Yelemiya 17:21 - Amazwi Yakwe Leza 2013

²¹ Uyanene ukuti ndi cakuti yakulonda ukwikala ningo, yatalinzile ukusenda iciviya cimwi icinyome apa wanda wi Sabata. Yatalinzile ukupisya icinyome apa mpongolo zya musumba wa Yelusalemu.

Yelemiya 17:21 Referans Kwoze

Malango 11:16

“Muce mutekele pano limwi mungaca musombwe pakuti mumfutatile nga mukaapepa nu kutumikila tuleza tuze.

Malango 4:23

Ali cino fwandi cenjelini! Mutailila upangano wakwe Yawe Leza winu uno wacisile namwe. Mwayela ilamulo lyakwe ilyakuti mutakezye ukuipangila akaluwi mu musango wa cintu icili consi cino wene wamulesya,

Malango 4:15

“Lino Yawe walandanga kunomuli ukufuma mu moto pa Mwamba wa Holebu, mwemo mutaweni icata ca musango uli onsi.

Malango 4:9

Ali cino fwandi cenjelini! Nupya lino mucili nu umi, mutakezye ukwilila vintu vino mweisikulu mwailolela na manso inu. Muce mwanena ku yana yinu na izikulu inu

Luka 8:18

“Caleka ikini amano pali vino mukuuvwa, pano wino wensi akweti wene alapeelwa navyuze, na wino wensi atakweti cimwi nawe alapokwa nu tunono tuno akwelenganya kuti akweti.”

Mako 4:24

Nupya ayanena ati, “Ikini amano pali vino mukuuvwa! Pano cilingilo cino mukalingila auzo acino namwe Leza alamulingila nu kuluta.

Mapinda 4:23

Apa vintu vyonsi uwasunga umwenzo wako. Pano umwaya intulo izikapela umi.

Yoswa 23:11

Acino mutekele kuti mwatemwa Yawe Leza winu.

Milimo 20:28

Caleka muisunge mweisikulu, musunge nu ufyo uno Mupasi Wamuzilo wamwika kuya angalizi. Muye yakacema aiuvi lyakwe Leza, lino wacisile ukuya ilya kwakwe ukupitila mu mfwa ya Mwana wakwe.

Ezaya 56:2

Nemo namapolelelanga antu yano yakacindika pee uwanda wi Sabata, ukwaula ukucita vyaindwa pa wanda uo. Namapolelelanga antu yano yasicita iviipe nanti vimwi.”

Ezaya 58:13

Ndi cakuti umacindika wanda wi Sabata, wakana nu kucitamo vya uculuzi, watandika nu kuwaka wanda wi Sabata wa wanda umwi uwa nsansa, wacindika uwanda wamuzilo, wakwe Yawe, waucindika umu kukanaya ukutali, mwakana ukuomba penepo imilimo, nanti ukulanda ilyasi lya uwelewele,

Kufuma 20:8

“Waiusya uwanda wi Sabata nu kuusunga nu muzilo.