku anisi inu akuti yamucimvye. Mulaezya kuyazanza ukutunkila pa ntunga yonga, lelo muluutuka ukufuma kunoyali mulungame ku ntunga zyonsi, cakuti antu yonsi pano nsi yalazakaza ku ntete lino yalalola icacitika kunomuli.

Mapinda 24:16

Umuntu musuma nanti angapumikiziwa ni vintu iviipe amaila nyanya, wene alasyala aimi sika. Aipe yene isyamo lilayaponela uyi uyi.

Ezekelo 7:22

Ndayafutatila pakuti antu yakize yakakowezye icuma cane. Ainamasi yalingilamo nu kucikowezya.

Ezekelo 27:26

Yakafiya yako yakufiyanga mukasi kakwe yemba, lelo umuza waku ufumondaka wakufwantola mukasi kako.