Yelemiya 18:15 - Amazwi Yakwe Leza 2013

¹⁵ Lelo antu yane yanjilila. Yene yakaocela utuluwi ubani, tuto utwayalenzile kupumeka umu nzila zino yalinzile ukupitamo. Yene yata ukulondela inzila zyampiti. Yakalondela tuzila twakwe tondo, ni miseo izyokoloke.

Yelemiya 18:15 Referans Kwoze

Yelemiya 6:16

Yawe wavwanga ku antu yakwe ati, “Imililini pa masansa ya museo, mucelecensye! Muzye inzila zyampiti nupya muzye ukuli inzila zisuma alino lyene mupite mwenemo. Lyene mulikala mu mutende.” Lelo mwemo mwakanyile imuti nu kuti, “Tutange tupite mwenemo, awe!”

Oseya 11:2

Lelo lino natwalilile ukumwama, nawe alunduluka ukufuntuka kunondi. Apeela ni mpolelwa kuli Baali nga nu kocela ubani amaunkolanya yayo.

Yelemiya 2:32

Uzye kwene umukazyana angilila iviyembelo vyakwe, nanti nawinga angilila umusipi wakwe? Lelo antu yane yatiyanjilila apa manda asi yakupenda.

Ezaya 57:14

Yawe walanda wati, “Lekini antu yane yaweluluke kunondi. Panzini umuseo ukalamba. Mu uzifye, mufumyemo na vyonsi vino vingayacilikila inzila.”

Malaki 2:8

Lelo mwemo mwafutatila inzila yane. Usambilizyo winu waponzya antu avule. Mwavuna upangano wane uno nacita namwe.

Yelemiya 2:13

Antu yane yatala imilandu iili: yene yamfutatila, nemuno naya akafukoka ka manzi ya umi, yafukwila ni vifula vya manzi ivituloke ivisisunga amanzi.”

Yelemiya 17:13

Mwene, wewe uli upalilo wa ina Izlaeli. Yonsi yano yakutazyela yalazewana, na yano yakusangukila yalatenulwa muno nsi, pamulandu wakuti yatayela Yawe intulo ya manzi ya umi.

Yelemiya 10:15

Twene utwaciwelewele sile nupya twasuulwa. Lino antu yayo yalapingulwa, ali lino twene tulononwa.

Ezaya 41:29

Endi, tuleza tuluwi tonsi utuwelewele. Twene tutangetucitepo icintu nanti cimwi. Ivinkolanya vyonsi vii, ivikacita antu ivya uwelewele. Vyene ivinyukuntike, na maka yakucita cimwi, yavilye.

Mateo 15:6

Mu nzila ii mukalenga antu kusula masunde yakwe Leza pamulandu wa ntambi zinu.

Oseya 2:13

Ndamuvunuka pamulandu wakuti wene ocile ubani kuli Tubaali mu manda kwene yalya auzevyo. Wene waiyemvizye ni mbalaminwe nga ni viyembelo vya mutengo ukulu cuze, nga alondelela akambwe yakwe. Lelo nemo atanjiwisye, awe. Avino Yawe wavwanga.

Yelemiya 16:19

We Yawe, we maka yane, we linga lyane, cakuzinamo cane mu wanda wa ulanda. Imitundu iliza kunuli, ukufuma ku mipaka ya mpanga ilalanda nu kuti, “Yatata yapyanyile ivyaufi utupu tupu, ivyaciwelewele, vyaula amaka.

Yelemiya 13:25

Yawe walanda ukuti lilyo lili syamo ililamuponela. Vili vino wene wapingula ukumucita, pamulandu wakuti mwemo mwamufutatila nu kutaila mu tuluwi tuleza twaufi.

Yelemiya 3:21

“Icongo acico cuvwika apapela ya twamba. Ee, ukulila kwa ina Izlaeli nu kupapata kwao. Pasi pano yatiyanyonganika inzila yao, nu kwilila kuli Yawe, Leza wao.

Loma 14:21

Cintu cisuma kucita ukuntalya inyama nu kuntamwa waini, nga nu kuntacita cili consi cingalenga munyonko ukwifya.

Yelemiya 44:25

Yawe Wamaka yonsi, Leza wa ina Izlaeli akuti, ‘Mwe yamangu mwe, vino mwalaya apatunwa twinu mufwile mwavicita ni minwe yinu. Mukavwanga ndi vino mulafikilizya ivilayo vino mwalaya, ivyakocela Namwene wa Mwiyulu ubani, nu kumwitulwila uwila wa vyakumwa!’ Aleni fwandi mwalukuwaka ivilayo vinu nu kumwitulwila uwila wa vyakumwa!

Yelemiya 19:5

Nupya yatiyakuulila Baali utuvuwa utwakocela penepo ana yao wa mpolelwa. Alino nemo ku mano yane citatala caya nakweneko icakuti yangocele ana yao wa mpolelwa.

Ezaya 62:10

Pitini, pitini mu mpongolo! Umilini antu inzila! Lundumalikini umuseo, fumini mwenemo amawe! Tumpwilini imitundu imendela!

Ezaya 9:16

Intunguluzi zya mwata ndi uo zyaponga, zyafuma umu nzila. Na yano yakatungulula nayo kwene yakuponziwa kumwi.

Ezaya 3:12

Ana yanono yalamwilikizya, na anaci nayo yakamuteeka. Mwe antu yane yakateeka inu yamuponzya, yonona ni nzila zinu.

Yelemiya 2:19

Uyi winu ulamuletelela na ucisanguka winu ulamuzewanya. Alino lyene mulasambilila, muluvwa nu usungu icakuti nu kumucuzya cilamucuzya apakulola vino ukusuula Yawe Leza winu, nu kukana moopa kwaya. Ivyalanda ne Yawe Leza Wamaka yonsi.

Ezaya 65:7

pa uyi wao na pa uyi wa vikolwe vyao kwene. Yene yakafutumwila ubani pa tuvuwa, tuno ainamasi yakapepelapo utuluwi twao mu myamba, nu kunsaalula ali cino yakansaalwila. Fwandi cati ciyana ukuti nemo njapase.”

Yelemiya 7:9

Mwemo mwatemwa ukwiya, ukukoma antu, ukucita uzelele, ukulapa imilapo ya ufi, ukocela Baali ubani, nu kupepa tuleza tuuze tuno mutamanyile mpiti.

Yelemiya 18:14

Uzye kungwi umutikame watala ata kuloleka apa ntonje ya myamba ya Lebanoni? Uzye utunguzi twa manzi azuke twata ukukonkoloka kweneko?

Yelemiya 51:18

Twene utwaciwelewele nupya utwakusuula sile. Twene tuliza tononwe lino Yawe aliza atupezye.

Ezekelo 21:15

Ali pakuti antu yane yapeziwe amano, yapomponteke. Pa mpongolo zyonsi zya musumba nemo ninteya penepo ulupanga ulumamyantukanga wa nkuwa, ulumalolelanga sile ukusalipa.

Ezekelo 36:15

Nemo nsikulonda ukuti nupya muce mwauvwa kuno antu ya mitundu yuze yakumutuka nu kumuwela. Mutakatale nupya mukiile imitundu yuze ana. Ivyalanda ne Yawe Simwandalali.”

Oseya 2:6

Caleka nemo ndasaka inzila yakwe ni myunga. Nupya ndamukuulilila icimpinda, kuti nupya atakapite umu nzila zyakwe kwene.

Malango 32:21

Yandenga ukuya nu uzuwa pamulandu ni vipangwe visi leza, Yaleka nasoka pamulandu na tuno yakwama ukuti a tuleza, tuto tuno umucumi tusi a tuleza. Caleka fwandi nani ndaleka yaye nu uzuwa ku cintu icisi umutundu wa mpomvu. Ndaleka uluko lwa ciwelewele luyasosye.

Neemiya 9:17

Ivikana ukuyela, iviilila ni vinjelengwe vino wacisile apakasi kao. Vyumalala imyenzo nu kusolola intunguluzi yakuyaswilizya mu uzya ku Eguputo. Lelo wewe Leza wa luse, uwa cikuku na mizu, asisoka zuwa. Amizu yako akulu. Acino wemo utayatazyezile.

Yelemiya 1:16

Ndakalipila antu yane nu kuyapingwila uyi uyi apa kwifya kwao. Yene yatiyansangukila, yakocela tuleza tuze ubani nu kupepa ivicitwa vya minwe yao.

Yelemiya 11:12

Lyene antu amu Yuda nu mu Yelusalemu yamayanga kuli tuleza tuno yakaocela impolelwa. Lelo kusi nanti cimwi cino tulayazwilizya lino uzanzo wayaponela.

Yelemiya 11:13

Utuluwi kwene tuno antu amu Yuda yakwata twalingana ni misumba ino yakwata, nga aikazi amu Yelusalemu nayo yakuula utuvuwa utwakutuulila Baali impolelwa, kaleza kapupane, nato twalingana sile ni miseo yamu musumba kwene uu.

Yelemiya 11:17

“Anene kwene ne Yawe Wamaka yonsi nalemile Ayuda na ina Izlaeli wa mutingi. Apilelo pene namayazanza. Aeneco kwene yamailetetela pamulandu nu uyi wao, pano alio kwene yalenzile kuti insoke pamulandu wakutuula Baali impolelwa.”